Responsive Ad Slot

Latest

Buhay Pinay

Features

People

Sports

Philippine News

Join us at Facebook!

Ano ang hatid ng Hunyo sa iyo

04 June 2018

ASO. Isinilang noong 1922/34/46/58/70/82/94/06
Lalasapin mo ng husto ang sarap ng pag-ibig. Pero huwag kaligtaang alagaan din ang ibang bahagi ng iyong buhay upang maiwasan ang problema. May magagandang transaksyon sa negosyo o trabahong mas malaki ang kita. Huwag pag-aksayahan ng oras ang mga bagay na mahirap ipaliwanag. Makakaranas ng pananakit ng sikmura dahil sa labis na tensyon o nerbiyos. May pag-aalala sa pamilya dahil sa sakit na dinaranas ng taong malapit sa inyo. Lucky numbers: 11, 19, 25 at 36.

BABOY. Isinilang noong 1923/35/47/59/71/83/95/07
Ang dinaranas na pagka-iritable ay hindi nasa isip lang kundi dahil sa nararamdaman mong problema sa panunaw. Maswerte ka sa pustahan sa linggong ito. Iwasang maniwala agad sa mga sinasabi sa iyo; maaaring makasira ito sa iyong trabaho. Makakahanap ka ng katahimikan at pahinga sa piling ng pamilya. Masaya ang love life mo ngayon.   Lucky numbers: 5, 16, 32 at 42.

DAGA. Isinilang noong 1924/36/48/60/72/84/96/08
Madali kang ma in love, kaya sunod-sunod ang magiging karelasyon mo. Pag-aralan kung paano hawakan ang pera, huwag balewalain ito, at huwag magpa-alipin sa salapi. Maging maingat sa pakikisama sa lahat ng tao upang makaiwas sa intriga. Maganda ang iyong pag-angat sa trabaho, pero laging magpakatotoo. Mag-ingat sa aksidente, lalo na kung nagbibisikleta o nagmo-motor; ugaliing magsuot ng helmet.  Lucky numbers: 15, 22, 36 at 41.

BAKA. Isinilang noong 1925/37/49/61/73/85/97/09
Ang pagbibiyahe ay makakabuti sa iyo; gaganda ang iyong pananaw at pakiramdam. May tsansa kang magkaroon ng bagong karelasyon kung ikaw ay naghahanap. Maganda ang kalagayan sa trabaho. Mas magiging malapit din ang mga kaibigan mo ngayon. Kontrolin mo ang iyong pagkain, hindi ka lang tataba, hihina rin ang iyong atay. Iwasan din ang pag-inom ng alak at manigurado na ang kinakain ay laging sariwa. Lucky numbers: 17, 25, 33 at 41.

TIGRE Isinilang noong 1926/38/50/62/74/86 at 98/10
Maganda ang resulta ng pinagpaguran, pero maging maingat sa mga detalye. Kung hindi ka magpapakita ng unawa at pasensya, magiging magulo ang tahanan. Maging mahinahon din sa pakikipag-usap sa ibang tao upang maiwasang makasakit ng damdamin at magkaroon ng kumplikasyon ang pagsasama. Wala kang gana sa maraming bagay at nakakaramdam ka ng pagod. Subukang uminom ng vitamins upang lumakas ang resistensya.

KUNEHO Isinilang noong 1927/39/51/63/75/87/99
Makakaramdam ng pagbabago sa katawan at personalidad. Huwag matuksong kumita ng pera sa madali, pero hindi tamang paraan. Gayunpaman, may tsansa na manalo sa sugal ngayon. Ang relasyon sa pamilya ay magkakaroon ng kumplikasyon. Maging matiyaga at huwag madaliin ang lahat upang hindi masira ang tsansa mong magtagumpay. Makakakaasa ka ng suporta sa mga kaibigan na magiging karamay mo sa lahat ng bagay. Lucky numbers: 8, 14, 28 at 36.

 DRAGON Isinilang noong 1928/40/52/64/76/88/00
Maging maingat sa pananalapi. Mag-ingat din sa mga kasamahan sa trabaho na  naiinggit sa iyo at maaring magpahamak sa iyo. Magulo ang relasyon sa pamilya; malas na lang ang taong magpapagalit sa iyo! Anuman ang problema, sa pamilya man o personal, may mga kaibigan kang handang tumulong sa iyo, pero iwasang maimpluwensyahan ng mga payo ng mga ito lalo na kung alam mong hindi ito makakabuti. Lucky numbers: 20, 23, 35 at 39.

AHAS Isinilang noong 1929/41/53/65/77/89/01
Mahirap at seryosong problema sa pananalapi ang kailangan mong haraping mag-isa, manatiling kalmado. Hirap ka ring matulog ng maayos; piliting mag-relax at kumain ng magaan sa tiyan. Mag-ingat ding masaktan o mapilayan sa maling pagkilos. Sa trabaho, huwag ibahin ang gawain kahit sinusulsulan ka ng mga kasamahan. Magkakaroon ka ng mga bagong kakilala at relasyon na magpapasaya sa iyo ng husto.  Lucky numbers: 6, 13, 37 at 40.

KABAYO. Isinilang noong 1930/42/54/66/78/90/02
Mga bagong kaibigan at kakilala ang pag-aaksayahan mo ng oras ngayon. Mabibigyan din ng maayos na solusyon ang iyong problema. Maganda ang kalagayan ng kalusugan. May alitan sa pamilya at palagay mo ay pinagtatawanan ka ng mga anak. Maiinis ka sa ilan sa mga kaibigan mo, huwag magdamdam ng husto dahil tao lang din sila na nagkakamali. Ibaling ang atensyon sa iba upang lumawak ang pananaw at magkaroon ng bagong oportunidad. Lucky numbers: 11, 25, 33 at 42.

KAMBING. Isinilang noong 1919/31/43/55/67/79/91/03
Kailangan mo ng diplomasya upang makausad ng madali sa iyong propesyon. Isang magandang sorpresa ang matatanggap mo. Gagawin mo ang lahat upang maging masaya ang tahanan. Tama ka na i-enjoy ng husto ang buhay at maging masaya. Dahil sa angking talino at talas ng isip kaya maayos ang paghawak mo ng pera, na ikalulugod ng husto ng iyong kabiyak, kahit kung minsan ay hindi siya payag o kumbinsido sa desisyon mo.  Lucky numbers: 14, 18, 31 at 44.

UNGGOY. Isinilang noong 1920/32/44/56/68/80/92/04
May kakayahan kang masolusyunan agad ang mga problema sa buhay. Masaya Ang lovelife sa linggong ito dahil magkasundo kayo ng kapartner sa lahat ng bagay. May tsansa kang makuha ang isang malaking transaksyon, kaya maraming maiinggit sa iyo. Pakiramdam mo ay lumalayo ang taong malalapit sa iyo, at wala silang pakialam sa iyo at labis mo itong ikalulungkot. Lucky numbers: 17, 20, 34 at 41.

TANDANG. Isinilang noong 1921/33/45/57/69/81/93/05
Nahihirapan ang kalooban mo sa mga problemang pinagdadaanan, pero malalampasan mo ito kung makokontrol mo ang labis na nerbiyos. Madali ring mauwi sa mainitang pagtatalo ang diskusyon sa karelasyon. Kailangan mo ng ibayong tapang at sipag sa trabaho upang umasenso. Oras na upang limitahan at ayusin ang mga gastusin upang mapaghandaan ang nakaambang kagipitan. Kung hindi ka handa, malaki ang mawawala sa iyo.  Lucky numbers: 6, 18, 23 at 42.
Don't Miss