Responsive Ad Slot

Latest

Sponsored

Features

Buhay Pinay

People

Sports

Philippine News

Join us at Facebook!

Pilipinang overstay, pinagpyansa matapos magsampa ng torture claim

11 November 2022

Ni Daisy CL Mandap

 

Isa si Batalla sa mga hinuli ng Immigration sa sunod-sunod na raid sa mga bar sa ale-ale (File)

Isang Pilipinang overstay na sinampahan ng limang kaso matapos mahuli habang pinapatakbo diumano ang isang bar sa “ale-ale” sa Central ang pinayagang magpyansa sa halagang $1,000 noong Huwebes sa Eastern Court.

Ito’y matapos sabihin ng abugado ni Mary Jean L Batalla, 52 taong gulang, na pino-proseso na ang “torture claim” ng Pilipina, na kailangang dinggin muna ng iba-ibang sangay ng gobyerno bago siya mapauwi kung kinakailangan.

PINDUTIN PARA SA DETALYE

Si Batalla ay hinuli noong ika-19 ng Agosto ng taong kasalukuyan habang nagtitinda diumano ng alak nang walang lisensiya sa isang bar sa 8th floor ng Fai Man Building, 13 Li Yuen Street West na siya rin daw ang namamahala.

Agad siyang sinampahan ng tatlong kaso: ang pagtitinda at pagkakaroon ng alak ng walang lisensiya at paglabag sa kundisyon ng kanyang visa.

Pindutin para sa detalye

Nang imbestigahan siya sa Central Police Station noong ika-23 ng Agosto ay nakita na overstay na siya noon pang ika-7 ng Hulyo, kaya dinagdagan ng isa pa ang kanyang kaso. Ang panglimang kaso na isinampa laban sa kanya ay ang pamamahala sa bar kung saan siya hinuli.

Pero ayon sa abugado niya, wala daw ebidensya sa paratang na si Batalla ang namamahala sa bar. Ang ginawa lang daw niya ay binati ang hindi nakaunipormeng pulis na nagpanggap na kostumer.

PINDUTIN PARA SA DETALYE

Tinutulan ng tagausig ang hiling ni Batalla na payagan siyang magpiyansa dahil daw seryosong kaso ang kinakaharap niya, at wala siyang permanenteng tirahan kaya malaki ang posibilidad na tumakas siya palabas ng Hong Kong.

Ang sagot naman ng abugado niya ay may ibinigay na dating address si Batalla, na nang usisain ni Magistrate Peter Law ay sa Chung King Mansion pala sa Tsim Sha Tsui. Napag-alaman din sa kanyang pagtatanong na wala nang inuupahang kuwarto doon si Batalla magmula nang mahuli siya.

Press for details

Nang sabihin ng taga depensa niya na maari ding tumira si Batalla sa isang kaibigan sa Tung Chung ay pumayag si Magistrate Law na makapagpiyansa sya, sa kundisyong sisiguraduhin niya sa korte ng hindi lalampas sa 5pm ang address kung saan siya mananatili. Hindi din siya dapat umalis sa Hong Kong habang dinidinig ang kanyang kaso, at mag-report sa Lantau Police Station tatlong beses isang linggo, mula 6pm-9pm.

Nang sabihin ng abugado na humihiling si Batalla na gawing mula 12-3pm ang pagre report niya sa pulis, biglang tinanong ng mahistrado ang, “Bakit? Hindi naman siya pwedeng magtrabaho.”

BASAHIN ANG DETALYE

Agad namang inatras ng abugado ang pakiusap, kaya nanatili ito sa 6pm hanggang 9pm.

Nakatakdang bumalik sa korte si Batalla sa ika-30 ng Nobyembre.

https://leade7.wixsite.com/thesunads/asiandragon
PADALA NA!

PRESS FOR DETAILS
Don't Miss