 |
| Hindi sumipot sa Eastern Court ang Pilipino kaya ipinaaresto |
Isang Pilipino ang hinahanap ngayon ng pulis matapos ipaaresto ng isang hukom sa Eastern Magistrates’ Courts dahil hindi sumipot sa nakatakdang pagbasa ng kanyang parusa sa kasong pagnanakaw.
Si S. Bermejo, 28, ay kinasuhan ng pagnanakaw nong Apr 1 ng isang pares ng sports shoes sa isang flat sa Wanchai. Siya ay nakalalaya
dahil naka-piyansa.
Nakatakda sanang humarap si Bermejo kay Magistrate Jason Wan
Siu-ming upang basahan ng sentensiya, na katapusan na sana ng kaso niya.
 |
| PINDUTIN PARA SA DETALYE |
 |
Pero nang tawagin ng clerk of court ang kaso niya, wala si
Bermejo. Lumabas sa korte ang interpreter na magsasalin sana sa Tagalog ng hatol
sa kanya, sakaling nasa labas lang siya, pero bumalik ito upang sabihing wala
ang nasasakdal.
Tumayo ang abogado ni Bermejo upang humingi ng kaunti pang
oras upang hintayin ang akusado, at baka naantala lang daw ang kanyang pagdating.
Tutal, ika nito, nauna ang kaso niyang tawagin samantalang
ikalawa ito sa listahan ng lilitisin sa Court 7 sa araw na iyon, kaya baka masyadong
napaaga ang pagtawag sa kaso.
 |
| Press for details |
 |
| PRESS FOR MORE DETAILS |
Pumayag naman si Magistrate Wan sa kahilingan ng abugado.
Pero matapos ang pagdinig ng kasunod na kaso at wala pa rin
si Bermejo, nagpasya na ang hukom na maglabas ng arrest warrant na nagsasabing
ideretso si Bermejo sa kulungan kapag nahuli, at huwag pakawalan hanggang sa
susunod na pagdinig ng kaso sa Aug. 11.
 |
| PADALA NA! |
 |
 |
| CALL US! |
