Responsive Ad Slot

Maid FinderFind employer quickly!
Download the App!
Latest

Buhay Pinay

Features

People

Sports

Philippine News

Join us at Facebook!

Ano ang swerteng hatid ng Hulyo

27 June 2019



BABOY. Isinilang noong 1923/35/47/59/71/83/95/07
Ngayon ay may tsansa kang ipakita ang iyong galing at husay. Magkakaroon ka rin ng mga bagong kaibigan at masasayang alaala ang mabubuo. Mag-ingat sa kinakain mo, lalo na’t  mababa ang resistensya mo ngayon. Magiging masaya kayo ng mga mahal sa buhay, pero bantayan ang iyong pananalapi dahil malaking problema ang haharapin mo kapag hindi mo nakontrol ang paggastos.  Lucky numbers: 5, 18, 23 at 45.

DAGA. Isinilang noong 1924/36/48/60/72/84/96/08
Handa kang ipaglaban ang pagmamahal mo, at magiging matapang kang sundin ang nasa puso mo. Kailangang doblehin ang kayod mo ngayon at samantalahin ang magandang kalagayan sa trabaho. Kung balak mong magbawas ng timbang, ito na ang tamang oras. Maganda ang relasyon mo sa mga tao, lalo na kung alam mo ang pangangailangan nila at paano mo sila kausapin. Lucky numbers: 9, 12, 34 at 46.

Call us!

BAKA. Isinilang noong 1925/37/49/61/73/85/97/09
Matutukso kang sumubok, base sa iyong intuisyon o ideya, pero mailap pa rin ang tagumpay. Makakaranas ng problema sa pananalapi, pero makakaahon ka naman. Dahil pinahahalagahan mo ang iyong kalayaan, mapipilitan kang mamili sa ayaw at gusto mo. Nasasaiyo kung dapat mo nang ipagtapat ang nilalaman ng puso mo at ialay ang mga bituin sa langit sa iyong sinisinta. Pero mag-ingat na mawalan ng gana pagdating ng araw. Lucky numbers: 17, 19, 22 at 40.

TIGRE Isinilang noong 1926/38/50/62/74/86 at 98/10
Kulang ka sa sigla dahil sa panahon ngayon; uminom ng vitamin B1 at kumain ng brown rice, skimmed milk at atay ng baka. Ang labis na pag-iisip sa trabahong inaasam ay hindi makakabuti. Pagtuunan ng atensyon ang love life upang sumigla. Mahalaga sa iyo ang iyong mga kaibigan, pero iwasang magsabi ng mga sikreto sa ilan sa kanila dahil baka pagsimulan ito ng pagkasira ng relasyon.Lucky numbers: 21, 25, 31 at 39.

KUNEHO Isinilang noong 1927/39/51/63/75/87/99
Magiging magulo ang relasyon sa minamahal dahil sa pabago-bago mong isip at sumpong. Upang maibalik ang magandang balanse sa kalusugang pisikal at emosyon, piliting magkaroon ng regular at kalmadong pamumuhay. Kailangan ding patatagin ang kalagayan at seguridad ng pamilya. Iwasang ma-stress dahil madali kang igupo nito. Mag-ingat sa mga taong naiinggit at gusto kang saktan dahil sa katayuan mo; siguraduhin mong  nasa ayos ang iyong mga dokumento. Lucky numbers: 14, 15, 18 at 28.

Call now!

 DRAGON Isinilang noong 1928/40/52/64/76/88/00
Maipapakita mo ang husay mo sa diplomasya at pakikipag-usap dahil maisasara mo ang isang magandang transaksyon ng walang problema. Kung kailangan mo ng pera, huwag mangutang, singilin mo ang mga may utang sa iyo.  Sa ngayon ay pwede ka nang magdesisyon na mag-iba ng trabaho at magkaroon ng bagong direksyon.  Ang mga nararamdamang sakit sa katawan na hindi matukoy ang dahilan ay maaaring nasa isip lamang. Lucky numbers: 19, 33, 37 at 42.

AHAS Isinilang noong 1929/41/53/65/77/89/01
Ang pagiging palaban mo ngayon ang magpapabago sa iyo at mapagtagumpayan ang mga bagay na hindi kayang gawin ng mga nauna sa iyo.  Umiwas sa mga matatabang pagkain na maaaring maging sanhi ng sakit sa puso. Mas gugustuhin mong maging malaya upang magawa ang mga bagay na gusto mong gawin. Maiirita ka sa pamilya; bawasan ang pagiging mapagmando at hayaan silang mag-isip sa sarili nilang paraan, gaya nang ginagawa mo sa sarili. Lucky numbers: 9, 13, 20 at 36.

KABAYO. Isinilang noong 1930/42/54/66/78/90/02
Tatayaan mo ang pang-matagalang trabaho at matibay na relasyon. Kung ikaw ang papipiliin, mas gugustuhin mo ang mga bagay na hindi kumukupas sa paglipas ng panahon. Maswerte ka ngayon sa sugal at transaksyong pinansiyal at maaayos ang problema sa kasong legal. Mataas ang enerhiya mo at kaya mong pagsabayin ang iba’t ibang gawain na lalong nagpapasigla sa iyo. Lucky numbers: 13, 29, 31 at 39.

Call us!

KAMBING. Isinilang noong 1919/31/43/55/67/79/91/03
Marami kang trabahong dapat gawin at matatapos mo ito ng maayos, pero kailangan mo ng tulong. Malalaman mo ang totoong kaibigan kapag nasubukan mo sila;  sa ganitong paraan, maiiwasan mo ang mga hindi tapat at totoong sumusuporta sa iyo. May dahilan kang magalit sa isa sa mga anak, pero huwag gaanong maging malupit. Iwasang magpakapagod sa trabaho dahil kailangan mo ng sapat na pahinga at tulog. Siguraduhing  malinis ang kinakain at iniinom. Lucky numbers: 6, 12, 27 at 45.

UNGGOY. Isinilang noong 1920/32/44/56/68/80/92/04
Masusubukan ang pagsasama ngayon dahil sa mga problemang mararanasan. Ayusin ang pananalapi upang masiguro ang kinabukasan. Mag-ingat sa mga galaw at kilos mo na maaaring maging sanhi ng aksidente sa trabaho man o tahanan. Sa maayos na pananalita, magagawan mo ng paraan na mapakalma at maayos ang alitan sa pamilya at maiwasan ang mga bayolenteng reaksyon.  Lucky numbers: 14, 21, 33 at 44.

TANDANG. Isinilang noong 1921/33/45/57/69/81/93/05
Kampante ka at mataas ang kumpiyansa mo sa sarili ngayon. Ang mga hadlang sa gusto mo ay isa-isang mawawala. Mas magiging masaya kang kausap kaya magiging magiliw din ang lahat sa iyo. Huwag pagsamahin ang trabaho at pribadong buhay  at iwasang makasagabal sa gawain ang emosyonal na problema. Positibong pagbabago ang magaganap sa relasyon kung mas magiging mabait at maunawain ka sa kapartner. Lucky numbers: 3, 7, 18 at 43.

ASO. Isinilang noong 1922/34/46/58/70/82/94/06
Pabigla-bigla ng mga desisyon mo ngayon; kontrolin ang sarili, pag-isipang mabuti ang lahat bago magdesisyon. May pagtatalo sa mag-asawa tungkol sa mga anak. Makakatulong ang exercise upang makapag-relax, pero dapat gawin itong regular. Hirap kang makabuo ng mga ideya; maging realistiko at itapak ang paa sa lupa dahil kung hindi, baka masaktan ka lang sa mga punang ibabato sa iyo. Lucky numbers: 16, 24, 29 at 34.
===
I-TRY MO ITO, KATRIBO!
Mas madali nang tawagan ang mga advertiser natin dito. Pindutin lang ang kanilang ad at lalabas ang automatic dialer. Isa pang pindot ay matatawagan mo ang advertiser na hindi na kailangang i-dial ang numero nila. I-try mo!
CALL US TODAY!

Don't Miss