Responsive Ad Slot

Maid FinderFind employer quickly!
Download the App!
Latest

Buhay Pinay

Features

People

Sports

Philippine News

Join us at Facebook!

Ano ang kapalaran mo sa Nobyembre?

15 November 2018

ASO. Isinilang noong 1922/34/46/58/70/82/94
Maganda ang kalagayan sa trabaho; mapapaboran ka sa kabila ng mga problema. Marami kang orihinal na ideya at makakaasa ng tulong sa mga kasamahan. Umiwas sa mga pagkaing ma-rekado at mamantika na makakasama sa sirkulasyon ng dugo sa katawan. Ituon ang atensyon sa mahal sa buhay ngayon. Ang katiwasayan ng loob ay depende sa magandang pagsasama ng malapit sa iyo; kung walang away, magiging maayos ang lahat. Lucky numbers: 17, 22, 30 at 41.
.
BABOY. Isinilang noong 1923/35/47/59/71/83/95
Ngayon ay mas bibigyan mo ng importansya ang pagkakaibigan. Hindi rin imposible na ang matalik na kaibigan ay maging karelasyon mo. May magtatangkang bentahan ka ng kasangkapan na depektibo o alukin ng palpak na serbisyo; mag-ingat na mabiktima ka ng mga ito. Saglit mong malilimutan ang pagiging praktikal at realistiko kaya posibleng maharap ka sa isang delikadong sitwasyon. Lucky numbers: 6, 19, 23 at 42
DAGA. Isinilang noong 1924/36/48/60/72/84/96 
Tensyon, pagka-irita at pagod ang mararanasan dahil sa ingay sa iyong paligid. Makipag-usap ng maayos upang masolusyunan ang problema. Alisin sa isip ang negatibong palagay na wala kang silbi, at walang nakaka-unawa sa iyo. Dagdagan ang pasensya at gumawa ng seryosong hakbang upang maisakatuparan ang iyong gustong gawin sa kabila ng mga pagsubok. Ito ang oras na ipaglaban mo ang iyong kagustuhan. Lucky numbers: 11, 25, 31 at 37.


BAKA. Isinilang noong 1925/37/49/61/73/85/97 
Sa halip na manahimik, mas makabubuti siguro kung ilalabas mo ang nilalaman ng puso sa isang taong alam mong mapagtitiwalaan upang gumaan ang pakiramdam, makabawi ng lakas o maka- move on. Huwag magtiwala o maniwala sa mga nag-aalok ng pekeng trabaho o mga gamot na pampapayat. Sa hirap ng buhay ngayon, maging maingat sa pagbitaw ng pera, at huwag magpaloko. Lucky numbers: 3, 26, 33 at 39.
.
TIGRE Isinilang noong 1926/38/50/62/74/86 at 98 
May tsansa kang makilala ang mga taong maaring makatulong sa iyo na makakakuha ng mahalagang suporta sa trabaho at negosyo. Samantalahin ang panahong ito, simulan nang ayusin ang mahahalagang bagay sa iyong buhay. Tiwala sa sarili at positibong pananaw ang kailangan mo ngayon. Dahil sa kalungkutan, pagka-inip at ang kawalan ng simpatiya ng mga tao, natutukso lang sumali sa mga iba’t ibang samahan; mag-ingat, kilalanin silang mabuti at alamin ang kanilang layunin. Lucky numbers: 5, 18, 40 at 45.

KUNEHO Isinilang noong 1927/39/51/63/75/87 
Kung hindi mo pa natatagpuan ang iyong soul sister, makikilala mo na siya ngayon. Bisitahin ang mga lugar kung saan ka pinaka-komportable at mailalabas mo ang totoong ikaw. Nahihirapan ka sa napili mong paraan ng pagdi-diyeta kaya gusto mong tigilan na ito. Kailangan mo ng dagdag pasensya, huwag sayangin ang enerhiya o magalit sa maliliit na bagay na hindi mo gusto. Mag-ingat na gumawa ng ingay na walang katuturan. Lucky numbers: 7, 29, 31 at 40.

 DRAGON Isinilang noong 1928/40/52/64/76/88 
Masipag, mahusay sa trabaho at masigla, kaya maganda ang resulta ng iyong trabaho. Gaganda ang pinansyal na kalagayan. Pero sa taong mahal mo, kulang ang ipinapakita mong pag-aalaga at atensyon. Makakahanap ka ng paraan na mapagtakpan ang mga pagkaantala ng ilang bagay. Mataas ang enerhiya mo, at ang problema mo ay kung paano ito magagamit ng husto na hindi ka lalabas na sobrang agresibo. Lucky numbers: 12, 16, 32 at 41.

AHAS Isinilang noong 1929/41/53/65/77/89 
May mabubuo kang koneksyon sa iyong paglalakbay. Ingatan ang pananalapi dahil hindi maganda ang pasok nito ngayon. Dagdagan ang atensyon sa karelasyon na nakakaramdam na napapabayaan mo. Mag-ingat sa kolitis, kung hindi magagamot ito ng tama ay baka lumala ito. Lagnat at pananakit ng tiyan ang maaring maranasan. Lucky numbers: 16, 20, 33 at 42.

KABAYO. Isinilang noong 1930/42/54/66/78/90
Makakaasa ka ng swerte ngayon. Mawawala ang pangamba at kamalasan at muling mabibigyan ng pag-asa dahil sa magandang kapalaran na darating sa iyo. Mas gaganda ang pagsasama dahil pipiliting mong mas maging maunawain at maalaga sa mahal mo sa buhay. Malalasap mo ang pinakamaligayang sandali sa pag-ibig. Magugustuhan ng mga tao ang bago mong pananaw sa buhay at kasiyahan sa kahit simpleng mga bagay. Lucky numbers: 19, 21, 37 at 46.

KAMBING. Isinilang noong 1919/31/43/55/67/79 at 91 
Mag-ingat sa magagandang alok na wala ring kahihinatnan, at sa mga importanteng tao na wala rin palang kuwenta. Sa madaling salita, hindi lahat ng kumikinang ay ginto. Umiwas sa mga tukso. Mas magiging maingat ka pagdating sa pag-ibig. Ingatan ang paghawak ng pera, dahil may ugali kang pabigla-bigla ng desisyon, lalo na sa panahong ngayon na kabi-kabila ang mga paninda. Lucky numbers: 6, 15, 30 at 41.



UNGGOY. Isinilang noong 1920/32/44/56/68/80/92
Lumabas ka at makihalubilo sa mga tao: dito ka makakatagpo ng mga taong kawiwilihan mo. Hindi masamang makipagkaibigan, lalo kung positibong mababago ang iyong pananaw. Kailangan mong pag-isipang mabuti kung ano talaga ang gusto mo, at kung sino ang gusto mong makasama sa buhay nang hindi nai-impluwensyahan ng materyal na bagay. Sa pamilya, hangad mo ang katahimikan at maayos na pagsasama. Lucky numbers: 9, 14, 25 at 39.

TANDANG Isinilang noong 1921/33/45/57/69/81/93
Ang love life ay sisibol nang walang problema o tensyon. Samantalahin ito upang mas lalo pang maging matatag ang pagsasama. Kung single, malaki ang tsansa na makatagpo ng taong magugustuhan mo. Magkakaroon ka ng magandang pagkakataon upang magamit ng husto ang enerhiya at kaalaman. Mag-ingat upang hindi magkasakit. Kailangan mo ng vitamin C at dagdagan ang pag-inom ng mainit na tubig upang lumuwag ang daloy ng plema. Lucky numbers: 5, 13, 27 at 41. 

Suportahan natin ang ating mga sponsor:













Don't Miss