Responsive Ad Slot

Latest

Sponsored

Features

Buhay Pinay

People

Sports

Philippine News

Join us at Facebook!

Natuluyang umayaw sa recontract dahil sa ugali ng amo

19 June 2017

Sa loob ng dalawang taon ay nagtiis si Marian sa kanyang among walang tiwala sa kanya. Sa buong dalwang taong paninilbihan niya sa pamilyang intsik sa Bremar Hill, hindi siya binigyan ng susi sa kanilang bahay.

Sabi ni Marian, tuwing uuwi sya mula sa kanyang araw ng pahinga ay kInakailangan pa niyang maghintay sa labas ng bahay ng amo dahil laging nasa labas ang mga amo kahit lampas na sa curfew niyang alas nuwebe ng gabi. Ayaw din naman niyang magbakasakaling magpahuli ng dating dahil baka mapagalitan siya.

Tiniis din niyang tila nakakulong sa bahay ng amo kapag iniwan siyang mag-isa dahil naka padlock ang pintuan sa harap at likod ng bahay, at pati na rin ang kuwarto ng mga amo at alaga niya. Hindi rin siya pweding tumambay sa sala, kaya sa maliit na kusina lang siya umiikot.

Bukod dito ay limitado ang pagkain kaya sobrang payat niya sa mga panahong iyon.

Pero tiniis niya lahat ang hirap dahil may dalawa siyang anak na pinagaaral sa kolehiyo at ayaw niyang matigil ang mga Ito  kapag lumipat siya ng amo. Wala siyang  naging puhunan kundi ang pagdarasal.

Nang malapit na syang matapos sa kontrata, hiningi niya sa Panginoon na bigyan siya ng palatandaan kung dapat ba niyang ituloy ang paninilbihan sa pamilya ng amo. Matapos ang ilang araw pagkatapos niyang maipasok ang bagong  kontrata sa Konsulado, may naganap na  pangyayari na nagbigay sa kanya ng lakas ng loob na iwan ang pamilya.

Pinagbintangan siya ng among lalaki na may mga nawawalang gamit sa bahay nila, bagay na nagpainit sa ulo ni Marian. Sinabihan niya Ito ng, “I'm confused. You want to re-contract me, yet you are accusing me of taking your things.”

Nagdesisyon si Marian noon din na hindi na ituloy ang kontrata kahit pa nanghingi na ng paumanhin ang among lalaki. Agad naman siyang nakakuha ng amo kahit 6 anim na araw na lang ang natitira sa kanyang  visa.

Sa ngayon ay may bago na siyang amo na napakabait. Pinapayagan siyang lumabas ng Sabado bukod pa sa regular niyang labas  tuwing Linggo.  Mas mahalaga, may sarili na siyang susi sa bahay. -Cris Cayat

Don't Miss