DAGA. Isinilang noong 1924/36/48/60/72/84/96
Magandang kapalaran ang sasalubong sa iyo ngayong taon
bagamat maraming oras ang kailangang ilaan sa trabaho. Gampanan nang maayos ang
responsibilidad upang hindi masisi kung sakaling may problema. Huwag
mag-alangan na humingi ng tulong dahil mas malaki ang tsansa ng tagumpay kung
magtutulungan.. Malayo ang mararating ng kasalukuyang relasyon pero laging
isipin na dadaan sa maraming pagsubok ang tunay na pag-ibig.
BAKA. Isinilang noong 1925/37/49/61/73/85/97
Ibaon na sa limot ang hindi kaaya-ayang nakaraan para mas
maganda ang pasok ng bagong taon. Iwasan ang mga negatibong bagay upang hindi
maapektuhan ang masayang disposisyon. Madaling matukso na gawin ang mga bagay
na maaring magsanhi ng pagkalugi ng negosyo. Magkakaroon ng lamat ang relasyon
sa mga malalapit na kaibigan. Huwag mag-alangang iparating ang nasa isip sa
kinauukulan lalo na kung alam mong pinagsasamantalahan ka.
TIGRE Isinilang noong 1926/38/50/62/74/86 at 98
Apektado ang emosyon at kalusugan dahil sa hindi inaasahang
pangangailangan sa pera. Pilitin ang sarili na gawin ang lahat ng makakaya
upang makuha ang umento o promosyon na inaasam sa trabaho. Sa kabila ng
pagiging abala, tiyakin na laging may sapat na oras para magpahinga. Mahirap
pagsabayin ang responsibilidad sa pamilya at lipunan pero maaring kayanin kung
matatag ang disposisyon.
KUNEHO Isinilang noong
1927/39/51/63/75/87
Mabilis na lilipas ang mga araw. Sa wakas ay malulutas din
ang gusot laban sa ilang kamag-anak at muling mangingibabaw ang pagkakaisa sa
loob ng tahanan. Magkakaroon ng bagong kaibigan at maaring mauwi sa mas malalim
na unawaan ang samahan. May ilang taong magpapakalat ng tsismis laban sa iyo
pero huwag magpadala sa bugso ng damdamin para hindi masira ang iniingatang
reputasyon.
.
DRAGON Isinilang noong 1928/40/52/64/76/88
Dahil sa pagpupunyagi, maraming biyaya ang matatanggap at
aani ng maraming papuri. Laging isaalang-alang ang sariling kakayanan kapag
dumating ang pagkakataon na kailangang mamili. Huwag hahayaang mawalan ng oras
sa pamilya dahil sa dami ng inaasikaso. Ingatan ang perang pinaghirapan at
tiyakin na makapag-impok bilang paghahanda sa kinabukasan. Para sa mga walang
asawa, lmararanasan ang “love at first sight”.
AHAS Isinilang noong 1929/41/53/65/77/89
Sa wakas ay makakamit
ang tiwala ng ibang tao lalo na ang mga kasamahan sa trabaho. Harapin ng
buong tapang ang mga taong nang-aapi sa iyo dahil kung malinis ang iyong
intensyon ay tiyak na magtatagumpay. Huwag magbulag-bulagan at siguraduhing
magtanong kung kinakailangan para matuklasan ang katotohanan. Magulo ang
sitwasyon sa loob ng tahanan at maaring masaktan dahil sa daloy ng mga
pangyayari pero huwag mag-alala dahil mabibigyang-linaw din ang lahat.
KABAYO. Isinilang noong 1930/42/54/66/78/90
Maayos ang takbo ng negosyo kaya tiyak ang magandang pagpasok
ng pera. Huwag aksayahin ang panahon sa mga bagay na maaring maging dahilan ng
pagkasira ng relasyon sa pamilya. Laging isipin na kung bukal sa puso ang
pagtulong ay kusang babalik ang mas malaking biyaya. Mag-ingat ng husto lalo na
kung hindi maiwasang magmaneho sa gabi. Huwag mag-atubiling humingi ng tulong
sa mga kasama para hindi malagay sa alanganin.
KAMBING. Isinilang noong 1919/31/43/55/67/79 at 91
Lahat ng pagsisikap na ginagawa mo ngayon ay tiyak na
pakikinabangan pagdating ng panahon. Huwag matakot na gumawa ng desisyon dahil
sa ganitong paraan lamang maaring maisulong ang adhikain sa buhay. Panatilihin
ang kababaang-loob at makibagay nang husto sa mga kasama para maiwasan ang
gulo. Magkakaroon ng kumplikasyon ang problema sa atay kaya agad na kumunsulta
sa doktor upang maagapan.
UNGGOY. Isinilang noong 1920/32/44/56/68/80/92
Matiwasay ang relasyon ng bawat miyembro ng pamilya kaya mas
masaya ang pasok ng bagong taon. Huwag umurong sa responsibilidad o sa dami ng
kailangang asikasuhin dahil marami ang nakahandang magbigay ng tulong. Maalwan
ang pasok ng pera kaya maari ng bilhin ang bagay na matagal nang pinag-iipunan.
TANDANG. Isinilang noong 1921/33/45/57/69/81/93
Mas mabuting umiwas muna sa mahahabang biyahe at pagtuunan ng
pansin ang mga bagay na nangangailangan ng kagyat na atensyon upang hindi
mabagot. Mag-ingat sa lahat ng ginagawa dahil maaring magkaroon ng aksidente.
Abalahin ang sarili sa pamamagitan ng ehersisyo upang mawala sa isipan ang
malungkot na mga pangyayari nitong mga nakaraang araw. Huwag lalaki ang ulo
dahil sa tagumpay na matatamo sa trabaho.
ASO. Isinilang noong 1922/34/46/58/70/82/94
Hindi magkandaugaga sa dami ng obligasyon kaya halos mawalan
na ng oras para sa sarili. May hindi inaasahang problema na haharapin sa
trabaho pero kayang-kaya itong lutasin sa tulong ng ilang mapagkakatiwalaang
kasamahan. Ingatan ang kalusugan at iwasan ang mga bisyo na maaring magdulot ng
malubhang karamdaman.
BABOY. Isinilang noong 1923/35/47/59/71/83/95
Ang sigalot sa pagitan ng minamahal ay hindi mawawala
hangga’t hindi ito hinaharap. Matindi
ang tukso na gumastos sa mga bagay na hindi kailangan kaya kung hindi
mag-iingat ay maaring maubos ang perang pinaghirapan. Huwag magpadala sa
silakbo ng damdamin. May malaking problema sa loob ng tahanan ngunit kailangan
mong magpakatatag dahil nasa iyo ang lakas ng buong pamilya.
