Responsive Ad Slot

Latest

Buhay Pinay

Features

People

Sports

Philippine News

Food Trip

CHINESE HOROSCOPE

Ugaliing makinig!

Join us at Facebook!

Covers the period July 16-31

15 July 2017

TANDANG Isinilang noong 1921/33/45/57/69/81/93
Sa trabaho, matapang ka nang harapin ang mga problema at marami ka na ring mapapatunayan. Kung maiimbita sa kasalan, huwag tumangging dumalo dahil may makikilala kang bagong kaibigan. Ugaliing mag-exercise at bawasan ang pagkain upang gumanda ang kalusugan. Bantayan ang araw-araw na gastusin, kailangan ng ibayong pagtitipid upang makaipon ka. Lucky numbers:8, 15, 24 at 37.

ASO. Isinilang noong 1922/34/46/58/70/82/94
Huwag magpaniwala sa mga kuwento para lang ma-impluwensyahan ka o magamit. Bago tumulong o magpautang, pag-isipang mabuti ito. Maiinis ka sa sunod-sunod na aberya, pero kontrolin ang sarili. May hindi pagkakasunduan kayo ng matalik na kaibigan dahil sa magkaiba ninyong opinyon. Makakaranas ng pamamaga ng gilagid, kumunsulta agad sa dentista. Lucky numbers: 16, 18, 23 at 45.
.
BABOY. Isinilang noong 1923/35/47/59/71/83/95
Mas makabubuting maging tapat sa sarili at huwag hayaang magamit ng ilang malalapit sa iyo sa pansarili nilang kapakanan. Mga kaibigan at bagong mga ideya ang magpapasigla sa isip at kilos, pero iwasan muna ang ambisyosong proyekto at delikadong bagay. Bibigyan mo ng pansin ang panlabas na anyo at pag-aayos sa sarili at lalakas din ang panghalina kaya magiging maganda ang inaasam na pagtatagpo. Lucky numbers: 9, 13, 27 at 40.

DAGA. Isinilang noong 1924/36/48/60/72/84/96 
Huwag matigas ang ulo, tanggapin ang payo ng pamilya dahil para sa ikabubuti mo rin ito. Sa trabaho, ipagpaliban muna ang bagong gagawin dahil hindi magiging maganda ang resulta nito. Marami kang katanungan sa sarili tungkol sa buhay, kamatayan at ibang bagay na hindi mo maintundihan. Subukan mong tumuklas ng mga bagong bagay at magkaroon ng bagong kaalaman. Marami kang matutunan mula sa isang bagong kaibigan na matalino. Lucky numbers: 17, 22, 33 at 41.

BAKA. Isinilang noong 1925/37/49/61/73/85/97 
Kulang ka sa tiyaga at sipag ngayon at gusto mo nang iwanan ang hindi pa natatapos na trabaho. Dahil kulang sa praktikal na pamamaraan, punum-puno ka ng tensyon at kumplikasyon. Iwasang mapagod sa trabaho. Ilan sa pamilya mo ay naiinis sa pagiging mahigpit at pakikialam mo, at sa pagbibigay mo ng payo kahit hindi ito hinihingi. Lucky numbers: 15, 21, 39 at 40.
.
TIGRE Isinilang noong 1926/38/50/62/74/86 at 98 
Abala ka sa trabaho kaya nawawalan ka ng oras para sa sarili, kailangan mong makipagtulungan upang magawa ang lahat sa maayos na paraan. Magigising ang kamalayan at bigla kang mai-in love. Sa tahanan ay mas magiging makuwento ka kaya masaya ang pamilya. Pagkabalisa at nerbiyos ang mararanasan. Upang labanan ito, uminom ng vitamin B at kumain ng karne gaya ng lamb at beef kidneys, pinatuyong gulay, at whole wheat bread. Lucky numbers: 11, 18, 37 at 46.

 KUNEHO Isinilang noong 1927/39/51/63/75/87 
Kailangan mong kontrolin ang dila dahil nagiging masyado kang madaldal. Hindi rin mapigilan ang pagtaba dahil magana kang kumain. Sari-saring bagay na nagpapa-irita sa iyo ang magiging dahilan ng mga away at sakit ng loob sa iyong love life. Pag-aalinlangan at lungkot ang mararanasan. Sundin ang payo ng pamilya, lalo na kung tungkol ito sa pera. Lucky numbers: 5, 19, 26 at 38.

 DRAGON Isinilang noong 1928/40/52/64/76/88 
Sa wakas ay mapapansin din at gagantimpalaan ang iyong pinaghirapan. Magkakaroon ng hindi pagkakaintindihan sa mga kaibigan at maging sa karelasyon; pakiramdam mo ay nakikipag-usap ka sa bingi dahil hindi ka pinapansin, at hindi mo ito kayang palampasin. Iwasang gumastos sa mga bagay na hindi kasama sa budget. Posibleng sumpungin ng rayuma at sakit sa bato. Iwasan ang alak at maaanghang na pagkain. Lucky number: 12, 13, 19 at 45.

AHAS Isinilang noong 1929/41/53/65/77/89 
Tahimik at panatag ang kalooban sa panahong ito. Gawing prayoridad ang pag-iimpok ngayon upang maiwasan ang sakit ng ulo tuwing katapusan ng buwan. Huwag magmukmok sa taguan, lumabas at makisalamuha sa mga tao upang gumanda ang takbo ng isip at may magbukas na ibang oportunidad sa iyo. Bigyan din ng seryosong pag-aalaga ang mga anak, kausapin sila at damayan sa mga pinagdaraanan upang tumibay ang pagsasama. Lucky numbers: 14, 21, 28 at 36.

KABAYO. Isinilang noong 1930/42/54/66/78/90
Ngayo ay huwag mag-atubiling sumubok at sumugal dahil magiging maswerte ka, at madagdagan ang kita. Mag-ingat sa pagiging masyadong sensitibo dahil nagiging bayolente ka. Mae-enjoy mo ng husto ang mga bagong karanasan na kasama ng iyong sister soul. Bantayan ang labis na gastusin, lalo na kung hindi na ito kaya ng bulsa. Lucky numbers: 18, 25, 29 at 31.

KAMBING. Isinilang noong 1919/31/43/55/67/79 at 91 
Kaunti na lang at matatapos na rin ang matagal mo nang pinaghirapan, at makikita mo na ang bunga ng matagal nang pinangarap. Ang pinakamahirap na problema sa pamilya ay matatapos na rin. Ang mga nangyayari ngayon ay depende sa takbo ng iyong isip at kung paano mo ia-akma ang sarili. Magiging maingat ka na ngayon; matuto sa naging karanasan, lalo na tungkol sa pera. Lucky numbers: 14, 28, 32 at 40.

UNGGOY. Isinilang noong 1920/32/44/56/68/80/92
Mag-ingat at umiwas sa mga delikadong usapin gaya ng relihiyon o pulitika upang hindi ka mapaaway. Tamang panahon upang humingi ng umento o pagtaas ng posisyon. Maganda ang lagay ng kalusugan, lalo kung mapapanatili ang tamang pagkain at sigla ng katawan. Ang pagbabago ng anyo ay makakatulong na tumaas ang kumpiyansa sarili. Huwag tipirin ang gastos sa operasyon dahil maganda ang magiging kapalit nito. Lucky numbers: 5, 7, 19 at 43.

Don't Miss