Responsive Ad Slot

Latest

Sponsored

Features

Buhay Pinay

People

Sports

Philippine News

Join us at Facebook!

Kulang ng $2 ang pambili ng almusal

05 February 2017

Nagkasabay sina Ana at Beata sa restaurant kung saan sila bumibili ng pang almusal ng kanilang mga amo. Nagbabayad na si Ana nang makita niya na kulang ng $2 ang dala niyang pera. Dahil ayaw nang umakyat muli para lang kumuha ng $2 ay minabuti niyang pakiusapan si Beata na pautangin na muna siya.

Gayon na lang ang kanyang gulat nang sumagot ito ng, “Hala, hindi ko pera ito kabayan, pera ng amo ko, baka malaman niyang kulang ng $2, sukli niya. Nakakahiya sa amo ko, baka hindi na niya ako pagkatiwalaan.”

Napatanga ng ilang sandali si Ana sa tinuran ni Beata,  pero nang mahimasmasan ay nagmakaawang muli na babayaran din siya. Magka-building lang naman sila, kaya aabangan na lang daw niya ito kinabukasan sa kanilang lobby para bayaran ang maliit na halagang hinihiram niya.

Nagdalawang-isip pa rin si Beata kaya sinabi ni Ana na magka-bulding sila talaga, at maari daw siyang ipagtanong sa ibang mga Pinay na nakatira din doon. Bagamat atubili pa ay umoo na rin si Beata, pero pinakasiguro na babayaran siya ni Ana kinabukasan para hindi siya mapagalitan ng kanyang amo.

Kinaumagahan dahil Linggo at araw ng pahinga nilang dalawa ay talagang hinanap ni Beata si Ana sa mga Pinay doon sa lobby para singilin. Eksakto namang lumabas si Ana sa lift at agad na nagpakilala na siya yung umutang, sabay abot sa $2. Abot-abot din ang pasasalamat na ginawa niya kay Beata. Agad namang inabot ni Beata ang pera, sabay sabing walang anuman, bago nagpaalam.

Mula noon ay lagi nang nagdadala ng ekstrang pera si Ana kapag inuutusan siyang bumili ng kahit ano sa labas para hindi na siya magmakaawang humiram ng kahit na barya lang sa mga kakilala. Si Ana ay isang Bisaya, 35 taong gulang may asawa at mga anak, at isang taon ng naninilbihan sa mga among Intsik sa Taiwai. – Marites Palma

Don't Miss