Responsive Ad Slot

Latest

Buhay Pinay

Features

People

Sports

Philippine News

Join us at Facebook!

Maling date

24 May 2018

Nataranta nang husto si Flora, 40, isang Ilokana, nang dumating ang kanyang mga amo mula sa paglalaro ng golf na pagod at gutom na gutom. Pagsabi ng kanyang among babae na maghanda na siya ng hapunan ay ganoon na lang ang gulat ni Flora dahil wala siyang niluto.

Tinandaan niya kasi na iyon ang petsa sa kalendaryo kung saan sinulat ng amo niyang lalaki na hindi sila kakain sa bahay ng gabing iyon. Nang sabihin niya ito sa mga amo ay sinabihan siya ng lalaki na basahing maigi ang petsa kung saan iyon nakasulat, at noon lang napansin na sa buwan ng Mayo pala siya tumitingin, e Abril pa lang noon.

Nang malaman ng amo ang dahilan ng kanyang pagkakamali ay sinabihan siya sa banayad na salita na ipagluto na lang sila ng simpleng noodles, kahit udon o mifan na may sahog na balls o dumplings at gulay.

Pinagpawisan ng husto si Flora kahit medyo nawala na ang kanyang kaba. Hindi kasi iyon ang unang pagkakataon na pumalpak siya sa pagbabasa ng memo sa kalendaryo na sinulat ng kanyang mga amo. Mula noon ay itinaon niya sa isip na ilang beses na niyang sisiguraduhin ang mga petsang hindi siya kailangang magluto ng hapunan. – George Manalansan

Don't Miss