Responsive Ad Slot

Maid FinderFind employer quickly!
Download the App!
Latest

Buhay Pinay

Features

People

Sports

Philippine News

Join us at Facebook!

Chinese horoscope for Dec. 1-15

01 December 2018

ASO. Isinilang noong 1922/34/46/58/70/82/94/06
Protektado ka sa mga hindi magandang bagay na darating; malaki ang tsansa na matupad ang gusto mo. Ngayon pa lang, ituon ang atensyon sa tamang direksyon at iwasang magpaikot-ikot. Pagka-irita at pagka-inis ang dadanasin sa loob ng tahanan, at posibleng magkaroon ng hindi pagkakaintindihan sa magulang. Lumabas at libangin ang sarili sa sports. Kaibigan man o karelasyon, laging mainam kung may kasama ka. Lucky numbers: 7, 12, 31 at 46.

BABOY. Isinilang noong 1923/35/47/59/71/83/95/07
Kailangang harapin ang mahirap na sitwasyon, at madidiskubre mong kaya mo itong ayusin. Sa halip na matakot na hindi kakayanin, maging positibo sa pag-atake sa problema. Huwag mag-alangan, gawin ang makakaya hanggang sa huli. Ang pagiging magalang at mahinahon mo ay papupurihan ng lahat ng makakakilalala sa iyo. Hayaan ang sariling mag-enjoy sa ginagawa sa kabila ng mga nararanasang hirap at problema. Lucky numbers: 19, 26, 30 at 40.

DAGA. Isinilang noong 1924/36/48/60/72/84/96/08
Ang mga kasamahan ay magpapakita ng kagaspangan at kawalang-asal, at iisipin mong sinasadya ito upang magsimula ng away kaya mahihirapan kang kontrolin ang sarili na magalit. Hindi ka na sasabihan na masyadong seryoso dahil maipapakita mo ang ibang karakter na magaan at madaling pakisamahan at mai-enjoy mo ang pakikipag-biruan. Kung mababa ang posisyon, hindi ka papayag na hindi ma-promote at mabigyan ng tungkulin; magtatagumpay ka dito. Lucky numbers:3, 15, 23 at 37.

BAKA. Isinilang noong 1925/37/49/61/73/85/97/09
Mailap ang pag-ibig sa iyo at malayo na rin ang narating mo sa paghanap sa kaligayahan na lagi na lang nakakaalpas, at sa panahong akala mo ay nahanap mo na ito. Mahaharap sa seryosong problema sa pera, lalo na at may utang pang binabayaran; ibayong pagtitipid ang kailangan, at ipahinga muna ang iyong credit card kahit na gaano pa kaganda ang bagay na inaalok sa iyo. Lucky numbers: 16, 22, 31 at 44.



TIGRE Isinilang noong 1926/38/50/62/74/86 at 98/10
Magiging masayahin, mapagbigay, masigla at maayos kang makipag-usap sa mga tao sa paligid mo ngayon. Sa trabaho, malakas ang imahinasyon at marami kang magagandang ideya. Ang malamig na panahon ay nagdudulot ng antok at katamaran, subukang kumain ng marami sa almusal bago magtrabaho upang mapanatili ang enerhiya. Huwag hayaang masira ang kapayapaan ng loob ng dahil sa nababasa o naririnig. Iwasang magreklamo. Lucky numbers: 20, 25, 33 at 47.

KUNEHO Isinilang noong 1927/39/51/63/75/87/99
Mag-ingat sa food poisoning! Upang maiwasan ang mikrobyo, ilagay ang tirang pagkain at ugaliing i-defrost ang iladong karne sa loob ng refrigerator. Iwasan ang labis na pagkain ng hilaw na pagkain, at siguraduhin din na nilutong maigi ang kinakain. Ang pinagkakaabalahang proyekto ay mabubuo ng mas mabilis pa sa inakala mong oras. Tama lang na bantayang mabuti ang iyong pinagpapaguran dahil marami ka pang mga balakid na pagdadaanan. Lucky numbers: 11, 27, 38 at 45.



 DRAGON Isinilang noong 1928/40/52/64/76/88/00
May mga hindi ka inaasahang reaksyon, at ang galak na ipinapakita sa mga kasamahan ay kalimitang nasusundan ng kagustuhan mong mapag-isa. Dahil sa biglang pagbabago ng disposisyon kaya nahihirapan kang intindihin ng mga kasamahan, pero ipagkikibit- balikat mo lang ito. Maaring makaranas ng hindi makontrol na pagsinok; kung hindi mawala agad ito, kumunsulta sa doktor. Lucky numbers: 4, 18, 36 at 40.

AHAS Isinilang noong 1929/41/53/65/77/89/01
Kaya mong baguhin ang negatibong bagay sa personalidad mo para maging maaliwalas ang iyong dating. Kung gusto mo nang magkaroon ng pamilya, may tsansa kang makilala ang taong magpapatatag sa iyong buhay. Huwag gaanong lakihan ang pangarap dahil baka mahirapan kang mabuo at matupad ito. Bantayan ang paggastos, huwag munang ituloy ang pagbili ng bagay na matagal mo nang gusto. Umiwas din sa sugal dahil mababawasan ang iyong determinasyon. Lucky numbers: 12, 29, 34 at 42.



KABAYO. Isinilang noong 1930/42/54/66/78/90/02
Ituloy mo lang ang pagsisikap habang kontrolado mo ang lahat, at iwasan din ang walang kuwentang pagtatalo. Sigurado na ang tagumpay mo. Mas gaganda ang pagsasama, at maging ang mga mag-asawang may seryosong problema ay magkaka-ayos. Huwag hayaang maapektuhan ang pagkakaibigan ng dahil sa problema sa pera. Ang totoong magkaibigan ay nagdadamayan. Lucky numbers: 6, 17, 27 at 44.

KAMBING. Isinilang noong 1919/31/43/55/67/79/91/03
Mas madali para sa iyo na magtrabaho ng may mga kasama. Papabor sa inyo ang lahat, at magkakaroon ka ng pagkakataong maipakita ang kaya mong gawin ng walang nagdidikta sa iyo. Mag-ingat at huwag maging kampante upang maiwasan ang gulo, at higit sa lahat, mag-ingat sa pananalita. Kung gusto mong manatiling sariwa at magmukhang bata, tigilan ang paninigarilyo. Lucky numbers: 12, 13, 21 at 28.



UNGGOY. Isinilang noong 1920/32/44/56/68/80/92/04
Maligaya sa ka panahong ito. Pero kung matatanto mong hindi magiging maayos ang lahat, tanungin ang sarili at isiping mabuti ang lahat upang malaman ang totoong problema. Magaan ang lagay ng pananalapi at makakabayad ka sa mga utang at makakapamili ng mga gamit. Malaki ang tsansang magtagumpay ang negosyo. Mas bibigyan mo ng atensyon na mapaganda ang personalidad, kaysa panlabas na anyo. Lucky numbers: 4, 14, 16 at 39.

TANDANG. Isinilang noong 1921/33/45/57/69/81/93/05
Marami kang magiging kaibigan ngayon. Hindi ka makukuntento sa simpleng relasyon, dahil mas gusto mo pang mapalapit ng husto sa mga taong hinahangaan o mahal mo, o sa mga taong interesado kang makilala pa. Piliting maaayos ang problema sa pinangangasiwaan o materyal na bagay at tapusin din ang gawaing bahay. Kulang ka sa kritikal na pag-iisip ngayon, kaya iwasang magbigay ng opinyon o payo kahit kanino. Lucky numbers: 16, 28, 31 at 43.

Suportahan natin ang ating mga sponsor:










Don't Miss