Pagdinig sa korte itinigil para makakuha ng abogado ang 2 Pinay

 

Ang gusali sa Wanchai kung saan nahuli ang tatlong akusado

Pinatigil pansamantala ang paglilitis ng dalawang Pilipinang nakasuhan ng drug traficking at overstaying nang mapansin ng mahistrado sa Eastern Courts na wala silang abogado.

“Gusto ba ninyong magkonsulta nang libre sa abogado sa Duty Lawyer Service?” tanong ni Magistrate Minnie Wat.

PINDUTIN PARA SA DETALYE

Parehong sumagot ng oo sina Maria Eldha Rose Cabello at Teodora Quijano.

Pagkatapos ng mahigit isang oras ay bumalik ang dalawa at, sa tulong ng kanilang bagong abogado, ay nag-alok ng piyansang $5,000 upang sila ay pakawalang pansamantala.

Pindutin para sa detalye

Pero hindi sila pinagbigyan ni Magistrate Wat. Inutos niyang ibalik sila sa kulungan upang doon hintayin ang susunod na pagdinig sa Mar. 22.

Pindutin para sa detalye

 

Gayunman, nagtakda siya ng bail review sa Feb. 15 upang pag-usapang muli ang kanilang hiling na magpiyansa, kung sakaling may mga pagbabago sa kanilang sitwasyon o sa imbestigasyon ng pulis.

PINDUTIN PARA SA DETALYE

Sa nakaraang pagdinig noong Oct. 10, 2022, pinayagang magpiyansa ang kapwa nila akusadong si Sam Burcher, isang 23 anyos na Briton na kinasuhan ng possession ng droga, nang itaas niya sa $50,000 ang kanyang alok na piyansa, mula sa $5,000.

Idinahilan ni Burcher na kailangan niyang makabalik sa United Kingdom dahil magsisimula na ang klase sa kanyang kolehiyo.

Silang tatlo ay nahuli ng pulis noong Sept. 2, 2022 sa loob ng Hong Kong Bldg, sa Lockhart Road sa Wanchai.

BOOK YOUR FLIGHTS NOW! PRESS FOR DETAILS

Sina Burcher at Cabello ay nahuli sa hagdan sa 3^rd floor ng gusali, samantalang si Quijano ay nahuli sa Room 9 ng Ming Court Guest Hotel na nasa 2^nd floor ng gusali. Habang iniimbestigahan, nalaman din na ang dalawang Pilipina ay dating domestic helper na nag-overstay.

Kinasuhan si Burcher ng drug possession.

PINDUTIN PARA SA DETALYE

Si Cabello ay sinampahan ng dalawang kaso ng drug trafficking at breach of condition of stay–overstay, dahil isang buwan nang walang bisa ang kanyang visa.

Si Quijano naman ay sinampahan ng isang kaso ng drug trafficking at breach of condition of stay–overstay dahil halos dal`awang buwan nang paso ang kanyang visa. 

Basahin ang naunang report sa kasong ito: https://www.sunwebhk.com/2022/10/2-pilipinang-os-na-nahulihan-ng-droga.html

PRESS FOR DETAILS

CALL US!