Responsive Ad Slot

Latest

Sponsored

Features

Buhay Pinay

People

Sports

Philippine News

Join us at Facebook!

OFW Pass, ipapalit sa OEC simula sa Setyembre

30 June 2023

Ng The SUN

Sinabi ni Sec Ople sa isang media briefing kamakailan na mahirap tanggalin ang OEC

Bilang tugon sa matagal nang hiling ng mga overseas Filipino workers ay tatanggalin na ang overseas employment certificate (OEC) na matagal nang nagpapasakit sa mga pauwi sa Pilipinas - pero mayroon itong kapalit.

Inilunsad kagabi ng Department of Migrant Workers  sa pamamagitan ng zoom ang OFW Pass, na magsisilbing patunay na ang mayhawak nito ay lehitimong OFW, at magagamit para makakuha ng Exit Clearance sa mga pabalik sa kanilang trabaho mula sa Pilipinas.

Sa madaling salita, ang OEC ay papalitan ng Exit Clearance na maaari lang makuha kapag may OFW Pass na ang isang manggagawa.

PINDUTIN PARA SA DETALYE!

Ayon kay DMW Secretary Susan “Toots” Ople na siyang nanguna sa pagpapakilala sa OFW Pass sa ilang daang Pilipino mula sa iba-ibang lugar na sumali sa zoom meeting, ito ang sagot ng gobyerno sa hinaing ng marami tungkol sa hirap ng pagkuha ng OEC.

Sa Hong Kong lalo na, laging inaabot ng ilang oras ang pagpila at pagkuha sa dokumentong ito na kailangan ng lahat ng mga OFW para payagan silang makalabas muli ng bansa at bumalik sa kanilang trabaho.

Sa zoom meeting kagabi, sinabi ni Ople na maari na lang gamitin ang OEC sa loob ng 60 araw

Ayon kay Secretary Ople, agad nang ilulunsad ang mobile application o app ng OFW Pass sa Apple Store at Google Play, at maari nang gamitin agad para makakuha ng Exit Clearance, bagamat ipagpapatuloy pa rin ang pagtanggap ng naka imprentang OEC sa loob ng susunod na dalawang buwan.

Dahil dito, sinabi naman ni Assistant Labor Attache Angelica Sunga na magbubukas ang Migrant Workers Office bukas, July 1, kahit holiday, para sa mga gustong gumamit pa rin ng OEC, na may bisa ng 60 araw o hanggang sa katapusan ng Agosto na lamang.

Pindutin para sa detalye

Ilang araw na ding umaabot ng ilang metro ang pila para sa OEC nitong nakaraang mga araw, lalo na tuwing araw ng Linggo, na siyang day-off ng karamihan ng mga domestic worker sa Hong Kong.

Nang tanungin kamakailan si Ople kung bakit hindi na lang nila tanggalin ang OEC gayong may mga kontrata at visa naman na maaring ipakita ang mga pabalik na OFW, sinabi niyang hindi ito basta-basta magagawa dahil naka “embed” o baon na ito sa sistema ng Philippine Overseas Employment Administration.

Sa 2024 ay ika 50 taon na anibersaryo na daw ng programa ng gobyerno na payagang magtrabaho sa ibang bansa ang mga Pilipino, kaya ganun na rin katagal ang sistema na ang datos ay nakasalalay sa pagbibigay ng OEC sa mga manggagawa na umaalis ng Pilipinas.

EXTENDED TO JUNE 30!!

Pero sa kagustuhan daw ng kasalukuyang pamahalaan na bigyan ng mas maraming oras ang isang nakabakasyong OFW sa piling ng kanyang pamilya ay humanap sila ng paraan para mapadali ang pagkuha ng OEC.

Ang nakapanlalambot na pilahan para sa OEC noong nakaraang Linggo
(photo by Annabelle Maregmen)

Sabi pa ni Ople sa zoom meeting, nakipag-usap din sila sa Department of Budget ang Management na ilibre na ang Exit Clearance, hindi katulad ng OEC na kailangang bayaran ng P100 tuwing kukunin.

Bukod dito, lifetime din ang OFW Pass at Exit Clearance hanggang may kontrata at employment visa ang isang OFW, hindi katulad ng OEC na hanggang 60 araw lang ang bisa.

Magsisilbing permanenteng talaan ng mga detalye na may kinalaman sa pagtatrabaho ng isang Pilipino sa ibang bansa ang kanyang OFW Pass, at hindi niya maaaring burahin mag-isa dahil ang record ay naka konekta sa buong sistema ng DMW.

BOOK YOUR FLIGHTS NOW! PRESS FOR DETAILS

Ang pinakaimportante, hindi na kailangang pumila sa MWO para kumuha o magpatulong na kumuha ng OEC ang isang OFW dahil makukuha nila ito pamamagitan ng pag upload ng kanilang employment visa sa kanilang OFW Pass kapag sila ay pauwi.

Maari din nila itong gamitin ng paulit-ulit hanggang may bisa pa ang kanilang employment visa sa ibang bansa.

Pero para masiguro na mga lehitimong OFW lang ang mabibigyan ng OFW Pass, kailangan muna nilang irehistro ang lahat ng kanilang mga personal na detalye, at pati ang mga impormasyon na may kinalaman sa kanilang pagtatrabaho sa ibang bansa, sa DMW Mobile, na isa ding app na ma da download sa Apple Store o Google Play.

Ganito din ang problema sa Dubai ngayon

Ang mga sumusunod ang maaring makagamit ng DMW Mobile app: (1) yung mga OFW na kasalukuyang nagtatrabaho; (2) yung mga paalis ng bansa sa unang pagkakataon at dumaan sa mga employment agencies mga pinayagang mag direct hiring o nakuha ang trabaho sa pamamagitan ng government-to-government placement; (3) mga lumipad ng employer o kumpanya at na-verify ang bagong kontrata ng MWO; (4) mga nagbakasyon at babalik sa dating employer.

Kasama sa pagre rehistro sa DMW Mobile ang pag upload ng litrato ng pasaporte ng manggagawa at kopya ng kanilang pinakahuling visa. Kailangang naka konekta sa wifi o sa data ang telepono o device na gagamitin para magrehistro, pero kapag nakuha na ang OFW Pass ay pwede na itong mabuksan anumang oras, kahit na ikaw ay naka-offline.

BASAHIN DITO

Ayon kay Ople, batid nila na marami sa mga OFW ang hindi bihasa sa paggamit ng bagong teknolohiya o luma ang mga gamit na cellphone kaya mahihirapang makarehistro sa DMW Pass at makakuha ng OFW Pass, kaya kakailanganin daw nila tulong ng mga volunteer sa komunidad para dito.

Para sa mga karagdagang impormasyon tungkol sa pagrerehistro sa DMW app at pagkuha ng OFW Pass, maaring tunghayan lang ang mga paliwanag sa pahinang ito: https://docs.google.com/document/d/1qyIJy-dsbkmHr8VRTQVYm7Qhv9gB_nW1/edit

https://leade7.wixsite.com/thesunads/asiandragon
PADALA NA!

PRESS FOR DETAILS
Don't Miss