Responsive Ad Slot

Latest

Buhay Pinay

Features

People

Sports

Philippine News

Join us at Facebook!

Corona tales ng 2 OFW sa HK

03 March 2020

Ni Rodelia Villar

Sina Maribel at Trisha ay kabilang sa tinatayang 20,000 Pilipino na tinamaan ng travel ban sa HK

Isa si Maribel R. sa mga naapektuhan ang pagbalik sa Hong Kong dahil sa paglaganap ng novel coronavirus.

Umuwi siya noong Jan . 15  at dapat ay nakabalik na noong Feb. 3 pero dahil sa travel ban sa Hong Kong ay na cancel ang kanyang flight pabalik at na-stranded siya sa Pilipinas. Mabuti na lang at walang pasok sa eskwela ang dalawa niyang alaga kaya nagpasya ang kanyang amo na umuwi na muna sila sa South Korea hanggang hindi pa siya nakakabalik sa Hong Kong.
Laking pasasalamat ni Maribel dahil hindi siya nawalan ng trabaho kahit hindi siya nakabalik sa Hong Kong sa takdang araw, at patuloy pa siyang pinasahod ng kanyang amo.

Si Maribel ay single mother,, 41 taong gulang at tubong Capiz. Ang mga amo niyang Korean ay sa Shatin nakatira.

PRESS HERE TO TRACK YOUR BOX NOW!


Samantala, si Trisha naman ay lumipad pauwi sa Pilipinas noong Feb. 2, kung kailan ipinatupad ng pamahalaan ng Pilipinas ang travel ban sa China, Hong Kong at Macau.
Maaring pumasok sa bansa ang mga Pilipino, pero dapat silang mag quarantine sa loob ng 14 na araw.

Alalang alala si Trisha sa kung ano ang posibleng mangyari sa kanya pagdating sa Maynila, pero hindi na siya nagbukas pa ng Facebook para hindi niya masagap ang mga balita tungkol sa kaguluhan sa Pilipinas ng mga oras na yun. Basta sinunod na lang niya ang lahat ng habilin sa kanya sa check-in counter at inisip na bahala na kung talagang ma-quarantine siya pagdating sa Pilipinas.

Press here to get the App

Mabuti na lang at wala naman naging aberya paglapag ng kanilang eroplano. Binigyan lang sila ng briefing at pina fill up ng kulay dilaw na papel, at saka sinabihan na may kukumusta sa kanila habang sila ay naka home quarantine para malaman ang kanilang kalagayan. Pagkatapos nito ay diresto na siyang umuwi sa kanyang pamilya.
Ang hindi lang niya inaasahan ay tatagal ang bakasyon niya sa Pilipinas dahil sa ban sa lahat ng Pilipino na paalis papuntang Hong Kong. Pagkatapos ng 16 na araw ng puno ng agam-agam ay tinanggal na rin ang ban para sa lahat ng Pilipinong residente o migranteng manggagawa na pabalik sa Hong Kong.

Si Trisha ay dalaga, 35 taong gulang, at taga Cavite. Kasalukuyan siyang nagtatrabaho sa Yuen Long.


---
I-try mo ito, Kabayan: Kung interesado kang ma-contact ang mga advertiser namin dito, pindutin lang ang kanilang ad, at lalabas ang auto-dialer o kanilang website. Pindutin ulit and auto diaoer upang tumawag. Hindi na kailangang pindutin isa-isa ang mga numero.



Don't Miss