Responsive Ad Slot

Maid FinderFind employer quickly!
Download the App!
Latest

Buhay Pinay

Features

People

Sports

Philippine News

Join us at Facebook!

Pinay na namatay sa banyo, inuwi na

06 February 2018

Ni Marites Palma

Naiuwi na ang bangkay ni Erlinda Diego Cabulong, 45, na namatay pagkatapos makitang nakahandusay sa banyo ng kanyang amo noong ika-9 ng Enero.

Nagkaroon ng public viewing ng kanyang mga labi sa Universal Funeral Homes sa Hunghom noong ika-24 ng Enero, bago ito isinakay pauwi sa Maynila kinabukasan sa Philippine Airlines flight PR 301.

Binawian ng buhay si Cabulong sa Tuen Mun hospital dalawang oras pagkatapos siyang itakbo doon ng kanyang amo.

Naulila niya ang kanyang asawa at dalawang anak na lalaki na nakatira sa Purok 4, Villa Santiago, Aglipay, Quirino.

Ayon sa kanyang kapatid na si Mercedes Jasmin Diego, wala pang resulta ang isinagawang pagsusuri para malaman ang sanhi ng pagkamatay ng kanyang nakababatang kapatid. Sa pagkakaalam niya ay wala naman itong sakit na hypertension.

“Napakasakit ang biglaan niyang pagkawala, wala man siyang senyales na mawawala na siya dahil nakagroup chat at nakavideo call pa ang mga anak at apo noong gabi bago siya mamatay, kaya di namin matanggap na wala na siya” ani Diego. Aakuin daw ng amo ang gagastusin para sa pag-uwi ng mga labi ni Cabulong ngunit hanggang Manila lamang. Ang pamilya nila ang sasagot sa pagpapauwi dito hanggang Quirino.

Ang amo na si Josephine Ngan ang unang nagbalita na nakitang walang malay si Cabulong sa loob ng banyo ng kanilang bahay sa Tuen Mun. Umapela ito sa pamamagitan ng Facebook na tawagan siya ng kapatid ng kasambahay agad-agad. Naka-lock daw kasi ang telepono ng yumao kaya hindi nila alam kung sino ang tatawagan.

Don't Miss