Responsive Ad Slot

Latest

Buhay Pinay

Features

People

Sports

Philippine News

Food Trip

CHINESE HOROSCOPE

Ugaliing makinig!

Join us at Facebook!

Tinamad noong wala ang amo

15 April 2016

Parelax-relax lang si Vangie noong nagbakasyon nang isang linggo ang mga amo na Briton sa Malaysia, dala ng Mahal na Araw. Unang araw matapos silang umalis ay agad siyang naglaba ng mga maruming damit, tuwalya at mga kubre kama. Pagkatapos makapagpatuyo ay wala na siyang inatupag kundi ang mag-internet. Hindi siya lumalabas ng bahay dahil nasa harap lang siya palagi ng telebisyon at computer. Natauhan lang siya nang mag message ang kanyang mga amo, at sinabing pabalik na sila kinabukasan. Bigla siyang nataranta dahil ang buong akala niya ay Huwebes pa lang at hindi Biyernes.
Minabuti niyang magtrabaho agad, kahit hindi na niya alam kung ano ang dapat unahing gawin. Agad niyang binitawan ang hawak na mobile phone at itinago ang computer para mapagtuunan niya ng pansin ang trabaho. Sa dami ng gagawin ay inabot siya ng hatinggabi sa pagtatrabaho nguni’t hindi pa rin niya natapos lahat. Minabuti niyang gumising na lang ng maaga para matapos ang mga dapat niyang asikasuhin.
Sising sisi din siya dahil hindi muna siya naglinis bago inasikaso ang hilig niya. Pagdating ng mga amo ay laking taka ng mga ito dahil sa nakita nilang hitsura niya. Nagdahilan na lamang siya na masakit ang puson dahil sa buwanang dalaw, kaya hindi siya nakatulog ng maayos. Dahil sa nangyari ay ipinangako niya sa sarili na uunahin na niya ang paglilinis bago harapin ang mga kaibigan sa facebook.  Si Vangie ay isang Ilokana at kasalukuyang naninilbihan sa mga among Briton sa Tai Wai. – Marites Palma

Tinakot
Ganoon na lang ang gulat ng magkakasamang sina Tina, Cely at Ria nang bigla na lang silang lapitan ng isang taga-suporta ng kalaban ng kanilang napupusuang kandidato at pilit tinakot. Kasalukuyan silang naglalakad sa Central noon, suot ang kulay ng kanilang kandidato, nang bigla siyang lapitan ng isang babaeng pasaway at pasinghal na tinanong kung bakit ganoon ang kanilang suot na pang-itaas. Pilit ding idinudutdot sa mukha niya ang T-shirt ng kanilang kandidato. Bagamat nagulat ay nakuha pa rin nilang lumayo na lang. Sa kanilang tatlo, si Cely ang lubos na nagulat at nagalit sa nangyari. Unang beses kasing nangyari sa kanya ang ganoong pananakot ng harapan kaya hindi niya napigilang maghimutok. Ayon sa kanya, isa lang siyang ordinaryong OFW at ina na naninindigan sa kanyang paniniwala para sa kinabukasan ng kanyang mga anak. Bakit daw nagagawa ng kanyang mga kapwa Pilipino ang gumawa ng ganoong kabastusan ng dahil lang sa pulitika? Wala daw ba silang natutunan na kabutihang asal at nakakagagawa nila ang ganoon sa publiko? Dahil sa nangyari, lalo lang napagtibay ni Cely sa sarili na tama ang kanyang piniling kandidato. Lubos ang panalangin niya na ito ang manalo para sa katiwasayan ng kanyang kalooban. Si Cely ay taga Iligan at may tatlong anak na mag-isang sinusuportahan.

Don't Miss