Anak ni Tirso Cruz III, pumanaw na

Pinag-usapan ang ginawang pagsayaw ni Tirso Cruz III, asawang si Lyn Ynchausti, anak na sina Bodie at Djanin Cruz, at ilang kaanak, sa huling gabi ng burol ng panganay niyang si Tristan Jedidiah o Teejay noong November 24.
Marami ang humanga sa mag-anak sa kagustuhan nilang maging masaya at sumayaw sa praise songs, kaysa malungkot sa pamamaalam kay Teejay. Bagama’t may mga hindi sang-ayon sa kanilang ginawa, marami ang nagtatanggol sa kanila dahil marami ang nakakaalam na mahilig sumayaw si Teejay at isa daw sa hiling niya na magkaroon ng celebratory mood sa kanyang paglisan.
Anim na buwang naratay sa ospital si Teejay bago ito namatay, pero inilihim ng kanyang pamilya ang kanyang kondisyon dahil sa kahilingan niyang siya mismo ang magpapahayag nito kapag siya ay gumaling na.
Binawian siya ng buhay noong November 21, at na-cremate ang kanyang labi noong November 25. Iniuwi ng kanyang pamilya ang kanyang urn dahil matagal nang gusto ni TJ na makauwi na. Kamakailan ay nag-post ng larawan ang kanyang pamilya, na dala ang kanyang urn mula sa rest house nila sa Batangas. Dinala muna nila ito doon upang makapagpahinga at tuparin ang kahilingan ni Teejay na muling makarating doon.
Si Teejay ay dating child actor, at nasa original cast ng kiddie show na “Ang TV” noon, at  nakalabas pa sa ilang pelikula, pero nang lumaon ay mas ginusto ang pribadong buhay. Bago nagkasakit siya ay nagtrabaho sa St Luke’s Hospital. Naging co-founder siya ng Spike for Hope, ang fund raising volleyball tournament ng Make A Wish Philippines, isang non-profit organization na tumutulong sa mga batang may malubhang karamdaman.
Ito ay naging adbokasya ni Teejay nang ma-diagnose na may lung cancer ang kanyang amang si Tirso na kilala rin sa palayaw na Pip, at sumailalim sa operasyon noong September 2014, pero nang sumunod na taon, ay nadeklara nang cancer-free o magaling na.



Marami ang naki-simpatiya kay Tirso, na isa sa pinakamaraming kaibigan sa showbiz. Marami na itong napag-daanang kalungkutan sa kanyang buhay. Ang kaisa-isa nitong kapatid na si Woody Cruz, na dati ring actor, ay namatay sa isang malagim na aksidente. Ang kanyang mga magulang na kilalang-kilala rin ng mga Guy and Pip fans noon bilang Daddy Groovy at Mommy Elma ay halos magkasunod ding namatay. Pero ang sabi nga ng marami, wala nang mas sasakit pa sa mawalan ng anak.
Araw-araw ay binabati pa rin ng good morning ni Pip si Teejay sa kayang Facebook account.

BAGONG TV AT DIGITAL SHOWS AT PELIKULA NG ABS CBN SA  2019 
Inihayag ng ABS CBN sa kanilang trade partners ang kanilang mga bagong programa at pelikula sa unang yugto ng 2019 noong November 27. Pinamagatang “Family is Love”, ipinakita ang teasers ng kanilang 21 projects, at ipinakilala ang ilan sa mga artistang kasali rito, gaya ng cast ng “The General’s Daughter” na pinangungunahan ni Angel Locsin.
Ang mga projects na nabanggit ay hinati sa apat na categories: reality at variety, digital (iWant), pelikula at teleserye. Ito ay ang mga sumusunod:



WORLD OF DANCE PHILIPPINES – Hosts sina Pia Wurtzbach at Luis Manzano, ang dance competition judges ay sina Billy Crawford, Maja Salvador, at Gary Valenciano. Ang mga contestant ay 8 years old, pataas.  Ang grand winner ay may tsansang lumaban sa US version nito.
MINUTE TO WIN IT: LAST MAN STANDING – muling magbabalik ang hit game show na may mga bagong challenges, at si Luis Manzano pa rin ang host.
SEARCH FOR THE IDOL PHILIPPINES – ito ang bersyon ng ABS CBN ng international singing competition show. Ang mga judges ay pangungunahan ni Asia’s Songbird, Regine Velasquez. Ang mga makakasama niya ay ipapahayag sa mga susunod na araw.
9 iWANT ORIGINALS – Ang streaming platform iWant ng ABS CBN ay muling maglalabas ng bagong original films mula sa iba’t ibang kategorya. Ito ay ang  “High,” “Project Feb 14,” “Story of My Life,” “The End,” “Commuters,” “Touch Screen,” “Find the Wasabi,” “Jhon en Martian,” at “Everybody Loves Baby Wendy.”



EERIE – Ang horror-thriller na pelikula sa direksyon ni Mikhail Red para sa Star Cinema, ay pangungunahan nina Bea Alonzo at Charo Santos-Concio.
HEART OF MINE – Ang pelikula mula sa Star Cinema ay ang unang pagtatambal nina Jennylyn Mercado, Richard Gutierrez at JM DE Guzman.
SAKALING MAGING TAYO – Mula sa The Black Sheep production, ito ang unang pelikula pagbibidahan ng loveteam nina McCoy de Leon at Elisse Joson, sa direksyon ni JP Habac.
OPEN – Mula pa rin sa The Black Sheep production, ang pelikulang ito ay unang pagtatambal nina Arci Munoz at JC Santos, sa direksyon ni Andoy Ranay.
CLARITA – Isang horror film na pagbibidahan ni Jodi Sta Maria, pagkatapos ng nauna niyang horror film na “Maria Leonora Teresa”.



LIZQUEN 2019 – Ang balik-tambalan nina Liza Soberano at Enrique Gil, sa direksyon ni Antoinette Jadaone, mula sa The Black Sheep production. Wala pang titulo ang pelikula.
MEA CULPA -  Bagong TV series mula sa Dreamscape Entertainment Television, na pangungunahan nina Jodi Sta. Maria, Bela Padilla, Sandino Martin, Tony Labrusca, Ketchup Eusebio, Kit Thompson, at Ivana Alawi, sa direksyon ni Dan Villegas.
NANG NGUMITI ANG LANGIT – Ipakikilala ang bagong child actress na si actress Sophia Reola, kasama sina Kaye Abad at Cristine Reyes sa bagong TV series, sa direksyon ni FM Reyes. Kasama rin sina RK Bagatsing, Enzo Pineda, Matet de Leon at Keempee de Leon.
THE GENERAL’S DAUGHTER – Bida si Angel Locsin sa action-drama TV series na balitang pinakamalaking production ng ABS CBN sa 2019. Kasama niya dito sina Albert Martinez, Tirso Cruz III, Janice de Belen, Eula Valdez, Maricel Soriano, Paulo Avelino, JC de Vera, Ryza Cenon, Arjo Atayde, Loisa Andalio, at Ronnie Alonte. Ito ay sa ilalim ng Dreamscape production, at sa direksyon nina Manny Palo at  Mervyn Brondial.

BOY ANG SUSUNOD NA ANAK NINA MARIAN AT DINGDONG
Ipinahayag na ng Kapuso royalty na sina Marian Rivera at Dingdong Dantes sa kanilang You Tube channel na Team Dantes na baby boy ang kanilang magiging anak.  Natupad ang hula at hiling ng marami na lalaki naman ang kasunod ng kanilang panganay na si Zia, na ngayon ay tatlong taong gulang na, at lumalaking napakagandang bata.
Ayon kay Marian, gusto talaga nila ni Dingdong na lalaki ang susunod nilang anak, pero kahit boy o girl man ito, ang importante daw ay malusog ito. Pero si Zia, ang wish daw nito sa nakaraaang birthday niya ay magkaroon ng brother. Nagdiwang ng 3rd birthday si Zia sa Disneyland dahil ito daw ang gusto niya.
Iba pang babies:
Samantala, nagkaroon din ng baby shower para sa magiging anak nina LJ Reyes at Paolo Contis noong November 25 sa Rockwell Center sa Makati. Baby girl ang kanilang magiging anak na papangalanan nilang Summer Ayanna. Ito ang pangalawang anak ni LJ, ang panganay niyang anak kay Paulo Avelino na si Ethan Akio, ay nag-aaral na, at malapit daw kay Paolo.
Si Paolo ay may dalawa nang anak na babae sa dating asawang si Lian Paz, sina Xalene Abriana at Xonia Aitana, na parehong naninirahan na sa Cebu kasama ang kanilang ina at bago nitong pamilya.
Isinilang naman ni Isabel Oli ang pangalawang anak nila ni John Prats, na isang malusog na baby boy noong November 26. Pinangalanan nila itong Daniel Freedom. Ang panganay nilang si Lily Feather ay dalawang taon na.

SHARON, BINIGYAN NG SINGSING SI REGINE
Nagulat ang mga nanood ng Regine At The Movies concert ni Regine Velasquez noong November 24, nang biglang bigyan siya ng singsing ng kanyang guest na si Sharon Cuneta. Balitang kulang-kulang sa isang milyon ang halaga nito, na ipinasadya pa ni Sharon sa isang jeweler at inspired daw ng cocktail flower diamond ring na suot ng Hollywood actress na si Kim Catrall sa pelikulang “Sex and the City”  noong 2008. Malaking bulaklak ang disenyo nito na nakasuot sa dalawang magkatabing daliri.
Bilang kapalit, tinanong ni Sharon si Regine kung ano ang ibibigay nito sa kanya, at sinagot ito ni Regine ng “sa iyo na ang asawa ko!”. Tinanong din ni Regine kung pwedeng isanla ang singsing, at ang sabi ni Sharon “Ay, huwag naman!”. Kinabukasan ay nakitang suot pa rin ito ni Regine sa live show na ASAP.
Kilala si Sharon bilang isa sa pinaka-galanteng mag-regalo sa showbiz.

CHRISTIAN AT ANDREA, MAY SHOW PARA SA OFWs
May espesyal na handog ang GMA Pinoy TV para sa mga kababayang OFWs na uuwi sa Pilipinas ngayong Disyembre, ang “Awit ng Pasasalamat: A tribute to Overseas Filipinos”. Gaganapin ito sa December 15 sa Newport Performing Arts Theater sa Resorts World Manila. Pangungunahan nina Christian Bautista, ang tinaguriang Asia’s Romantic Baladeer; at Kapuso actress na si Andrea Torres ang mga performers. Special guest performers naman sina Joey Ayala, Rose Fostanes, Tanya Darwood at marami pang iba.
Ang organizers ng naturang concert ay ang Advocates and Keepers Organization of OFWs, sa pakikipagtulungan sa Bantay OFWs Inc, at JSP Events, at exclusive media partner ang GMA Pinoy TV, ang international channel ng GMA Network. Ang kikitain sa naturang show ay ido-donate para sa pagbili ng mga medical equipment para sa OFW ward ng Pasay General Hospital.
Ang mga tiket para sa Awit Pasasalamat ay nagkakahalaga ng Php 850, P1,200, P1,500, P3,000 AT P5,000. Ticket inquiries: visit www.ticketworld.com.ph or call Doc Chie Umandap at 0908-128-7864.

INSPIRATIONAL SONG NI CATRIONA GRAY, TOP SA i TUNES PH
Hindi lang bilang isang beauty queen, isa ring mahusay na mang-aawit si Catriona Gray, ang pambato ng Pilipinas sa darating na Miss Universe Beauty pageant sa na gaganapin sa Bangkok Thailand sa December 17.
Ang kanyang single na “We’re In This Together” ay nag-number one na sa iTunes Philippines. Ito ay isinulat at nilapatan ng musika ni Marcus Davis, at produced ng Young Focus International, kung saan matagal nang tumutulong si Catriona.
Bago naging beauty queen at model, si Catriona ay nag-aral ng musika at nakakuha ng Master Certificate in Music Theory sa Berklee College of Music sa Boston.
Ipinamalas niya ng husay niya sa pag-awit noong nakaraang linggo sa ASAP, nang makipag-sabayan siya kina Piolo Pascual,  Ogie Alcasid, Inigo Pascual at Daniel Padilla.
Si Catriona ay nanalo ring Miss World noong 2016.

SUPORTAHAN PO NATIN ANG ATING MGA SPONSOR:

Caught in a landslide of real life and fantasy

By William Elvin Manzano*

Much like Queen frontman Freddie Mercury’s controversy-laden life and stardom, 20th Century Fox’s Bohemian Rhapsody,  a much-hyped film intended to be a biopic of Mercury and the rest of Queen, was wrapped in intrigue and production chaos from the get-go. On top of a revolving door of directors supposed to be at the helm of the film’s process, reports revealed that the role of Freddie Mercury was to be played originally by actor Sacha Baron Cohen – famous for merciless satires such as Borat, Bruno, The Dictator and the TV show Who Is America? – who quit the film after creative differences with Brian May and Roger Taylor, the surviving members of Queen. During production, director Bryan Singer (The Usual Suspects, X-Men) was fired by the studio for bad behavior on the set, and was replaced by Dexter Fletcher (Eddie the Eagle).

Rami Malek as Freddie Mercury is flawless.

And, much like Freddie Mercury’s relentless spirit, the film not only survived but also soared to great heights, becoming one of the biggest global box office triumphs this year. In terms of mass appeal and marketability, the finished and released theatrical version of Bohemian Rhapsody was undoubtedly a success, its great weight singlehandedly carried by Rami Malek’s flawless performance as Mercury. Artistically, it is an ironically ultra-safe and sanitized portrayal of one of the most unconventional rock bands in pop music history, who were never afraid to experiment and break barriers both in their music and their lifestyle.

The movie makes it apparent early on that it is not intended to be an accurate, biographical piece, but rather a fictionalized and romanticized take on Queen’s illustrious music career. Using the band’s highly regarded Live Aid performance at the Wembley Stadium in 1985 as a narrative frame, the movie opens with Freddie Mercury letting out a few coughs, indicating the AIDS-related pneumonia that would take his life in 1991. (Fact: Mercury was diagnosed with AIDS in 1987, much later than is suggested in the film)

What followed in the next two hours were almost disjointed, tensionless vignettes that always seemed to rush to the next, only picked up and made a whole lot better by Malek’s outstanding presence and Queen’s ever-present music. The film’s biggest flaw is its flat, bland and lifeless screenplay by Anthony McCarten (The Theory of Everything), which made the people around Mercury seem like one-dimensional cardboard characters, especially the cinematic versions of guitarist Brian May (played by Gwilym Lee), drummer Roger Taylor (Ben Hardy) and bassist John Deacon (Joseph Mazzello). The supporting characters only served to advance the plot, delivering cheesy and contrived-sounding lines, without adding any layer and nuance to the scenes.

The movie’s wonderful revelation is how the tragedy of Freddie Mercury, even with the most basic and unchallenging portrayal, never fails to capture hearts and minds. This is the story of a passionate man, a musical genius who did everything to erase his real history to create a larger-than-life, uncanny persona that shocked the world and made us feel uncomfortable, but at the same time forcing us all to fall in love with him. In the end, the life of sex, drugs and rock-and-roll he fully embraced and celebrated became his ultimate undoing, and knowing that it happened to a brilliant, fascinating man turns the narrative into both a cautionary tale and a heartbreaking parable.

Despite all its flaws, the film most importantly succeeds in introducing Queen’s magnificent music to a wider audience and a younger generation. At the end of the day, if Bohemian Rhapsody is inspiring the next batch of young musicians to pick up their instruments and aspire to reach the level of Mercury, May, Deacon and Taylor’s creativity, then it is significantly contributing something beautiful and hopeful to the world.

Rating: B- 

*William Elvin Manzano is a singer-songwriter and theater artist whose bread and butter is his job as a copywriter in a PR agency. He used to work with The SUN.

Suportahan natin ang ating mga sponsor:

Diego nagtangkang mag- suicide?

Naging usap-usapan sa showbiz ang diumano’y tangkang pagpapakamatay ng young actor na si Diego Loyzaga, 23. Ayon sa balita, nagtamo si Diego ng maraming sugat sa leeg at kamay dahil naglaslas siya gamit ang kanyang Swiss knife. Mabuti na lang daw at may mga kasama siya sa bahay na agad na nakasaklolo sa kanya at nagtakbo sa kanya sa ospital. May nakapagsabi na hindi naman daw malalim o seryoso ang mga tinamong sugat ng aktor kaya agad itong pinayagang makalabas.

Marami ang nagulat sa balitang ito dahil tila maganda naman ang takbo ng career ng batang actor. Isa siya sa mga bida sa TV series na Los Bastardos na kasalukuyang ipinapalabas sa Kapamilya channel. Ang kanyang inang si Teresa Loyzaga ay nasa Pilipinas na rin at binalikan ang showbiz career. Tahimik din at tila wala nang problema sa kanyang amang si Cesar Montano, na kamakailan ay napag-usapan din. 

Ilang beses na ring naging laman ng mga balita si Diego dahil sa pag-post niya sa social media tungkol sa galit niya sa ama, ang naging away niya sa isang Grab driver, ang pagpo-post niya ng mga larawan sa Boracay, ang break up nila ni Sofia Andres- na umani lahat ng negatibong reaksyon mula sa publiko.

Sa kabila ng mga haka-haka, nananatiling tahimik sina Teresa at Cesar tungkol sa kalagayan ng kanilang anak. Balitang dinala nina Teresa at kapatid nitong si Bing Loyzaga si Diego sa isang pribadong lugar upang magpagaling. Pero hindi siguro ito binawalang gumamit ng internet o telepono dahil nag-post na ito ng larawan ng bottled fruit juices.

Noong March 2010, ang panganay na anak na lalaki ni Cesar at  half-brother ni Diego na si Christian Angelo ay nagpakamatay sa pamamagitan ng pagbaril sa sarili sa kanilang bahay sa Quezon City.

VICTOR MAGTANGGOL, TATAPUSIN NA
Malungkot na ipinahayag ni Alden Richards na magtatapos na ang kanyang TV series na “Victor Magtanggol” sa November 16. Inamin ng aktor na hindi nakaagapay sa ratings ang kanilang show sa kalabang “Ang Probinsyano” ng ABS CBN, na patuloy pa ring namamayagpag sa ere pagkatapos ng mahigit dalawang taon. Pero hindi raw totoo ang tsismis na sadyang sinibak na lang ang show dahil dito. Nabuo naman daw nila ang full season, na dapat ay ipapalabas lang ng 13 linggo, pero pinapirma rin sila ng extension contract. 

Naisip din daw ni Alden na pakiusapan ang mga bosses ng GMA 7 na i-extend ang show dahil naawa siya sa staff at crew na mawawalan ng trabaho, kung kailan magpapasko pa naman. “Kaya lang po, ang daming factors na kinunsider, ‘yung show po kasi na darating, ready na po, tapos ‘yung bakasyon ko rin po sa family, hindi ko na mai-move. Saka ‘yun lang din po ‘yung day na napaalam ko sa GMA, last year pa po, actually,” ang paliwanag pa ni Alden. Nakatakdang magbakasyon si Alden kasama ang buong pamilya sa Los Angeles, California sa December.

Gagawa daw siya ng pelikula sa first quarter ng 2019. Gusto rin daw niyang masubukang makagawa ng indie film, pero sa ngayon ay wala pang offer. Baka sa second quarter na raw siya muling gagawa ng teleserye, at sana raw ay drama naman dahil nami-miss niya ito.

MARIAN, PAHINGA MUNA SA PELIKULA
Ipinagpaliban muna ni Marian Rivera ang paggawa ng isang horror film na nakatakda sana niyang umpisahan sa buwang ito, dahil buntis siya. Kinausap daw niya ang management team niya na Triple A na hindi muna siya gagawa ng pelikula, lalo na kung horror film ito, dahil baka makasama sa kanyang kalagayan, at baka pagsisihan niya ito.

Nong July 2018, ipahayag ni Rams David, manager ni Marian, na muling mapapanood sa pelikula si Marian kung mapipili itong kalahok sa Metro Manila Film Festival. Pero dahil nabuntis nga siya, na masayang in-announce nila ng asawang si Dingdong Dantes noong September, nabago ang kanilang mga plano. Isa na rito ang pag-urong ni Dingdong ng kanyang pagtakbo sana sa susunod na eleksyon, dahil kailangan niyang alalayan ang kanyang asawa sa kanyang kalagayan. Ayaw daw niya itong ma-stress ng dahil sa pagsabak niya sa pulitika.

Sa ngayon ay abala pa rin naman si Marian sa kanyang regular shows na Sunday PinaSaya at Tadhana, at may mga product endorsement din siyang ginagawa. Bukod dito, hands-on mom siya sa kanyang anak na si Zia, na magta-tatlong gulang na sa Nov. 23. Huling napanood sa pelikula si Marian noong 2016, sa isang guest role sa pelikulang “Imagine You And Me”.

Samantala, sinabi ni Marian na malakas siyang kumain ngayon sa kanyang pangalawang pagbubuntis, hindi kagaya noong una. Nakakahiligan daw niyang kumain ng maaasim gaya ng kamias at manggang hilaw. Sa tanong kung babae o lalaki ang kanilang magiging anak, sinabi niyang magkakaroon sila ng gender reveal party sa buwang ito, pagkatapos ng check-up niya sa kanyang doctor. Gusto muna daw nilang makasiguro bago ito i-share sa publiko.

MAINE AT ARJO, MADALAS MAGKASAMA
Muling namataan sina Maine Mendoza at Arjo Atayde na magkasamang nanood ng concert na Karpos Live sa Vertis Tent, Vertis North sa Quezon City noong November 8. Bago ito, nakunan sila ng mga larawan sa isang resort sa Bali, Indonesia noong Halloween break.

Magkasama sina Maine at Arjo sa pelikulang “Jack Em Popoy: The Puliscredibles” na entry sa Metro Manila Film Festival, na pinagbibidahan nina Coco Martin at Vic Sotto. Tila dito nag-umpisa ang pagkakaibigan ng dalawa dahil ilang beses pa silang nakitang magkasamang kumakain sa isang restaurant sa Quezon City, at sa isang bar sa Bonifacio Global City.

Wala pang inaamin ang dalawa kung may namumuong relasyon sa kanila, pero kinumpirma kamakailan ng dating girlfriend ni Arjo na si Sammie Rimando ng grupong GirlTrends, na break na sila.

Ang kapatid naman ni Arjo na si Ria Atayde ang nagtatanggol sa kanyang kuya sa mga bashers o fans   ng AlDub na galit na ma-link ang kanilang idolong si Maine kay Arjo o kaninuman, maliban kay Alden Richards. Ang tweet ni Ria: “If a guy and girl are both single, they should be able to date whoever they want. And a genuine sign of support is if you let them, if you accept it and if you become happy for them even if they don’t go for the person you’re for.”

Wala raw sinasabi si Arjo sa kanya, pero alam daw niyang masaya ito ngayon.

HIMIG HANDOG WINNERS
Panalo ang awiting “Sa Mga Bituin na Lang Ibubulong” bilang Best Original song sa katatapos na Himig Handog 2018. Ito ay nilikha ni Kyle Raphael Borbon, at inawit ni JM de Guzman. Sa finale na ginanap sa ASAP noong November 11, si Jason Dy ang nag-perform ng awitin, dahil maysakit daw si JM, kaya hindi nakadalo. Tumanggap sila ng cash prize na Php1 million bilang grand prize winner. 

Ang sampung finalists na nag-perform sa ASAP ay ang mga sumusunod: “Tinatapos Ko Na” (composer: SJ Gandia, interpreted by Jona) ; “Wala Kang Alam” (composed and arranged by Mel Magno and Martin John Arellano and interpreted by Sam Mangubat); “Dalawang Pag-ibig Niya” (composed by Bernard Reforsado and interpreted by Sheena Belarmino & Krystal Brimer with MNL48); “Mas Mabuti Pa” (composed by Mhonver Lopez and Joanna Concepcion and interpreted by Janine Berdin); “Hati Na Lang Tayo Sa Kanya” (composed by Joseph Santiago and interpreted by Eumee); “Sugarol” (composed by Jan Sabili and interpreted by Maris Racal); “Sa Mga Bituin na lang Ibubulong” (composed by Kyle Raphael Borbon and interpreted by Jason Dy); “Wasakan” (composed by Philip Arvin Jarilla and interpreted by Agsunta); “Para sa Tabi” (composed by Robert William Perena and interpreted by Boyband PH), at “Kababata” (composed by John Michael Edixon, and interpreted by Kritiko ft. Kyla).

Ang ibang mga nanalo:
Best Original Song: ”Sa Mga Bituin na lang Ibubulong”
Second Best Song: ”Wakasan”
Third Best Song:  ”Kababata”
Fourth Best Song: ”Mas Mabuti Pa”
Fifth Best Song: ”Tinatapos Ko Na”

Special Awards
M.O.R 101.9’s Choice: ”Sugarol” composed by Jan Sabili and interpreted by Maris Racal
One Music PH’s Choice for Favorite Interpreter:  Sam Mangubat for “Wala Kang Alam”
TFC’s Global Choice of Favorite Song: “Sugarol” composed by Jan Sabili and interpreted by Maris Racal
Star Music Listener’s Choice: “Mas Mabuti Pa” composed by Mhonver Lopez and Joanna Concepcion, and interpreted by Janine Berdin
Best Produced Track / Music Producer’s Award:  “Tinatapos Ko Na” composed by SJ Gandia and interpreted by Jona
MYX Choice for Best Music Video: ”Sugarol” directed by John Leo Garcia

YAM, KINAIINISAN SA “HALIK”
Laging napag-uusapan ngayon ang hit TV series na “Halik” dahil sa ipinapakitang husay ng mga artista na sina Yam Concepcion, Yen Santos, Sam Milby, at lalo na si Jericho Rosales, na consistent sa pagiging mahusay na aktor. 

Lumabas ng husto ang natatagong husay ni Yam bilang isang palabang kerida na si Jade, dahil nasanay na mga dating nakapanood sa kanya sa mga roles niya na laging tahimik, at mabait. Ang dating napapanood na mahinhin na si Yen Santos bilang si Jackie, ay naging palaban din bilang asawa na niloko at ipinagpalit sa kerida.

Si Sam Milby, na nakasanayang napapanood bilang good boy, ay kinainisan ngayon bilang si Ace, ang asawang manloloko at nangangaliwa. Nagbunyi ang mga masugid na sumusubaybay sa palabas nang bugbog –sarado ang inabot niya kay Lino (Jericho) matapos siyang  mahuli na kahalikan ang asawa nitong si Jade sa isang bar. 

Marami pang eksenang susubaybayan sa “Halik” na patuloy na tinatangkilik dahil marami raw sa mga manonood ang nakaka-relate dito sa tunay na buhay.

Suportahan natin ang ating mga sponsor:

RICO J. PUNO, 65

Marami ang nagulat sa biglang pagpanaw ng beteranong singer na si Rico J. Puno (Enrico de Jesus Puno ang tunay na pangalan niya), 65, noong madaling araw ng Oct 30, sa St Luke’s Hospital sa Taguig City. Ayon sa kanyang anak na si Tosca Camille Puno- Ramos, atake sa puso ang ikinamatay ng kanyang ama. Masaya pa raw ito noong nakaraang gabi dahil excited sa kanyang shows at shoot para sa station ID ng ABS CBN. 

Kamakailan lang ay laman ito ng mga balita dahil sa paghahanda niya para sa 40th anniversary concert niya, at ang pagpa-file niya ng kandidatura bilang konsehal ng Makati sa susunod na halalan.

Ang huling presscon na dinaluhan niya ay noong Oct 18, para sa concert na “Sana Tatlo Ang Puso Ko” kasama ang sina Marissa Sanchez at Giselle Sanchez. Namataan din siya noong Oct 21 na kasama ang kanyang anak na si Tosca sa Rockwell Powerplant Mall sa Makati City.

Rico J. Puno

Noong 2015 ay sumailalim ang batikang singer sa open heart surgery, at noong December 2017 ay sumailalim sa angioplasty, at kinabitan bagong pacemaker.

Ilan sa mga awiting pinasikat niya ay ang “ Kapalaran”, “Lupa”, “Macho Gwapito”, “May Bukas Pa”, “The Way We Were”. Isa si Rico sa nagpalaganap, at masugid na promoter ng OPM (Original Pilipino Music), at tuloy-tuloy ang kanyang pag-awit sa mga ibat ibang bahagi ng Pilipinas, at ibang bansa.  May sarili siyang tatak, ang pagkakaroon ng baong “green jokes” sa kanyang sa mga shows, na kinaaliwan ng kanyang manonood.

Hindi lang isang mahusay na singer si Rico dahil siya ay naging TV host, actor-comedian at pulitiko. Naging konsehal siya ng mahabang panahon sa Makati at tumakbo ring vice mayor, pero natalo siya. Noong nakaraang buwan ay muli siyang nagdesisyong tumakbo bilang konsehal. 

Bumuhos ang pakikiramay ng mga kaibigan at kasamahan sa industriya sa pagyao ni Rico. Kabilang na rito sina Lea Salonga, Gary Valenciano, Martin Nievera, Sharon Cuneta, Ogie Alcasid, Janno Gibbs, Jessa Zaragoza, Jhong Hilario at marami pang iba,

NORA, NA- ISNAB ULI BILANG NAT’L ARTIST
Noong Oct 24, inilabas ng Malacanang ang listahan ng mga pangalan ng mga bagong hirang na National Artists. Ito ay kinabibilangan nina  Francisco Manosa (Architecture), movie director Eric de Guia, na kilala bilang “Kidlat Tahimik” (films), Ramon Muzones at Resil Mojares (Literature), Ryan Cayabyab (Music), Amelia Lapena Bonifacio (Theater), at Lauro “Larry” Alcala (Visual Arts). Pangungunahan ni Pangulong Duterte ang paggawad ng parangal sa mga bagong National Artists.

Ang mga awardees ay tatanggap ng titulong National Artist, gintong medalya na gawa ng Bangko Sentral ng Pilipinas (BSP), citation at panghabang-buhay na benepisyo na hindi nalalayo sa tinatanggap ng mga nasa matataas na puwesto sa pamahalaan. Ang mga buhay na awardees ay tatanggap ng Php200,000 (net of taxes) na cash award, lifetime monthly allowance na hindi bababa sa Php50,000, medical at hospitalization benefits hanggang Php750,000 kada taon, life insurance policy mula sa GSIS o private insurance companies mula sa araw ng pagtanggap ng award, state funeral, place of honor sa mga state functions, national commemoration ceremonies at cultural presentations. Sa mga posthumous awardees, tatatanggap ang kanilang pamilya ng one-time cash award na hindi bababa sa Php150,000. 

Samantala, dismayadong muli ang fans ni Nora Aunor nang hindi na naman napasali ang pangalan ng mahusay na aktres sa mga napili. Ilang taon na rin naman nilang ipinaglalaban na maibigay kay Nora ang karangalang ito dahil para sa kanila, wala nang makakapantay sa husay nito sa pag-arte. Noong 2014, tinanggal din ni dating pangulong Benigno Aquino III. ang pangalan ni Nora sa listahan ng awardees dahil daw sa drug issue na kinasangkutan niya.  Ang paliwanag ni PNoy noon: “Sa aking pananaw yung national artist binibigyan natin ng honor na ito, puri, na ito ay malaki ang ambag sa lahing Pilipino at dapat tularan “.  “ Ang naging problema ko lang dun ay alam naman natin lahat…na-convict po sya sa drugs, “  ang dagdag pa niya.

Bilang reaksyon sa muling pag-iisnab sa kanya, nagpahatid ng mahabang mensahe si Nora. Ang bahagi ng kanyang mensahe:  “Muli, sa administrasyon ni Duterte nagkaroon na naman ng deliberation para sa hihiranging mga National Artist.  Automatic na ang pangalang Nora Aunor sabi ng NCCA sa listahan ng tatanghaling National Artist . Hindi na ako kasama sa deliberation dahil dapat noong panahon pa ni PNoy ay dapat daw ay ipinagkaloob na sa akin ang NA pero hindi nangyari. Dito ngayon sa administrasyon ni Duterte ay naulit uli ang pagtanggal ng pangalang Nora Aunor sa listahan ng National Artist.  Tinanong  ko na naman ang sarili ko. Ano ba ang NATIONAL ARTIST?  Ano ang criteria ng NCCA at CCP para gawing National Artist ang  isang tao? Bakit pa nila ako isinali rito kung  hindi naman ako pala ako karapat dapat?. Kailangan bang sumipsip ka sa administrasyon para ipagkaloob sa iyo kahit hindi dapat na maging sa iyo?

“Tulad ng sinabi ko dati pa ay kung maging  National Artist man ako o hindi ay tuloy  pa rin ang takbo ng BUHAY natin.  Laking pasasalamat ko sa DIYOS  na nakapagtrabaho pa rin ako ngayon at binigyan ako ng mga totoong mga tagahanga , ilang mga kaibigan na tunay na nagmamalasakit , nagtatanggol at nagmamahal ng walang katapusan. Nalungkot lang ako at sumama ang loob ko para sa mga Noranians at mga kaibigan na nagtulung-tulong, naniniwala at nakikipaglaban sa akin mula pa sa Tawag Ng Tanghalan hanggang  ngayon. Ilang years na ba? 51 years na ang nakakaraan.

“Sa mga minamahal Kong mga Noranians, mga kaibigan sa press na nagmamahal pa  rin sa akin, hayaan  na natin ang nangyari.  Kung para sa atin ipagkakaloob din iyan ng  Diyos sa tamang panahon at kung hindi para sa atin kahit anong pilit ang gawin natin Hindi NIYA ito ibibigay. Mas lalo kayong magkaisa,  magkasundo, at magmahalan. Nadudurog ang puso ko para sa inyo. Kalimutan muna po natin iyan. Magmove-on na po tayo at  magsimula  po tayo uli para sa ating magandang layunin para sa ating kapwa.  Ang ONANAY muna ang tanging maialay ko sa inyo na  huwag kalilimutang panoorin.  Iniaalay namin ito para sa inyo.  MAHAL NA MAHAL ko kayong lahat.”

REGINE, NAPIKON SA BASHERS 
Umalma na si Regine Velasquez sa mga taong patuloy na naninira sa kanya sa social media, mula nang lumipat siya sa ABS CBN pagkatapos ng dalawang dekadang pagta-trabaho sa GMA Network. Itinaon pa ang mga sunud-sunod na batikos sa kanyang unang paglabas sa Kapamilya TV shows nitong Linggo, sa ASAP at Gandang Gabi Vice (GGV), kaya halata ang pagkairita ng Asia’s Songbird nang sagutin ang mga ito.

Noong una ay malumanay pang sumagot si Regine ng “my dear, mag-ingat ka sa mga sinasabi mo”, pero patuloy pa rin daw ang pamba-bash sa kanya. “Again WORDS ARE VERY POWERFUL. hindi porket hindi ako nagsasalita eh ok lang na bastusin nyo ko. Hindi kayo ang iniwan ko! Can someone enligh­ten me about cyber crime please. I think it’s about time we put these kinds of people to jail. You think it’s only words that you don’t really hurt us well you’re wrong. #NoToCyberBullying. Dapat hindi na ito pinapalampas hindi natututo eh sobra na. Can you ima­gine if this is our kids! Oh my gosh! Kung ako ang tanda ko naaapektuhan pano pa yung mga bata. Please someone help me with this. Just want to make this clear hindi ako pumapatol, I want to teach these people a lesson. #NoToCyberBullying,” ang sunod-sunod na tweets ni Regine. Pahabol niya pa: “Now guys bullying the bully is NOT the solution. But I am going to do something about this. So help me GOD.”

Sunud-sunod naman na nagbigay suporta ang malalapit sa kanya, tulad nina Ogie Alcasid, Zsazsa Padilla, Daryl Ong, Angeline Quinto, Erik Santos, Jed Madela, Yeng Constantino at Angelu de Leon.

Marami sa mga fans ng Kapuso network ang aminadong sumama ang loob kay Regine nang nagdesisyon itong maging Kapamilya, dahil isa si Regine sa pinakamahusay na talent ng GMA. Alam nilang lalong lalakas ang mga programang sasalihan nito at matatalo sa ratings ang mga katapat na programa ng GMA. Noong Linggo, nag-trending ang unang pagsabak niya sa ASAP, na taped mula sa kanilang naging show sa Australia. Kinagabihan ay pinag-usapan din ang paggi-guest niya sa Gandang Gabi Vice (GGV).

Pero, taliwas sa inaasahan, naglabas ng datos nitong Lunes ang AGB Nielsen na nagsasaad na tinalo sa ratings ng Sunday Pinasaya at Kapuso Mo, Jessica Soho (KMJS) ang mga programang nilabasan ni Regine sa ABS CBN.

Naglabas din ng mensahe si Regine: “Dear bashers, congratulations to everyone in SPS & KMJS and I’m happy that you guys are happy. But just a suggestion, total, sinasabi nyong lahat na hindi ako kailangan ng GMA, sinabihan nyo nga ako na wala akong utang na loob, wala akong loyalty (apparently, 20 years cannot be considered being loyal), na mukha akong pera. Maybe you guys can stop insulting me, my husband and my son. Lumipat lang po ako ng network, hindi ako pumatay ng tao. Again, I’m grateful for my 20 years in GMA. I made a lot of friends there and I have great memories of being a Kapuso. Tutal naman po, nayurakan nyo nang bonggang bongga ang pagkatao ko na para bang may nagawa akong masama sa inyo personally.You guys obviously hate me, gets ko na po. Gets ko rin na hindi nyo papanoorin ang mga shows na gagawin ko sa ABS, tanggap ko na po yon at wala naman pong pilitan ito. Free TV po ito, walang bayad, we are all here to provide you entertainment for free!!, So sa madaling salita, kayo ang panalo dito. Nagmamahal, Kapamilya Regine.”

Sa ngayon ay pinaghahandaan din ni Regine ang concert niyang “Regine at The Movies” na gaganapin sa Nov 17, 24 at 25 sa New Frontier Theater (dating Kia Theater). Siya rin ang kakanta ng theme song ( komposisyon ni Ogie) ng bagong TV series ni Angel Locsin na “The General’s Daughter” na malapit nang ipalabas.

Ang una niyang TV project maliban sa ASAP, ay ang bagong edition ng “Philippine Idol”, kung saan isa siya sa tatayong judges. 

DEREK, MAGIGING KAPUSO NA 
Inamin ni Derek Ramsay na nakikipag-usap sila sa ilang top executives ng GMA Network sa posibleng paglipat niya dito. May mga inalok na raw na mga projects sa kanya, kasama na ang TV series na pagtatambalan nila ni Jennylyn Mercado. Gusto raw ni Derek ang nasabing project dahil dalawang beses na rin naman niyang naging leading lady si Jen sa pelikula, na maganda naman ang mga naging resulta. Pero nakikiusap daw siya na kung sakaling matuloy ito, sana raw ay sa susunod na taon na ito simulan.

Si John Estrada na matalik na kaibigan ni Derek ang isa raw sa humikayat sa kanya na lumipat na rin sa GMA7, kaya malaki ang tsansa na maging Kapuso na rin siya.
Si Derek ay dating Kapamilya actor bago lumipat sa TV5, at nakasama rin niya dito sina Aga Muhlach, Ogie Alcasid, Sharon Cuneta, Janno Gibbs at Willie Revillame, na isa-isa na ring nag-alisan.   

POKWANG, EDDIE GARCIA, PANALO SA QCINEMA FILMFEST
Tinanghal na best picture ang pelikulang “Oda sa Wala”, sa ginanap na 2018 QCINEMA International Film Festival (QCIFF).  Bukod dito, nanalo ring best director si Dwein Baltazar at best actress si Pokwang (gamit ang tunay na pangalan na Marietta Subong) para sa nasabing pelikula.

Si Eddie Garcia ay tinanghal na best actor para sa pelikulang “Hintayan sa Langit”, na nakakuha ng Audience Choice award.

Best supporting actor si Marcus Adoro ( Dog Days) at best supporting actress si Cielo Aquino ( Billie and Emma). 

Ang QCIFF ang nag-iisang international film festival na ginaganap sa Pilipinas. Ang QCIFF 2018 ay bahagi rin ng selebrasyon ng 100 years ng Philippine Cinema, at ipinalabas ang mga pelikulang kasali noong October 24- 30, 2018.

Walong kalahok sa mmff ‘18, buo na

Buo na ang walong pelikulang ipapalabas sa 44th Metro Manila Film Festival (MMFF) simula sa December 25, matapos matukoy ang apat na huling kalahok.
Ang mga pelikulang nadagdag:
1. Rainbow’s Sunset (family drama), Likhang Silangan Entertainment. Starring: Eddie Garcia, Tony Mabesa, Gloria Romero, Sunshine Dizon, Tirso Cruz III, Aiko Melendez. Director: Joel Lamangan
2. One Great Love (romance), Regal Entertainment. Starring: Kim Chiu, Dennis Trillo, JC de Vera, Miles Ocampo, Marlo Mortel. Director: Eric Quizon
3. Mary, Marry Me (rom-com), Ten 17P Films. Starring: Toni Gonzaga, Alex Gonzaga, Sam Milby. Director; RC Delos Reyes
4. Otlum (horror), Horseshoe Studios. Starring: Ricci Rivero, John Estrada, Jerome Ponce at Buboy Villar. Director: Joven Tan
Balitang naging mahigpit at nagkaroon ng mainitang pagtatalo sa pagpili para sa huling puwesto, na nakuha ng Otlum, laban sa pelikula ni Brillante Mendoza na “Alpha (The Right To Kill)”.
Nauna nang pinili noong June 30 ang apat na pelikula na ang pinagbasehan lang ay ang isinumiteng scripts. Ito ay ang “Aurora” ng Viva Films (starring Anne Curtis), “Fantastica: The Princess, The Prince and the Perya” ng Star Cinema/ Viva Films (starring Vice Ganda, Richard Gutierrez, Dingdong Dantes, Maris Racal, Loisa Andalio), “ The Girl in the Orange Dress” ng Quantum Films/ MJM Productions (starring Kim Chiu, Jessy Mendiola, Jericho Rosales, Sam Milby, Tom Rodriguez) at “Popoy En Jack: The Puliscredibles” ng CCM/MZET/ APT Entertainment, starring Vic Sotto, Coco Martin at Maine Mendoza.
Ang mga pelikulang hindi pinalad na mapili ay ang mga sumusunod:
Regal - Barang (horror) ,
Reality Entertainment - Fake Korean / Ultimate Oppa (rom-com)
Cobalt Productions - Hawa (horror),
Cape Signal Rock - The Stranger (action)
The Idea First Company - Hating Gabi (horror),
Imus Productions - Agimat, My Super Kap (action adventure),
Great Czar Media Productions - The Covenant: a Monad Shoal Legend (action fantasy)
Cineko - Mang Kepweng Returns Again (comedy),
Octoarts - Pagkagat ng Dilim (horror)
Star Cinema ABS-CBN Productions - EERIE (horror mystery),
Star Cinema ABS-CBN Productions - The Affair (drama),
Provill Studios: General Admission (dark comedy),
Quantum Films/MJM: Always (light drama),
APT Entertainment: Balon (horror drama)
Gallaga & Reyes Films / Brightlight Prod: Magicland (fantasy adventure),
Obtacinema & Cineko: Gulong ng Palad (drama),
T Rex Entertainment: Class of 2018 (horror thriller)
Ang naging pamantayan sa pagpili ng mg kalahok ng selection committee na pinamunuan ng National Artist na si Bienvenido Lumbera ay artistic excellence (40%), commercial appeal (40%), promotion of Filipino culture & historical value (10%) at global appeal (10%).

KASAL NINA CESAR AT SUNSHINE, ANNULLED NA
Napasigaw sa tuwa si Sunshine Cruz noong Sept 18 nang matanggap ang balita na tinanggap ng korte sa kanyang petisyon na ma-annul ang kanyang kasal kay Cesar Montano.
“ Sa sobrang saya ko ngayon, lahat ng kaaway ko, kahit yung mga may utang sa akin, patatawarin ko! Ngayong araw lang, ha!” ang sabi ni Sunshine sa mga reporters ng Philippine Entertainment Portal (PEP) nang bisitahin siya at kapanayamin noong araw na iyon. 
Engrande ang naging kasal nila noong September 14, 2000 dahil pareho na silang sikat na artista noon. Si Sunshine na isang singer at dating sexy actress ay 23 taong gulang lang noon, at si Cesar na 38 naman ay sikat na bilang isang dramatic actor. Pero ayon sa aktres, pagkatapos pa lang ng kasal ay nagsimula na ang kanilang away. Sa galit daw ni Cesar ay itinapon pa nito ang kanyang wedding ring habang nasa Carribean cruise sila para sa kanilang honeymoon.
Nasundan pa ito ng marami pang mga pagtatalo sa loob ng 18 taon nilang pagsasama, na ilang beses ding nauwi sa demandahan. Hinding-hindi rin daw malimutan ni Sunshine na tinawag siyang “porn star” ni Cesar at pinaratangan na totoong nakipag-sex sa lahat ng mga nakapareha niya sa kanyang mga pelikula. Sinagot daw niya ito ng, “ kahit balatan mo ako, kahit itapon mo ako sa dagat, wala akong aaminin, kasi hindi totoo”.
Si Cesar daw ang una niyang boyfriend at totoong minahal niya ito ng husto, lalo na at napaka “guwapo” nito.
Ayon sa abogado ni Sunshine, naranasan ng aktres ang halos lahat ng klase ng pag-aabuso: physical,  psychological, emotional, financial.
Dagdag ni Sunshine, kabilang sa madalas daw nilang pag-awayan ang pagkakaugnay ni Cesar sa iba’t ibang mga babae, gaya ng Brazilian model na si Mariana del Rio, na noon ay 16 gulang lang. Ilang beses daw siyang nag-alsa balutan tuwing mag-aaway sila, pero nagdesisyon siyang tuluyan nang makipaghiwalay kay Cesar noong 2013, nang ma-link ito sa starlet na si Krista Miller, at natunghayan pa ng mga anak nila ang mga larawan ng dalawa sa telepono ng actor.
Sangkot din sa away nilang mag-asawa ang kapatid ni Cesar na si Ched na kinasuhan ng aktres ng paninirang puri dahil daw sa pagsasabi nitong pinalayas ni Sunshine ang ina nila at ang panganay na anak ni Cesar na si Angela (anak niya sa namayapang unang asawa) sa kanilang bahay. Ang mas masakit pa ay ang pagkakalat daw nito ng tsismis na hindi anak ni Cesar ang bunso nilang anak.
Bukod sa patung-patong na kaso sa paglabag ng kasong anti violence  against women and children at anti child abuse act noong July 2009, January 2013 at May 2013, sinampahan pa ng kasong rape ni Sunshine si Cesar noong pinuntahan siya nito sa bahay na tinitirhan nilang mag-iina noong Feb. 2, 2015, at pinilit daw na makipagtalik. Muli niya itong inireklamo noong November 2016, nang magsumbong ang mga anak niya na nakita daw nila itong nag ma-masturbate habang nasa loob ng kanyang silid ang kanyang mga anak at nanonood ng TV.
Hindi pa rin tapos ang lahat ng mga kaso sa pagitan nila, pero sa ngayon ay  masaya na raw si Sunshine dahil nakamit na niya ang kanyang kalayaan at masayang namumuhay sa bahay na napagsikapan niyang binili, kapiling  ang mga anak niyang sina Angelina Isabelle, 17, Samantha, 14 at Chesca, 12. Maligaya rin siya sa boyfriend niyang si Macky Mathay, na kasundo rin ng kanyang mga anak.

CELEBRITIES NA KANDIDATO 
Isa-isa nang naglalabasan upang mag-file ng kandidatura ang mga celebrities na tatakbo sa susunod na eleksyon. Isa sa mga nauna rito sina Freddie Aguilar na kakandidatong senador; Vilma Santos –reelection bilang kongresista ng bayan ng Lipa, Batangas; Roderick Paulate, bilang vice mayor ng Quezon City, at ka-tandem ni Ismael “Chuck” Mathay (ama ni Ara Mina) na tatakbong mayor.
Kasama naman ni Gian Sotto, na tatakbong vice mayor din ng Quezon City, ang kanyang amang si Sen. Tito Sotto nang mag-file ito ng candidacy, at ang kapartidong si Joy Belmonte, na tatakbong mayor, bilang kapalit ni Herbert Bautista na nasa huling termino na.
Si Isko Moreno naman ay nagbitiw bilang Undersecretary ng DSWD upang tumakbo bilang mayor ng Maynila, kalaban ang kasalukuyang nanunungkulan na si Joseph Estrada, 81, at dating alkalde na si Alfredo Lim, 88. Kapartido ni Isko si Yul Servo na tatakbo muli bilang kongresista.
 Ang apo ni Joseph at anak ni Jinggoy Estrada (na muli ring tatakbo bilang senador) na si Janella Estrada ay tatakbong mayor ng San Juan, samantalang ang anak niya kay Laarni Enriquez na si Jerika Ejercito ay kakandidato bilang konsehal ng Maynila.
Si Lani Mercado ay muling tatakbo bilang mayor ng Bacoor, Cavite. Hindi pa alam kung muling tatakbo bilang senador ang kanyang asawang si Bong Revilla, na kasalukuyan pang nakakulong; at ang anak nilang si Jolo Revilla, bilang vice governor naman ng Cavite.
Sinamahan naman ni Sharon Cuneta ang kapatid niyang si Chet nang mag-file ito ng candidacy bilang mayor ng Pasay City, ang dating puwesto ng kanilang namayapang amang si Pablo Cuneta na nanungkulan ng mahabang panahon.

HARLENE AT ROMNICK, HIWALAY NA
Marami ang nagulat nang lumabas ang balita na hiwalay na ang mag-asawang sina Romnick Sarmenta at Harlene Bautista, pagkatapos ng 19 taong pagsasama. Isang joint statement ang inilabas nila, sabay ng pakiusap na igalang ang kanilang privacy:
“An appeal for privacy. Romnick and I have five beautiful children, whom we love and treasure very much - we have spent many years together as best friends and partners in everything that we have done. Even more so in raising our family.  We will always be great friends if not the best of friends.
With the greatest respect and mutual love, wanting nothing but happiness for each other we have decided to part ways. We would like to appeal for privacy, for our children and for each other as well.
Being public figures, we know that this will not go unnoticed—and we didn’t want speculations, rumours and gossips to destroy the wonderful memories we share, the peace that we continue to have as best friends. We both decided that it would be best to issue a statement, in an intention to let this be the first and last time that we talk about it.
Neither he nor I wish to speak at length about the matter, seeing as to how we had been able to keep the fact for as long as we have. We request that our individual supporters, friends and family refrain from making comments or issuing statements that may hurt or offend not only ourselves, but most importantly our beloved children.
We thank you, for the prayers and support— and most of all for respecting our wishes.
God bless you.”
Tatlong beses ikinasal sina Romnick at Harlene. Una, sa isang civil wedding ceremony noong 1999, sumunod sa isang church wedding noong 2000 sa may U.P., at pangatlo, sa Las Vegas, Nevada noong 2002 bilang renewal of vows.
Sila ay nagkakilala sa TV show ni German Moreno na “That’s Entertainment”, kung saan ay sumikat si Romnick bilang katambal ni Sheryl Cruz. Nang naghiwalay sila ng landas at nagpunta ng Amerika si Sheryl at nakapag-asawa, nagkalapit sina Harlene at Romnick, at tuluyan nang nagpakasal. Pinili nina Harlene at Romnick ang mas tahimik na buhay upang masubaybayan ang paglaki ng kanilang mga anak. Nagtayo sila ng negosyo, kabilang na rito ang restaurant na Salu, na naging venue ng reunion nila ng mga kasamahan sa That’s Entertainment ilang buwan pa lang ang nakalipas.
Pero, dahil isang mahusay na aktor mula pagkabata, (una siyang nakilala bilang si Peping sa TV series na Gulong ng Palad) hindi matanggihan ni Romnick na balikan ang pag-arte paminsan minsan sa mga indie films at ilang TV shows. Kasalukuyan siyang napapanood sa tv series na “ Halik” na pinagbibidahan nina Jericho Rosales, Sam Milby, Yen Santos at Yam Concepcion.
Si Harlene na isa ring mahusay na movie, TV at stage actress ay matagal nang hindi humaharap sa kamera. Sa halip, lagi siyang nakasuporta sa kapatid niyang si Herbert Bautista, na mayor ng Quezon City.
Umaasa ang kanilang mga kaibigan at fans na maaayos pa ang kanilang pagsasama.

LOTLOT, IKAKASAL SA DISYEMBRE
Tuloy na tuloy na ang kasal ni Lotlot de Leon sa kanyang Lebanese boyfriend na si Fadi El Soury sa December 17. Gaganapin daw ito sa isang resort/events place na pag-aari ng pamilya ni Pia Guanio.
Kasama siyempre sa entourage ang lahat ng anak nina Lotlot at Ramoncito Gutierrez na sina Diego, na siyang maghahatid sa kanya sa altar; at maid of honor naman ang mga dalaga niyang sina Janine, Jessica at Maxine.
Balitang dadalo rin ang tatlong kapatid ni Lotlot sa American father niya, na manggagaling pa sa Amerika. Inaasahan din ang pagdalo ng adoptive parents ni Lotlot na sina Nora Aunor at Christopher de Leon.

Marian, kumpirmadong buntis; DingDong, hindi kakandidato

Kinumpirma ni Marian Rivera ang kanyang pagbubuntis sa kanyang Instagram account, na may larawan ng ultrasound result:  “ My heart overflows with gratitude and humility. Dong and I, with our Zia, have been gifted with the miracle of life! Looking forward to meeting our ‘little one’ soon,” caption niya sa post na ultrasound result na may hashtag pa na “#YesAnotherDantes #BigSisZia #YESmayIsaNana­mangDantes #4DnaKami #YesImBuntis. “

Kasabay nito, naglabas din ng statement ang asawa niyang si DingDong Dantes: “Marami ang nagtatanong kung tatakbo ako sa darating na eleksyon, at marami rin ang humihingi ng pormal na sagot. Ang pagkakataong maglingkod bilang Commissioner-at-Large ng National Youth Commission, at tumulong sa pamamagitan ng YesPinoy Foundation at ng YesPH Community Development, ang ilan sa mga naging inspirasyon ko upang patuloy na magsilbi sa bayan. Pero naniniwala ako na ang pagiging ‘public servant’ ay isang mabigat na responsibilidad na dapat pinag-aaralan, pinaghahandaan at, higit sa lahat, ipinagdarasal.

“Kung gagawa ako ng malaking hakbang para sa darating na halalan, hindi lamang isang simpleng decision-making ang dapat kong pagdaanan. I should be able to discern His Will and seek guidance. And in the process of my discernment, I received His response in the most surprising and beautiful way. With overflowing joy, Marian and I, are happy to share with everyone that we have been blessed with another child! Natupad na rin ang matagal ng dasal naming mag-asawa, lalung-lalo na ni Zia.

“At sa kabila ng buong suportang ibibigay sa akin ni Marian, ng buong pamilya, at mga kaibigan sa anumang magiging desisyon ko sa pagsabak sa pulitika, malinaw sa akin na sa panahong ito ay kailangan kong maging buo para sa aking pamilya. My discernment revealed what is truly important in my life – panahon ito para suportahan ang pagdadalang-tao ng aking asawa.”

“Life has presented me with two good aspirations, and I can always rationalize to weigh the pros and cons. But I know that, at this point, I am being redirected to my reason of creation – my family. My humble service to the public will continue and it could take a different form or level in the future; but first, I have to ensure that my home is protected and secured before I can take care of others.

“Sa aking pamilya at mga kaibigan, thank you for always trusting my judgement and direction. Sa lahat ng nagmamahal sa amin nina Marian at Zia, na umaasang lumaki ang aming pamilya, thank you for your prayers.

“Sa lahat nang humihikayat sa aking lumaban sa darating na eleksyon, salamat sa inyong tiwala at suporta. Ngayon, habang nag-aaral, naghahanda, at naglilingkod ako bilang isang volunteer at private citizen, umaasa akong patuloy pa rin ang ating pagtutulungan para sa ikabubuti ng ating bayan, sa anumang paraan – maliit man o malaki, may posisyon man o wala. Nawa’y ang bawat kabataang kabahagi ng aming mga adbokasiya ay patuloy ding mangarap at maglingkod sa kanilang mga pamilya, paaralan at komunidad.

“And to all my fellow Filipinos, I am with you in believing that in times of uncertainty, God’s unfailing love will always reign supreme. Thank you and I humbly request for your continued prayers of protection and good health for my family, especially on Marian’s second pregnancy.”

Ang panganay na anak silang si Zia ( Maria Letizia Dantes) ay magta-tatlong gulang. Hiling ng marami nilang fans na sana raw ay baby boy naman ang susunod nilang anak, at maging kamukha  naman ni DingDong.

KRIS, KAKASUHAN ANG NANLOKO SA KANYA
Makaraan ang ilang linggong pananahimik, biglang nag-post si Kris Aquino ng mga bagong larawan niya, na mukhang problemado at malaki ang ipinayat. Inirereklamo niya ang isang taong nanloko raw sa kanya at tumangay ng malaking pera.

“Hirap na hirap po ako na may pinagtatakpan sa inyo. Pinayuhan akong manahimik hanggang makumpleto ang due diligence. I’ve always been HONEST, sometimes to a fault. The reason you haven’t seen me post new pics is because I lost weight in the last 6 weeks, unable to eat or sleep properly… You told me that you admired my STRENGTH, -natakot akong mawala ang bilib nyo sa akin because I am now broken. But I decided to set myself free & share with you what affected me. My family advised me to have FAITH in our legal system. I am grateful to Atty Sig Fortun for taking care of me for over 15 years and I’m fortunate to now have Atty Florin Hilbay as part of my legal team. Broken trust is like shattered glass, asyou try to pick up the pieces, your wounds bleed even more. My PAIN comes from my fear that tens of tax-paid millions from my sons’ trust fund, money I conscientiously saved for them because I made a deathbed promise to my mom that Kuya Josh & Bimb will always come first, baka mawala lahat ng pinagpaguran ko para sa kanila. It is wrong that the 2 BOYS I LOVE MOST, MY LIFE’S MEANING & INSPIRATION, may suffer the consequences because I was targeted & deceived by a person with no conscience. The settlement or legal battle will now be in the hands of lawyers I respect, auditing & accounting firms. I TRUST the word of honor of his deeply shamed mother & sister that all my investments shall be returned and all our collective prayers for justice for my sons will prevail. Everything happens for a reason-maybe God made me experience this humiliation for me to have first hand experience pag niloko ka sa pinaghirapan mong pera, dahil nga may boses ako at yung boses na yun dapat gamitin para magsalita at ipagtanggol ang mga napipilitang manahimik. I still firmly believe, ang TAMA, nilalaban.”

JANELLA AT JENINE, NAGKAAYOS NA
Masayang ibinahagi ng actress/singer na si Jenine Desiderio ang pagbabati nila ng kanyang anak na si Janella Salvador,  matapos ang mahaba-habang tampuhan. Ayon kay Jenine, ang pinakamagandang regalong natanggap niya para sa kanyang kaarawan ay ang pagkakaayos nilang mag-ina. Nag-post pa siya ng mga larawan na nila, kasama ang bunso niyang anak na si Russel.

Noong Sept. 9, nag-post si Jenine ng sama ng loob sa anak dahil mas pinaniwalaan pa daw nito ang driver nito na nangupit. Gusto niyang paalisin na ni Janella ito dahil hindi naman maayos ang trabaho, pero mas pinaniwalaan pa ng anak niya ang driver kaysa kanya.

Hindi lang minsan nangyari na nagtalo ang mag-ina, dahil madalas i-post sa social media ni Jenine ang hinanakit niya kay Janella, na inilarawan pa niyang “nuknukan ng tigas ng ulo” dahil hindi nagpapaalam tuwing umaalis ng bahay. Ilang beses din siyang nagpahayag na hindi rin siya pabor sa ka- love team at balitang karelasyon ni Janella na si Elmo Magalona.

Kamakailan, nag-post ng larawan si Janella na nakatalikod, pero kita ang braso nito na tila may pasa. Ipinahiwatig niya na walang sapat na dahilan upang pisikal na saktan ng lalaki ang isang babae. Marami ang nagtaka at nagtanong kung si si Elmo, ang siyang may gawa nito, dahil wala pa namang napabalita na naging bayolente ito. Sumang-ayon naman si Jenine sa post ng anak, at nag-post din ito ng “#notomenwhophysicallyabusewomen.”

Sa ngayon ay marami ang natutuwa dahil tila bumalik na ang magandang relasyon ng mag-ina. Nanatiling tikom ang bibig nina Janella at Elmo tungkol sa balitang break na sila. 

MAINE AT VIC SOTTO,  MAY BAGONG TV SHOW 
Natupad ang kahilingan ng napakaraming fans ni Maine Mendoza na mapanood siyang muli sa isang TV series. Kasalukuyan na siyang nagte-taping para sa sitcom na “Daddy’s Girl” at makakasama niya si Vic Sotto bilang kanyang ama.

Ilang beses na rin silang gumanap bilang mag-ama, una, sa kalyeserye ng Eat Bulaga, at sa unang pelikula ni Maine, sa 2015 MMFF entry na “ My Bebe Love# Kilig P More”, na kumita ng husto sa takilya. Ang sabi nga ni Vic: “Wala na. Nagpirmahan na kami na mag-tatay na kami forever”.

Ayon pa kay Vic, kakaiba raw ito sa mga dati niyang sitcoms na sa loob lang ng studio kinukunan. “Marami kaming bagong approach dito. In fact, para nga kaming nagsu-shooting ng pelikula.  May ibang characters, on location dahil ’yung iba kong sitcom nasa loob lang ng studio. Ito 100 percent location dahil hanggang Batangas, nagsu-shoot kami,” sabi pa ni Vic.

Kabilang din sa cast si Willie Bayola, at ang director nito ay si Chris Martinez.

Samantala, marami pa rin talaga ang sumusuporta kay Maine, kahit unti-unti na na itong nakakaalpas sa AlDub loveteam nila ni Alden Richards. Lahat halos ng produktong iniendorso niya ay pumapatok at bumebenta ng husto, kagaya ng  inilunsad na bagong lipstick shade sa online shopping site na Lazada. Diumano ay ubos agad ang unang batch na 20,000 units nito dahil sa haba ng pila ng mga gustong bumili.

CARMINA, PAPALIT KAY REGINE SA SHOW
Tila may katotohanan ang balitang lilipat na si Regine Velasquez sa ABS CBN, dahil hindi na siya nag-renew ng kontrata sa GMA Network at tinapos na ang cooking show niyang “Sarap Diva” na anim na taon ding napanood sa Kapuso channel.

May balita ngayong itutuloy pa rin ng GMA Network ang cooking show, pero babaguhin na ang titulo ng show ng “Sarap D Ba?” at ang papalit kay Regine bilang host ay si Carmina Villaroel. Makakasama ni Carmina ang kanyang kambal na anak na sina Maverick at Cassandra Legaspi, na parehong na ring Kapuso talents. Magsisimula na raw itong mapanood sa buwang nito.

JAKE ZYRUS, MAY LIBRO
Sinagot ni Jake Zyrus (dating Charice Pempengco) ang panawagan ng ina niyang si Raquel Pempengco na sana ay dalawin nito ang lola niyang si Tess Relucio, na naka-confine sa Sta. Rosa Hospital and Medical Center. Ayaw na daw sana niyang magbigay ng komento tungkol sa kanyang pamilya, lalo na at may mga nananawagan pa ng tulong dahil sa kalagayan ng kanyang lola . Sana ay sa kanila na lang daw ang bagay na ito, at kung tumulong man siya ay huwag nang ipaalam sa publiko.

Unfair daw na laging siya ang pinupuntirya kapag kailangan ng tulong samantalang may mga kapatid at anak naman ito. Buong buhay daw niya ay pinilit niyang linisin ang pangalan niya sa harap ng mga taong ito, na lagi siyang pinagtatawanan, at sinasabi pang siya ang demonyo sa pamilya.

Maraming hinanakit si Jake sa kanyang pamilya dahil hindi nila matanggap ang pagladlad nito bilang transgender at pakikisama sa isang babae, lalo na nang unti-unting bumagsak ang kanyang career at pagkaubos rin ng mga bagay na naipundar nila noong malakas pa siyang kumita.

Matagal na daw silang hindi nagkakausap ng kanyang ina, at maging ng kapatid niyang si Carl.

Nataon ang usapin ng kanyang pamilya sa paglulunsad ng libro niyang isinulat na may pamagat na “I Am Jake” noong Sept 21. Inilarawan daw niya doon kung paano niyang tinawag na “evil queen” ang kanyang ina dahil sa mga pahirap na dinanas niya mula pagkabata. 

Kathniel, umamin na may relasyon

Anim na taon na ang love team na KathNiel nina Kathryn Bernardo at Daniel Padilla, at ang kanilang mga pelikulang pinagtambalan ay kumita ng husto sa takilya. Sa promotion ng kanilang pinakabagong pelikulang “The Hows Of Us”, ginulat nilang dalawa ang publiko sa pag-amin na limang taon na silang magkarelasyon. Bagama’t matagal nang ipinapakita ng dalawa ang sweetness nila sa isa’t isa, ngayon pa lang nila kinumpirma ang matagal nang hinala ng lahat. Ayon kay Daniel, napilitan na silang umamin dahil naubusan na raw sila ng dahilan para itago pa ito.

Masaya daw sila, at marami silang natututuhan sa isa’t isa. “ Sa personal at propesyonal, s’ya lang ang kasama ko. Happy ako ngayon,” ang sabi pa ni Daniel.

“Kung hindi mo nakikita future mo sa tao, ba’t ka magi-stay? Kami ni DJ, kapit-kamay kami kasi we see a future together,” ang sabi naman ni Kathryn. Seryoso daw ang kanilang relasyon kaya napag-uusapan na rin ang tungkol sa kasal at pagkakaroon ng pamilya, at maging ang disenyo ng kanilang bahay sa hinaharap. Ang gusto ni Daniel kapag sila ay ikinasal ay malaking church wedding, at ang kanilang fans ay maghihintay sa labas. Pero si Kathryn ay mas gusto raw ang intimate beach wedding, na ang kasama lang ay ang kanilang mga pamilya at kaibigan. Sa Pilipinas din niya gustong magpakasal dahil marami namang magagandang beach dito, at masyadong mahal daw pag magpakasal sa ibang bansa.

Hindi pa naman daw ito mangyayari agad dahil marami pa silang dapat gawin, “basta wag lang masyadong matanda” ang dugtong pa ni Daniel. Sa ngayon ay masaya rin ang kanilang kani-kanilang pamilya at mga kaibigan para sa kanila dahil parehong silang nagma-mature ng maayos at responsable pagdating sa kanilang mga trabaho. Pareho silang mababait na mga anak at kapatid sa kanilang pamilya at ayon sa malalapit sa kanila, ay hindi nagbago o lumaki ang ulo kahit sikat na sikat na sila.

Ang director ng kanilang pelikula na si Cathy Garcia Molina ay nagsabi na ang KathNiel ang magiging katulad nina Sharon Cuneta at Gabby Concepcion o Nora Aunor at Tirso Cruz III pagdating sa kasikatan bilang loveteam, na nang lumaon ay naging mahuhusay na mga artista.

LJ AT ROCHELLE, BUNTIS 
Magkasunod na nagpahayag ang mga Kapuso actresses na sina LJ Reyes at Rochelle Pangilinan na sila ay nagdadalantao.

Ibinalita ni LJ ito sa pamamagitan ng isang video sa You Tube na may pamagat na “A Pleasant Surprise” kung paano niya ipinaalam sa kanyang anak na si Aki ang kanyang kundisyon, na sa bandang huli ay ipinakita pa niya ang kopya ng sonogram (imahe ng internal organs na mula sa ultrasound) ng kanyang tiyan. Hindi agad napaniwala si Aki, 8, (anak ni LJ sa Kapamilya actor na si Paulo Avelino), kaya tumulong pa si Paolo Contis na ipaintindi sa kanya na totoong buntis ang mommy niya. 

Ibinahagi rin ito ni Paolo sa Instagram:  ”YES WE ARE! God has blessed us with the perfect gift and we couldn’t be happier! We want to thank our families and friends who are as excited as we are. And to you @lj_reyes ... When we became a couple 3 years ago, I felt so lucky!With all the problems I had,  all the baggage I carry, you still accepted me and became my partner and strength. Yes, we do have our bad days (dahil matigas ang ulo ko) but we always manage to be okay and happy...And now that we are expecting... I promise to be beside you all the way. You will never ever be alone. Thank you for everything my love! Mahal na mahal kita! We feel so happy and blessed and we just can’t help but share this great news with everyone. Now, let’s celebrate!!” #BabyContis2019"

Apat na buwan nang buntis si LJ sa kanilang magiging anak ni Paolo, na tatlong taon na niyang karelasyon. Ito ang magiging pangalawa niyang anak, at pangatlo naman kay Paolo, na may dalawang anak na babae, sina Xonia at Xalene, sa dati niyang asawang si Lian Paz, na may iba na ring pamilya ngayon at naninirahan sa Cebu.

Samantala, masayang ibinalita rin kamakailan ni Rochelle Pangilinan at asawang si Arthur Solinap na magkakaroon na sila ng anak. Ito raw ang pinakamagandang regalong natanggap nila pagkatapos nilang ipagdiwang ang kanilang first wedding anniversary noong August 3.

Tatlong buwan na ang ipinagbubuntis ni Rochelle at marami na raw siyang nararanasang pagbabago, kabilang ang mga nakakahiligan niyang kainin ngayon, na dati ay hindi niya gusto, gaya ng hamburger. Matiyaga rin siyang inaalalayan ni Art, gaya ng pagbibigay sa kanya ng salabat tuwing gabi, na nakakatulong upang maibsan ang morning sickness niya. Naaawa daw siya minsan sa asawa niya pag nag-crave siyang kumain ng pagkaing gusto niyang kainin dahil uutusan niya itong bumili gaya ng Chowking siopao o kaya’y lugaw. Ayaw din daw niyang nakikita si Art, at ayaw ding maamoy ang pabango nito, pero gusto niya itong tinatawagan para marinig lang ang boses. Dahil dito, marami ang humuhulang magiging kamukha ng anak nila ang ang tatay nito, na hindi masama dahil guwapo, matangkad at mestizo si Art.

Pinayagan din ng kanyang doctor na magtrabaho pa si Rochelle, kaya nagagampanan pa niya ng maayos ang role niya sa TV series na “Onanay”. Buti na lang daw at hindi kontrabida ang kanyang papel kaya magaan ang kanyang pagtatatrabaho. Pwede pa rin daw siyang magsayaw basta’t hindi ito “buwis-buhay” at may exercises pa rin sa gym na puwede sa kanya.

REGINE, LILIPAT SA ABS CBN?
Malakas ang bulung-bulungan na lilipat na sa ABS CBN si Regine Velasquez pagkatapos ng kanyang show na The Clash ng GMA Network. Magtatapos na sa Sept 30 ang show na isang singing contest, na hino-host ni Regine. Balitang hindi na magre-renew ng kontrata si Regine, at katunayan ay nagpaalam na rin daw ito sa mga kasamahan sa isa pa niyang show na “Sarap Diva”. Tatapusin na lang daw niya ang natitirang episodes nito, bago magpaalam ng tuluyan.

Ilang beses na ring napabalitang lilipat si Regine tuwing magtatapos ang kanyang kontrata sa Kapuso network, pero ngayon ay tila tuloy na tuloy na ito. Isang malaking dahilan marahil ay upang makasama na niya sa isang bakuran ang kanyang asawang si Ogie Alcasid, na ngayon ay muling gumanda ang career dahil muli siyang nabigyan ng pagkakataon na balikan ang kanyang unang hilig, ang pag-awit. Kaya naman naging malaking tagumpay ang kanyang katatapos na anniversary concert, na sinuportahan din ni Regine, mga anak, at matatalik na kaibigan. Bukod dito, lagi pa rin siyang napapanood sa ibang Kapamilya shows, gaya ng ASAP, It’s Showtime, ang katatapos na Your Face Sounds Familiar Kids, at sitcom na Home Sweetie Home.

Nami-miss na rin marahil ni Regine ang umawit at magkaroon ng musical show, dahil mula nang nawala ang musical show na SOP ay wala nang outlet ang mga Kapuso singers. Marami siyang mga dating kasamahan at kasabayang singers ang napapanood pa rin sa ASAP at sa mga shows sa ibang bansa na sa hinaharap ay maari rin niyang makasamang muli.

Nanaisin din siguro ni Regine na muling makagawa ng pelikula, dahil sa ngayon ay isa ang Star Cinema sa mga iilang natitirang film companies na masipag pa ring gumawa ng pelikula.

Sa ngayon, mag-aabang-abang na lang muna ang mga fans ni Songbird kung ano at saan ang susunod niyang project.

PAULO BILANG GREGORIO  DEL PILAR
Excited na si Paulo Avelino dahil mapapanood na sa mga sinehan sa Sept 5 ang kanyang pinakamalaking pelikulang nagawa, ang “Goyo, Ang Batang Heneral”. Gagampanan niya ang papel ng bayani at pinakabatang heneral noong panahon ng digmaan na si Gen. Gregorio del Pilar, na kilala noon sa palayaw na Goyo.

Ito ang pangalawa sa tatlong pelikula na tungkol sa mga bayaning Pilipino sa direksyon ni Jerrold Tarog. Nauna nang ginawa ang Heneral Luna noong 2015 na kumita ng husto kaya nakabawi ang mga producer sa malaking pera na nagastos dito.

Dahil sa tinamo nitong tagumpay ay naglakas-loob muli ang mga producer nito na gumawa pa ng dalawang pelikula, itong Goyo, Ang Batang Heneral; at ang pangatlo na gagawin pa lang, ay tungkol sa dating pangulong Manuel Luis Quezon, na pagbibidahan naman ni Benjamin Alves.

Ang mga producer ay ang TBA Studios, Artikulo Uno at Globe Studios.

Ang iba pang artista sa Goyo ay sina Gwen Zamora bilang Remedios Nable, na girlfriend ni Goyo; Arron Villaflor bilang Joven Hernando, na siyang nagkukuwento; Rafa Siguion Reyna bilang kapatid ni Goyo na si Col. Julian; Carlo Aquino bilang Col. Enriquez na best friend ni Goyo; Mon Confiado bilang Emilio Aguinaldo; Epy Quizon bilang Apolinario Mabini; Alvin Anson bilang Gen. Jose Alejandrino; Empress Shuck bilang Felicidad Aguinaldo; Che Ramos bilang Hilaria Aguinaldo; RK Bagatsing bilang Dr. Simeon Villa;  Matt Evans bilang Lt. Carrasco; Benjamin Alves bilang Manuel Quezon; at marami pang iba.

Sa panayam kay Paulo kamakailan, sana raw ay kumita rin ang Goyo para magkaroon muli ng pondo para sa susunod pang historical movie na gagawin.

Sinabi rin niya na napagod siya ng husto kaya gusto muna niyang magkaroon ng break o mahaba-habang bakasyon pagkatapos ng sampung taong paggawa ng pelikula at sunud-sunod na TV series. Pero hindi pa rin ito mangyayari agad dahil kahit pinatay na ang karakter niya sa Asintado ay kasama na naman siya sa isa pang TV series na General’s Daughter na pagbibidahan ni Angel Locsin at malapit nang mapanood.

Super hero Alden, nag-rate agad sa manonood

Nagsimula na ang pagganap ni Alden Richards sa action–adventure series na “Victor Magtanggol”, ang pinakamalaking TV series ng GMA Network, bilang isang super hero, na ang kuwento ay base sa Norse mythology. At agad nagrating ang show,

Hindi daw ito kinopya sa Hollywood movie na “Thor”, bagamat ang costume niya ay may pagkahawig kay Thor, na may kapa at may mahiwagang maso o hammer. Pero ang mga pangunahing karakter sa Thor na magkapatid na sina Thor at Loki ay bahagi sa pagsisimula ng kuwento, kung paano napunta kay Victor Magtanggol ang armor at hammer ni Thor, at kapangyarihan nito, na ia-akma ang kuwento sa kasalukuyang panahon.

Bilang paghahanda sa pagiging ganap na action star, sumailalim sa matinding workout sa gym at martial arts training si Alden, na sinabayan niya ng pagda-diet upang mapaganda ang kanyang katawan. Mataas din lagi ang energy level niya dahil nasanay na siyang gumagawa ng mga bagay ng sabay sabay, gaya nang paglabas-labas sa Eat Bulaga, at paglalagare sa iba’t ibang commitments. Nag-eenjoy naman daw kasi siya sa kanyang trabaho at gusto niya ang kanyang mga katrabaho.

Masaya daw siya sa paggagawa ng action scenes at lalo na sa kinalabasan ng mga nagawa na nila dahil talagang ginastusan ito ng malaki ng GMA. Kinunan ang ilang mga eksena sa Canada at Japan

Katambal ni Alden si Janine Gutierrez, na kasalukuyang tumatanggap ng pang-aalipusta sa mga die hard AlDub fans dahil para sa kanila, si Maine Mendoza lang ang nababagay kay Alden. Kasama rin nila sina Andrea Torres, John Estrada, Connie Reyes, Al Tantay, Freddie Webb, Benjie Paras, Christian Bautista, at marami pang iba, sa direksyon ni Dominic Zapata. 

Sinugalan ng Kapuso network ang Victor Magtanggol, sa pag-asang mapapataob na nila sa wakas ang  “Ang Probinsyano” ni Coco Martin, na halos tatlong taon nang namamayani sa prime time TV.

Pagkatapos nh premiere ng Victor Magtanggol noong July 30, pinagkakaabalahan naman ni Alden ang preparasyon para sa concert niyang “Adrenaline Rush” na gaganapin sa Sept 21 sa Kia Theatre.

KRIS AT VICE, NAGBATI
Nagkabati na ang dating magkaibigang sina Kris Aquino at Vice Ganda, matapos ang mahaba-habang panahon na hindi pag-uusap. Nangyari ito nang bumili ng maraming ticket si Vice sa Trinoma, kung saan palabas ang “I Love You Hater” movie, dahil wala daw available na sinehan para sa block screening. Nang malaman ito ni Kris, sumugod sila ng anak na si Bimby sa Trinoma sa gitna ng malakas na ulan, upang personal na magpasalamat kay Vice at sa  mga kaibigan nito sa pagtangkilik sa kanyang pelikula. Ang mga bidang sina Julia Barretto at Joshua Garcia ay dumating din upang magpasalamat.

Mahigpit na nagyakapan sina Vice at Kris nang magkita, at maging si Bimby, na naging malapit din dati sa komedyante ay tuwang-tuwang yumakap din. Napaluha si Kris sa tuwa, dahil na-miss daw nito ang kaibigan, at napasaya rin nito ang anak. Nagkatampuhan daw ang dalawa nang hindi napaunlakan ni Kris ang hiling ni Vice na mag-guest sa nakaraang Manila Filmfest entry nitong Gandarrapido: The Revenger Squad.

Bago nangyari ito, nag-emote si Kris sa social media na siya ang dapat sisihin kung sakaling mahina sa takilya ang ILYH, kumpara sa mga naunang pelikula nina Julia at Joshua.

Agad na kumilos ang ilang kaibigan ni Kris at kabi-kabila ang nagpa-block screening na nagpalakas sa kita nito sa takilya. Na-touch si Kris sa biglang pagdating nina Kim Chiu at Angel Locsin upang suportahan ang pelikula, kaya napatunayan daw niyang tunay na mga kaibigan ang mga ito.

Bukod pa dito, nagkabati na rin sina Kris at ang kanyang kuya, ang dating presidenteng Noynoy Aquino, na ilang buwan ring hindi nag-usap. Nagpakumbaba daw si Kris na tawagan ito upang humingi ng tulong para mapakalma ang panganay na anak niyang si Joshua, na noo’y nasa ospital dahil sa “severe acid reflux at ulcers”, at nag-aalburuto. Hindi daw kayang pigilan ito ng mga nars kapag kinukunan ng blood sample at iba pang procedures, gaya ng colonoscopy. Si PNoy ang naisipang lapitan ni Kris dahil naging father figure ito kay Joshua noong madalas itong naiiwan noon sa bahay ng lola niya at ng binatang presidente sa Times St.

Nang makauwi na si Joshua, dinalaw naman siya ni Willie Revillame, at dinalhan ng Wowowin jacket. Ayon kay Kris paborito daw talaga ni Joshua si Willie at laging pinapanood ang show nito. Tuwang tuwa ang panganay ni Kris nang ipasyal siya ni Willie sa paligid ng subdivision nila, sakay ang magarang pulang sports car niya. Balitang pinag-uusapan na rin nina Kris at Willie ang project na pagsasamahan nila.

 Samantala, ibinalita ni Kris na imbitado siya sa premiere ng Hollywood movie na “Crazy Rich Asians” , kung saan ay nagkaroon siya ng special participation. Gaganapin ito sa TCL Chinese Theatre sa Hollywood sa Aug 7, at ipapalabas ito sa mga sinehan simula sa Aug 15.

DANIEL, OUT NA SA MARAWI MOVIE
Nanghihinayang ang Kapamilya actor at si Piolo Pascual sa hindi pagkakasali ng sikat na young star na si Daniel Padilla sa ginagawa nilang pelikula na  tungkol sa Marawi, na may pamagat na “ Children of the Lake”. Hindi na raw nila pwedeng hintayin si Daniel, na ngayon ay abala sa ginagawa nitong pelikulang “ The Hows of Us”, dahil nakatakda nang linisin ang lugar na pagkukunan nila ng eksena, kaya kailangan nilang mag-apura. Ang baguhang aktor na si Marc Felix ang mapalad na napili para pumalit kay Daniel.

Maliban kay Piolo at Marc, ang iba pang artistang kasali sa pelikula ay sina Robin Padilla, Mylene Dizon, Jasmine Curtis-Smith, Sid Lucero, Ronnie Quizon, Mark Anthony Celebrado, Jess Mendoza, Mariam Zimadar at Ronnie Lazaro. Ito ay sa direksyon ni Sheron Dayoc, at produced ng Spring Films nina Piolo at Director Joyce Bernal. Ang kabuuan ng pelikula ay kukunan sa Marawi, dahil totoong kuwento ito ng nangyaring kaguluhan doon at ang mga naging karanasan ng mga taga-Marawi. Ang target date nilang maipalabas ito ay sa May 2019, na anibersaryo ng giyera sa Marawi, o sa June 2019, bilang independence day presentation.

Ayon kay Piolo, US$1million ang budget ng pelikula, at nakikipag-usap pa sila sa ibang ahensya ng gobyerno at ibang sponsors para mabigyan sila ng suporta. Ang post production ng pelikula, na isang war movie,  ay gagawin daw sa ibang bansa kaya malaking pera ang kanilang kailangan. Ang lahat ng kikitain ng pelikula ay mapupunta sa “Tindig Marawi”, na ang malilikom na pondo ay ilalaan para sa rehabilitasyon ng siyudad na winasak ng giyera.

CARLA AT TOM, MAY LOTE PARA SA DREAM HOUSE 
Sigurado na raw si Tom Rodriguez na ang kapwa niya Kapuso na si Carla Abellana na ang gusto niyang mapangasawa. Napag-uusapan na rin daw nila ang kasal, pero sa ngayon ay wala pa silang petsang napili. Malabo daw itong mangyari sa taong ito dahil marami pa silang tinatapos na commitments.

Inamin din ni Tom na may nabili na silang lupa para sa ipapatayo nilang bahay, kaya naka-check na ito sa kanilang bucket list.

Sa ngayon ay abala pa si Tom sa pagtatapos ng TV series na The Cure na pinagbibidahan nila ni Jennylyn Mercado, at ginagawa din niya ang horror film na “Maledicto” kung saan katambal niya si Jasmine Curtis-Smith.

Si Carla ay abala rin sa bagong TV series na malapit nang mapanood, ang “Pamilya Roces”, sa direksyon ni Joel Lamangan. Makakasama ni Carla sina Gabbi Garcia, Jasmine Curtis-Smith, Gloria Diaz, Elizabeth Oropesa, Gloria Diaz, Christian Bautista, Rocco Nacino, Snooky Serna, Teresita Marquez at Roi Vinzon.

LIZA, GUSTONG MAGING LAWYER
Kahit abala sa kanyang mga showbiz commitments, hindi pa rin nakakalimutan ng Kapamilya star na si Liza Soberano ang kanyang pangarap na makapagtapos ng kolehiyo. Nagtapos siya ng high school noong 2014 sa St Patrick’s School sa Quezon City, at kahit naantala ang pag-aaral niya, ay pursigido siyang bumalik ulit sa eskuwela. Naka-enrol siya ngayon sa INNOVE Education Solution Program ng Southville International School and Colleges, sa kursong BS Psychology.

Noong bata pa siya at nakatira at nag-aaral sa Amerika, pangarap na daw niyang maging isang lawyer, o abogado. Kung hindi daw siya nag-artista ay libre daw sana siyang nakapag-aral sa military sa Amerika dahil sa kanyang lolo na nasa US Army. Pero dahil hindi na puwede, mag-aaral muna siya ng psychology ngayon, at balang araw ay gusto pa rin niyang ituloy ang pag-aaral ng batas.

Ang kanyang ka-love-team at balitang boyfriend na si Enrique Gil, ay nauna nang nag-enrol sa Southville International School, na affiliated sa Foreign Universities (SISFU), noong nakaraang taon. Ang iba pang artista na nag-aaral din sa naturang kolehiyo ay sina Jodi Sta Maria (Psychology) at Coleen Garcia.

Sina Liza at Enrique ay napapanood gabi-gabi sa TV series na “Bagani”. Patuloy pa rin ang martial arts training ni Liza para sa pelikulang “Darna”, at nakapag-umpisa nang kunan ang kanyang mga eksena bilang Narda.