Responsive Ad Slot

Maid FinderFind employer quickly!
Download the App!
Latest

Buhay Pinay

Features

People

Sports

Philippine News

Join us at Facebook!

Hinagpis ng ina

01 November 2018

Pilit na inuunawa ni Imelda, 64, ng La Union, ang apat na anak na iba-iba ang mga ugali at karamihan ay hindi siya kinakausap.

Sa katunayan, ang isa sa mga ito ay nag-block sa kanya sa Facebook, samantalang ang kaisa-isang anak niyang lalaki ay sinasabi sa mga kapitbahay na wala na siyang ina.

Hirap na hirap ang kalooban niya noong una pero sa kalaunan ay tinatawanan na lang niya ang mga ito.

Ang akala daw niya noong una ay gagaan na ang pakiramdam niya dahil may mga trabaho na ang mga ito, pero panay problema pa rin ang hatid ng mga ito sa kanya. Iniisip na lang niya na marahil ay may hinanakit ang mga ito sa kanya dahil niya natutukan o nasubayabayan ang kanilang paglaki dahil sa pagtatrabaho sa ibayong dagat.

Maayos naman daw ang kabuhayan na kanyang naipundar, at sapat na sa kanyang pagtanda.

Dangan nga lamang, balintuna ang mangyayari sa kanyang pag-uwi dahil ang mga anak naman niya ang nasa Hong Kong ngayon, samantalang siya ay nasa Pilipinas na.

Balak niyang mag retiro na kapag natapos na ang kanyang kasalukuyang pang-15 kontrata, tanda na halos tatlong dekada na siyang nagtatrabaho sa iisang amo.

Malakas ang loob ni Imelda na sa kanyang pagbabalik ay magkakaayos din sila ng kanyang mga anak, lalo na yung iniwan niyang tagapamahala ng kanilang ari-arian sa kanilang bayan. Bahala na daw ang mga ito kung paano siya ituring dahil hindi man siya naging perpektong ina, sigurado naman siyang mahal niya ang kanyang mga anak. – George Manalansan

Don't Miss