.
BABOY. Isinilang noong 1923/35/47/59/71/83/95
Mas marami kang magagawa sa araw ng Martes at Miyerkules, pero matutong tumanggi sa mga taong mahilig magpasa ng kanilang trabaho sa iyo. Kailangang tawanan mo na lang din ang mga hindi inaasahang bagay na dumarating. Ipagpaliban muna ang pakikipag-usap lalo na kung gusto mo pa ng dagdag na panahon o umiwas na tanggihan o ayawan ka agad, lalo na kung tungkol sa pag-ibig. Lucky numbers: 9, 13, 28 at 37.
DAGA. Isinilang noong 1924/36/48/60/72/84/96
Hindi mo maiwasang maging emosyonal ngayon kaya naapektuhan ang trabaho at tahanan. Bigyan ng kunsiderasyon ang damdamin ng ibang tao. Walang mangyayari sa pakikipag-usap kung hindi ka magbibigay-daan sa kahit maliit na bagay. May maganda kang ideya kung paanong makatipid na magugustuhan ng mga kasamahan. Makakakuha ka ng atensyon sa Sabado, at magiging masaya ang love life mo. Lucky numbers: 11, 22, 31 at 45.
BAKA. Isinilang noong 1925/37/49/61/73/85/97
Pagtuunan ng pansin ang nabibinbing trabaho o proyekto at paghandaan ang isang mahalagang pakikipagpulong. Posibleng tumanggap ka ng gantimpala sa malaking tulong mo sa nakaraang proyekto. Kung single, ikaw ang mananalo sa puso ng nililigawan. Magagandang alaala ang mapapasaiyo sa linggong ito. Ang relasyon ay mas lalong lalalim at magiging seryoso. Lucky numbers: 6, 19, 24 at 39.
TIGRE Isinilang noong 1926/38/50/62/74/86 at 98
Mas magiging agresibo ang mga tao sa linggong ito. Maging alerto sa kumpetisyong nagaganap. Huwag silang hayaang mag-away away at makuha ang bagong proyekto na alam mong para sa iyo. Ayusin ang schedule upang mapaghandaan ang lahat. Gumawa ng espesyal na bagay sa linggong ito. Sa araw ng pahinga, mag-relax at ipunin ang lakas, kahit na marami ang nag-iimbita sa iyo. Lucky numbers: 21, 25, 33 at 42.
KUNEHO Isinilang noong 1927/39/51/63/75/87
Kakailanganin mo ng husto ang iyong karisma upang sumang-ayon ang lahat. Ilaan ang araw ng Martes sa mga taong mahirap kausap. Planuhin din ang iyong social life, maaaring makilala mo ang isang espesyal na tao. Sa kabila ng pagiging abala sa mga araw na ito, huwag kaligtaang kumustahin ang pamilya. May tsansa kang mapahinga at makapag-relax sa mga susunod na araw. Lucky numbers: 5, 12, 18 at 37.
DRAGON Isinilang noong 1928/40/52/64/76/88
Tapusin agad ang trabaho sa umpisa ng linggo, sa kataasan ng iyong enerhiya. Pero mag-ingat na magmadali ng husto at makaligtaan ang ilang bagay na dapat busisiin. Matalas ang isip mo kapag pera ang pinag-uusapan. Makakapukaw ka ng atensyon sa huling bahagi ng linggo, at magiging aktibo ang social life mo. Lucky numbers: 16, 19, 26 at 44.
AHAS Isinilang noong 1929/41/53/65/77/89
Maswerte ka sa trabaho o negosyo ngayon at magiging masaya rin ang love life. Magiging masyado kang abala kaya hayaang tulungan ka ng ibang tao na ayusin ang dapat gawin, pati na ang oras para sa social at romantic moments. Mas lalakas ang enerhiya kung susundin ang kapartner mo, dahil alam niya ang mas makakabuti sa iyo. Lucky numbers: 9, 26, 33 at 40.
KABAYO. Isinilang noong 1930/42/54/66/78/90
Maging sunud-sunuran ka muna, kahit kakaiba ang ideyang sinasabi sa iyo. Lalabas din ang husay mo at madadaig mo ang lahat ng kakumpitensya sa negosyo o maging sa pag-ibig. Gaganda ang kalagayan ng bank account mo. May espesyal na taong makikilala sa tulong ng kaibigan. Gawing espesyal ang araw ng Linggo upang maganda ang pakiramdam para sa mga susunod na araw. Lucky numbers: 11, 17, 39 at 46.
KAMBING. Isinilang noong 1919/31/43/55/67/79 at 91
Samantalahin ang mga unang araw ng linggo dahil mas madaling kumbinsihin ang mga tao. Pero kailangang kunin ang kanilang atensyon at handa kang makipag-kompromiso. Bantayang mabuti ang trabaho at ilista ang mga ipinangako; huwag umasa lang sa iyong memorya. Magiging masaya ka hangga’t nagagawa mong maging magaan lagi ang mga usapan at hindi seryoso. Lucky numbers: 13, 27, 38 at 41.
UNGGOY. Isinilang noong 1920/32/44/56/68/80/92
Siguraduhin mong ang sinusundam mo ay ang tamang tao. Hindi ito ang oras na magkamali ka kung saang grupo ka kasali. Makakahanap ka ng taong magtuturo o makikipagtulungan sa iyo. Planuhin ang gagawin mo sa mga susunod na araw. Mag-ingat sa araw ng Linggo at baka mapasubo ka sa gastusin, lalo na at gipit ka. Lucky numbers: 3, 17, 29 at 30.
TANDANG Isinilang noong 1921/33/45/57/69/81/93
Mare-relax ka sa iyong tahanan ngayon. Bantayan ang kalusugan ng mga anak; siguraduhing napabaku-nahan sila. Ibubuhos mo ang lahat ng makakaya sa iyong proyekto, at makakasiguro ka ng magandang resulta. Ang love life mo ngayon ay parang roller coaster, pero nai-enjoy mo pa rin ito. Mag-ingat sa ilang kaibigan. Kung paiiralin ang pagiging positibo at realistiko, marami kang mapapagtagumpayan. Lucky numbers: 6, 13, 24 at 38.
ASO. Isinilang noong 1922/34/46/58/70/82/94
Nagiging emosyonal ka dahil lagi mong naaalala ng nakaraan na sagabal upang makabangon ka at samantalahin ang mga oportunidad. Matutong humindi sa mga inilalapit sa iyo ng mga kakilala dahil lalo lang aabusuhin ang pagiging matulungin at mapagbigay mo. Dumalo sa mga sosyalan dahil may tsansang makilala ang taong muling magpapatibok sa puso mo. Lucky numbers: 9, 13, 28 at 45.
---
I-try mo ito, Kabayan: Kung interesado kang ma-contact ang mga advertiser namin dito, pindutin lang ang kanilang ad, at lalabas ang auto-dialer. Pindutin ulit upang tumawag. Hindi na kailangang pindutin ang mga numero.
