Ayon sa Ilonggang kasambahay, tinurukan lang siya ng gamot na pangontra sa tetano, at pinainom ng Panadol para maibsan ang sakit na sanhi ng kagat ng aso.
Gusto na ng Ilongga na umalis na sa amo, dahil pangalawang beses na umano siyang kinakagat ng matapang na aso. Ayaw namang pumayag ng amo, at sinabing kung mananatili siya sa kanila ay hindi na ipapaalaga sa kanya ang aso.
Kumunsulta siya sa ilang mga kakilala at pinayuhan siya na ilapit na sa abugado ang kanyang kaso para bayaran siya ng danyos ng amo. Kahit ligtas na siya sa rabies ay nagtamo din siya ng sugat na dapat panagutan ng kanyang amo. Dahil dito ay maari na rin siyang bumaba sa bahay ng amo ng walang abiso.
Kasalukuyang pinag-iisipan nang maigi ng Ilongga kung ano ang susunod niyang gagawin. – Merly Bunda
