Hirap man sa trabaho ay nananaig pa rin ang awa ni Marites sa lolo at lola ng kanyang alaga.
Isang special child ang alaga ni Marites sa Tsing Yi,13 taong gulang at hirap makontrol kapag nagalit o sinumpong.
Hindi masaya si Marites sa trabaho dahil hindi lang mahirap kundi sinasaktan pa siya ng alaga tuwing ito ay nagta tantrums.
Marami na siyang sugat na natamo dahil dito, at kahit lagi niyang sinasabi sa mga matatanda ang paghihirap niya dahil dito ay wala namang nangyayari.
Lagi na lang siya pinapakiusapan ni lola na huwag siyang aalis at tulungan sila dahil hindi nila kayang alagaan ang kanilang apo.
Minsan masaya naman si Marites sa alaga kapag maganda ang mood nito pero minsan ay talagang pigil na pigil siyang hindi makapanakit.
Maraming beses na rin siyang nagplano na umayaw sa kontrata ngunit iniisip niya ang dalawang matanda na mabait sa kanya.
PRESS FOR MORE SPECIAL OFFERS!
Sa ngayon ay ibayong tibay at loob at pasensiya ang pinapagana niya para makatapos man lang ng kanyang kontrata.
Alam niya kasing hindi na siya pipirma pang muli para sa katiwasayan ng kanyang kalooban.Si Marites ay 28 taong gulang, dalaga at tubong Bicol. -
Rodelia Villar
===
I-TRY MO ITO, KATRIBO!
Mas madali nang tawagan ang mga advertiser natin dito. Pindutin lang ang kanilang ad at lalabas ang automatic dialer. Isa pang pindot ay matatawagan mo ang advertiser na hindi na kailangang i-dial ang numero nila. I-try mo!
