The SUN HK : 2 Pinay na overstay, sangkot sa kasong droga

23 March 2023

Iba-iba ang kinahinatnan ng tatlong akusado sa Eastern Court

Nagsanga ang mga landas ng dalawang Pilipinang nag overstay at isang Briton na naharap sa kasong droga sa Eastern Court matapos silang mahuli sa Wanchai noong Sept. 2-3, 2022.

Ang Briton, si Sam Burcher, 23 taong gulang at estudyante, ay pinagmulta ng $5,000. Bumalik sya sa korte gaya ng pangako niya noong maglagak ng $50,000 kapalit ng pagpayag ng korte na ituloy muna niya ang kanyang pag-aaral sa UK.

Iginawad ni Magistrate Daniel Tang ang parusa kay Burcher noong Miyerkules (March 23) matapos siyang umamin sa sakdal na pagkakaroon (o possession) ng 2.56 na gramo ng marijuana nang arestuhin ng pulis sa harap ng Hong Kong Bldg. sa Wanchai.

PINDUTIN PARA SA DETALYE!

Inutos ni Tang na kaltasin ang multa sa piyansang $50,000 na mababawi ni Burcher dahil tapos na ang kaso niya.

Ang kaso naman ng dalawang Pilipinang naaresto kasama niya at inakusahang nagbebenta ng marijuana ay nagpapatuloy pa.

Pero si Teodora Quijano, 33 taong gulang at walang trabaho, ay pinayagang magpiyansa ng $5,000 matapos iurong ng taga-usig ang kasong drug trafficking laban sa kanya.

Ang tanging kasong hinaharap niya ngayon ay paglabag sa kondisyon ng kanyang paglagi sa Hong Kong, dahil siya ay nag-overstay.

PINDUTIN PARA SA DETALYE

Nang mahuli siya sa 2^nd floor ng Hong Kong Bldg., nadiskubre na si Quijano ay tatlong buwan nang overstay. Naterminate siya bilang domestic helper noong May 15, 2022 at dapat ay nakaalis na siya pagkatapos ng 14 na araw, o noong May 29, 2022.

Itinakda ni Magistrate Tang sa May 3 ang susunod na pagdinig sa kaso niya.

Ang ikatlong akusado, si Maria Eldha Cabello, 33 taong gulang at walang trabaho, ay nahaharap sa mas mabigat na kaso dahil ang susunod na pagdinig sa kanya sa April 21 ay upang iakyat ito sa mas mataas na korte, ang District Court.

BOOK YOUR FLIGHTS NOW! PRESS FOR DETAILS

Akusado siya sa dalawang kasong drug trafficking. Inakusahan siyang nagbebenta ng droga sa hagdanan sa 3^rd floor ng Hong Kong Bldg. noong gabi ng Sept. 2, at sa Room 9 ng Ming Court Guest Hotel na nasa 2nd floor ng gusali makalipas ang ilang oras.

Maliban sa mga kasong droga, kinasuhan din siya ng paglabag sa kondisyon ng kanyang paglalagi sa Hong Kong, dahil nag-overstay siya ng halos isang buwan.