Responsive Ad Slot

Latest

Sponsored

Features

Buhay Pinay

People

Sports

Philippine News

Join us at Facebook!

For the period June 1-15, 2016

01 June 2016


DAGA. Isinilang noong 1924/36/48/60/72/84/96
Nakakabagot ang paglipas ng araw sa trabaho ngunit huwag panghinaan ng loob dahil makakamit din ang tagumpay. Maaring mabigo sa pag-ibig ngunit madaling makabawi lalo na kung laging positibo ang pananaw. Matinding pagod ang mararamdaman kaya maglaan ng sapat na oras sa pahinga para mabawi ang nawalang lakas. Magkakaroon ng problema sa asal ng anak.

BAKA. Isinilang noong 1925/37/49/61/73/85/97
Huwag itali ang sarili sa responsibilidad lalo na kung nagigung pabigat na ito para walang dapat pagsisihan sa bandang huli. Maging mapagmatyag sa mga nangyayari sa paligid upang maiwasan ang nakaambang panganib at ang matinding gusot na dulot nito. Mag-ingat sa mga taong mapagsamantala at  kilalanin nang husto ang mga kaibigan.

TIGRE Isinilang noong 1926/38/50/62/74/86 at 98
May darating na hindi inaasahang pagbabago at maari itong magdulot ng matinding dalamhati sa iyo pero huwag mag-alala dahil maganda ang resultang kaakibat nito.   Mabibigo sa pag-uugali ng mga anak pero huwag magpaapekto bagkus ay ipakita na kaya mong kontrolin ang sitwasyon. May problema sa sikmura kaya iwasan ang mamantikang pagkain, kape at alak.

 KUNEHO Isinilang noong 1927/39/51/63/75/87
Maraming biyaya  ang bigla na lamang tatambad sa iyong harapan.  Panahon na para talikuran ang mga nakasanayang gawi sa trabaho at sanayin ang sarili na makipagkumpetensiya para maabot ang tagumpay. Maaring mawala ang perang inutang lang sa kaibigan at masisira din ang inyong relasyon sa isat-isa. Unti-unting magkakaroon ang katuparan ang mga pangarap lalo na sa usapin ng pag-ibig.
.
 DRAGON Isinilang noong 1928/40/52/64/76/88
Mahigpit ang pangangailangan sa pera kaya huwag gumastos sa mga bagay na hindi kailangan. Siguraduhin na hindi mauwi sa pagtatalo ang talakayan sa pagitan ng bawat miyembro ng pamilya. Huwag hayaang matali ang sarili sa relasyon na walang patutunguhan. Sa mga walang asawa, maaring makilala ang taong magpapatibok sa puso. Maglaan ng sapat na panahon para sa sarili upang makapagpahinga ng husto.

AHAS Isinilang noong 1929/41/53/65/77/89
Malaking pagbabago ang magaganap dala na rin ng magandang takbo ng negosyo. Sa mga mag-asawa, maglaan ng panahon para mapag-usapan ng  seryoso ang plano upang maging malinaw ang patutunguhan ng relasyon. Kung kailangang gumawa ng agarang desisyon, pag-aralang mabuti ang hakbang upang hindi mapahamak. Matinding pananakit ng ulo ang mararanasan kaya iwasan ang mataong lugar o magulong paligid.

KABAYO. Isinilang noong 1930/42/54/66/78/90
Maganda ang pasok ng pera kaya mapapasaiyo ang mga nais bilhin. Makakaramdam ng panghihina at malaki ang maitutulong kung bahagyang bagalan ang takbo ng iyong buhay. Makikilala na sa wakas ang taong magbibigay o magpupuno ng iyong kaligayahan. Maraming oportunidad ang uusbong sa trabaho kaya samantalahin ang bawat pagkakataon para maipamalas  ang kakayahan.

KAMBING. Isinilang noong 1919/31/43/55/67/79 at 91
May malaking problema sa pera sa linggong ito pero kung malaki ang impok sa bangko ay makakatulong ito ng husto. Maglaan ng oras sa pamilya gaano man kaabala ang iyong buhay. Nakakatakot magkamali sa trabaho pero kailangan mong sumige para makilala ang iyong kakayahan. Makakatanggapng sulat na naglalaman ng magandang balita. Mag-ingat sa mga patibong ng mga kasamahan sa trabaho.

UNGGOY. Isinilang noong 1920/32/44/56/68/80/92
Angkop ang panahon para gumawa ng desisyon base sa hinala at sentido kumon. Panatilihing masaya ang disposisyon sa buhay kahit maraming problema na dapat atupagin. Sa mga mag-asawa, punan ng pang-unawa ang pagkukulang ng bawat isa. Asikasuhing mabuti ang pangangailangan ng mga anak.

TANDANG. Isinilang noong 1921/33/45/57/69/81/93
Malakas ang iyong intwisyon at makakatulong ito ng husto upang maiwasan ang matinding pagkakamali. Malaki ang kakailanganing pera pero hanggat maari ay huwag kumapit sa patalim. Makakakuha ng positibong tugon kung magpapamalas ng tunay na pagkagiliw sa taong napupusuan. Sa kabila ng abalang takbo ng buhay, tiyakin na may oras pa rin para sa pamilya. Aani ng tagumpay ang mga proyekto kaya linangin ng husto ang sariling kaalaman.

ASO. Isinilang noong 1922/34/46/58/70/82/94
Maaring magkaroon ng malaking problema lalo na kung hindi mag-seseryoso sa buhay. Piliin mabuti ang sasabihan ng sikreto dahil sa bawat natatamong tagumpay ay nadadagdagan din ang mga kaaway. Panatilihin ang mababang loob at laging ituon ang isip sa mga bagay na makakatulong sa iyong pag-asenso. Walang problema sa kalusugan pero huwag pabaya para manatiling masigla ang isip at katawan. Matiwasay ang loob ng tahanan.

BABOY. Isinilang noong 1923/35/47/59/71/83/95
Madaling maibagay ang sarili kaya maaring pakinabangan ang lahat ng pagkakataon. Babalik ang lakas mula sa hindi maipaliwanag na pananamlay kaya kailangan ibaon sa limot ang masamang alaala. Huwag magpadala sa silakbo ng damdamin. May malaking problema sa loob ng tahanan kaya maging matatag dahil nasa iyo ang lakas ng buong pamilya.

Don't Miss