Responsive Ad Slot

Maid FinderFind employer quickly!
Download the App!
Latest

Buhay Pinay

Features

People

Sports

Philippine News

Join us at Facebook!

Pinay DH, namatay sa atake sa puso

23 August 2019

Ni Marites Palma


Hindi na inabutang buhay ng mga kaanak  si Imelda Dancel Bartolome, 50 taong gulang, ng Palatao, Naguilian Isabela, nang sumugod sila sa Princess Margaret Hospital sa Kowloon noong ika-22 ng Agosto matapos malamang dinala siya doon ng walang malay.

Image may contain: 1 person, smiling, standing and outdoor
Kilala si Imelda Bartolome sa pagiging masiyahin at mabait
Ayon kay Welfare Officer Virsie B. Tamayao, cardiac arrest o atake sa puso ang sanhi ng pagkamatay ni Bartolome, taliwas sa maling balita ng kumalat sa social media na nabilaukan ito sa luya bago nawalan ng malay.

Nangyari ang biglaang pagkamatay ni Bartolome habang nasa bakasyon ang kanyang mga amo, at tanging ang alaga lang nito na binata ang nasa bahay. Pitong taon na siyang naninilbihan sa mga amo na nakatira sa Mei Foo.
Napabalitang nawalan ng malay si Bartolome sa bahay ng amo noong umaga ng Miyerkules, ika-21 ng Agosto, at agad naman siyang kinuha ng ambulansya para dahil sa ospital. Pero kinabukasan ng hapon ay binawian na siya ng buhay.

Si Bartolome ay may asawa at dalawang anak  na naiwan sa Pilipinas.

Nakatakdang magharap ang kanyang amo at mga kaanak sa Philippine Overseas Labor Office para pag-usapan ang karampatang bayad para sa yumao, at ang mga detalye para sa pag-uwi ng kanyang bangkay.
Kabilang sa mga dadalo ang kanyang asawa na si Sabas V. Bueno, nakababatang kapatid na si Jojie D. Bartolome na isang seaman at ang tiyahin na si Basiliza Arellano.

Samantala, nabigla at nalungkot ang mga kaibigan ni Bartolome sa kanyang biglaang pagpanaw. Kilala ang yumao na palangiti at matulungin.
"Hindi ka tatanda kapag kasama mo si Mel, masayahin siyang tao at napakabait," sabi ni Reyma T. Marcos na naging kapitbahay  niya sa Mei Foo sa loob ng tatlong taon.

Wala pang naitakdang araw para sa pag-uwi ng mga labi ni Bartolome. 


 ==
I-try mo ito, Kabayan: Kung interesado kang ma-contact ang mga advertiser namin dito, pindutin lang ang kanilang ad, at lalabas ang auto-dialer. Pindutin ulit upang tumawag. Hindi na kailangang pindutin ang mga numero.

Call us!
Call us!
Call us!

CALL US!..
Call us!
Call us!
Call now!

Call Us!
CALL US NOW!

Don't Miss