Responsive Ad Slot

Latest

Buhay Pinay

Features

People

Sports

Philippine News

Food Trip

CHINESE HOROSCOPE

Ugaliing makinig!

Join us at Facebook!

Natauhan din ang amo

02 June 2017

Biglang pumanaw ang nanay ni Natty kaya nakiusap siya sa amo na umuwi ng ilang araw. Naintindihan naman ng amo ang kanyang sitwasyon kaya pinayagan siyang umuwi ng pitong araw para ihatid sa huling hantungan ang namayapang ina.

Sa araw ng balik niya ay alam niyang may inaasahang bisita ang kanyang mga amo para sa hapunan, kaya naman ibinaba lang niya ang bag at saka parang ipo-ipong nagligpit ng mga kalat.

Abalang-abala siya sa paghahanda ng hapunan nang dumating ang kanyang among babae. Namangha ito sa nadatnan dahil maayos at masinop na ang bahay. “How did you do it?” tanong daw nito.

Habang wala daw kasi si Natty ay hindi pumasok sa trabaho ang among babae para asikasuhin ang mga anak. Humingi ng paumanhin ang amo dahil sa nadatnan ni Natty na kalat. Inamin din ng amo na nakakapagod daw pala ang trabaho ni Natty dahil halos buong araw na nakatayo.
"
Sometimes, I am not nice to you,” sabi din daw ng amo. Hindi alam ni Natty kung ano ang magiging reaksyon sa sinabi ng kanyang amo. Hindi naman daw kasi “sometimes” kundi madalas ay masungit ang kanyang amo.

Pero umaasa siya na dahil sa natuklasan ng amo ay magkakaroon ito ng mas malawak na pang-unawa, lalo na sa mga pagkakataon na hindi niya nagawa ang ibang tungkulin . Si Natty, dalaga at Ilocano, ay limang taon na sa among Pranses na taga-Pok Fu Lam—Gina N. Ordona

Don't Miss