Responsive Ad Slot

Latest

Sponsored

Features

Buhay Pinay

People

Sports

Philippine News

Join us at Facebook!

Dating DH ipinaaresto dahil hindi sinipot ang hearing

26 April 2022

 

Hindi sumipot sa Eastern Magistracy sa pagdinig ng kanyang kaso

Inutos ang pag-arresto sa isang Pilipinang dating domestic helper kanina dahil hindi dumating sa Eastern Magistracy sa pagdinig ng magta-tatlong taon na niyang kaso.

Nakalista para dinggin sa korte ang kaso ni Kris Hope Vargas, 31, na “breach of condition of stay – overstay”.

PINDUTIN PARA SA DETALYE

Pero ayon sa mga dokumento sa korte, may isa pa siyang hinaharap mas mabigat na paratang, ang “dealing with property known or believed to represent proceeds of indictable offence”. (Tunghayan ang aming balita tungkol dito noong Pebrero 2021: http://www.sunwebhk.com/2021/02/overstaying-filipina-charged-with.html)

Maliban sa pag-utos na arestuhin si Vargas, sinabi rin ni  Magistrate Leung Ka-kie na huwag siyang payagan muling mag-piyansa.

PRESS FOR DETAILS! 

Ang kaso niyang overstaying ay nagsimula noong March 10, 2020 matapos ang 14 araw na palugit para siya umuwi matapos siyang materminate ng kanyang amo dahil hindi na siya pinayagan ng Immigration Department na palawigin ang kanyang pagtira sa Hong Kong,

Inakusahan naman siyang nagpagamit ng kanyang ATM card sa money laundering matapos makantanggap ang kanyang account sa Hang Seng Bank ng $691,059.07, na agad namang na-withdraw,  sa pagitan ng May 3, 2019 at Aug. 11, 2020.

Press for details

Ang ganitong kasalanan ay nakalista sa ilalim ng Organized and Serious Crimes Ordinance, na nagtatakda ng parusang pagkakakulong ng hanggang 14 taong pagkabilanggo kung dumaan ang kaso sa paglilitis o 3 taon kung hindi, at multang hanggang $5 million kung dumaan sa paglilitis at $500,000 kung hindi.

Samantala, sa isang hiwalay na kaso ay inutos ni Magistrate Leung ang pagsampa sa District Court ng asunto laban sa family driver na si Roland Ducusin, 39.

PINDUTIN PARA SA DETALYE

Nakabanga si Ducusin noong July 28, 2021 ng isang matandang Intsik sa Wan Chai habang pauwi sila ng ina niya galing sa palengke, lulan ang sasakyan ng kanilang amo.

Namatay ang biktima noong araw ding iyon. 

Para sa karagdagang detalye, matutunghayan ang nauna naming report dito: https://www.sunwebhk.com/2021/10/court-adjourns-case-vs-filipino-driver.html.

https://leade7.wixsite.com/thesunads/asiandragon
PADALA NA!
CALL US!
Don't Miss