Libreng serbisyo para sa mga migrant workers, isasagawa sa Linggo

 

Ang listahan ng mga serbisyo sa ilalim ng Care to Caregivers

Libreng kunsultasyon sa problema sa trabaho, tamang paghawak sa kinikita, masahe, acupuncture, blood at glucose test.

Ito ay ilan lang sa mga serbisyong maaaring makamtam ng libre ng mga migranteng manggagawa ngayong Linggo, July 8, sa Chater Road, Central, mula 10am hanggang 5pm, hatid ng Mission for Migrant Workers.

PINDUTIN PARA SA DETALYE!

Pindutin para sa detalye

Bahagi ito ng programang “Care to Caregivers” na ilang taon nang isinasagawa ng Mission para kahit sa isang Linggo man lang ay maramdaman ng mga migrant domestic workers (MDW) na sila ang pinagsisilbihan at inaalagan ng ibang tao.

Sa ilalim ng programang ito ay pupunta ang ilang mga case workers ng Mission kabilang ang general manager nilang si Cynthia Tellez at si Edwina Antonio ng Bethune House Migrant Women’s Refuge para sagutin ang mga tanong ng mga MDW na may kinalaman sa kanilang pagtatrabaho sa Hong Kong.

Nagbibigay din sila ng payo sa mga MDW na may problemang pampamilya.

PINDUTIN PARA SA DETALYE

BOOK YOUR FLIGHTS NOW! PRESS FOR DETAILS

Ang Give Care to Caregivers ay isinasagawa ng Mission o MFMW tatlo hanggang apat na beses isang taon, na natigil pansamantala noong panahon ng pandemya.

Nakikipagsanib-puwersa sila sa iba-ibang grupo na nagbibigay ng serbisyo para mapasaya kahit sa isang maghapon lang ang mga migranteng manggagawa sa Hong Kong.

May parangal din para sa mga nanalo sa patimpalak sa tula

Sa taong ito ay paparangalan din ng Mission ang mga nanalo sa patimpalak sa pagtula na  inilunsad nila bilang bahagi ng kanilang proyektong Happy Homes, na nagbibigay-parangal sa mga employer na nagpapahalaga at nagkakalinga sa kanilang mga MDW.

BASAHIN DITO

Ilulunsad din ang Coins for Bethune House, isang fund raising para sa Bethune House Migrant Women’s Refuge, ang bahay-kanlungan ng Mission para sa mga MDW na nahaharap sa pagsubok.

Kahit sa pamamagitan ng barya-baryang pagtulong ay inaasahan ng Bethune House at ng Mission na makakabuo ng sapat na pondo para maitawid ang pangangailangan ng mga migranteng nangangailangan.  

  

PADALA NA!

CALL US!

Call us!

Pilipinang nawalan ng boses at paralisado dahil sa stroke, hiling ay dalaw

 

Hiling ni Annabelle, sana ay may dumalaw sa kanya

Nananawagan ang Mission for Migrant Workers na tulungang mapasaya ang isang Pilipina na tatlong buwan nang nakaratay sa ospital matapos ma-stroke, sa pamamagitan ng pagdalaw sa kanya.

Si Annabelle Bullante na 40 taong gulang pa lamang, ay nasa Tung Wah Eastern Hospital sa Causeway Bay kung saan siya isinasailalim sa physiotherapy.

Dahil sa tindi ng stroke na tumama sa kanya noong April 9 ay hindi pa rin siya makapagsalita, at nananatiling paralisado ang kalahati ng katawan.

PINDUTIN PARA SA DETALYE!

Ayon sa ipinarating na apela sa Mission ng isa niyang kaibigan, gusto na daw umuwi ni Annabelle dahil malakas na siya at walang dumadalaw sa kanya. Nag-aalala ang kaibigan niyang ito dahil pauwi na siya sa Pilipinas noong Martes, at baka lalong malungkot si Annabelle kapag wala na siya.

May isa pang Pilipina na nakakausap si Annabelle sa ospital noon, si Jocelyn, pero tumigil na rin ito sa pagpunta doon dahil gumaling na ang matandang inaalagaan.

Agad namang hiniling ni Cynthia Tellez, general manager ng Mission, sa isa sa kanilang mga volunteers na si Juvy na puntahan si Annabelle at dalhan ng adult diapers, dahil lagi daw syang nauubusan nito.

PINDUTIN PARA SA DETALYE

Kasabay nito ay ipinarating ni Tellez ang pakiusap ni Annabelle sa mga opisyal ng Konsulado, lalo na ang apela nito na puntahan naman siya ng mga taga Overseas Workers Welfare Administration para alamin ang kanyang kundisyon at tulungan siyang makauwi na.

Tugon naman ni OWWA welfare officer Dina Daquigan, matagal na nilang na monitor ang kaso, at lagi silang nakikipag-ugnayan sa ospital, mga doctor at employer ni Annabelle. 

Wala daw itong problema sa employer dahil todo suporta ito at handang bayaran ang lahat na dapat na matanggap ng pasyente. Dinadalaw din daw ito at dinadalhan ng pagkain ng kanyang tiya na nagtatrabaho sa parehong employer.

BOOK YOUR FLIGHTS NOW! PRESS FOR DETAILS

Bagamat isang linggo na daw silang sinabihan na maari nang umuwi si Annabelle ay wala daw silang makuhang maaaring mag escort kay Annabelle sa kanyang pag-uwi sa Pilipinas. 

Bandang huli, napagkaisahan daw na ang tiya na lang ni Annabelle ang mag-uuwi sa kanya sa Pilipinas. Hinihintay na lang daw nila ngayon ang payo ng doctor bago bumili ang employer ng tiket para sa pag-uwi ni Annabelle at ng kanyang tiya.

Ayon naman kay Jocelyn, masuwerte pa rin si Annabelle na isang single mother sa kabila ng nangyari sa kanya. Patuloy daw kasi siyang pinapasuweldo ng kanyang amo kaya nanatili ang pagpapadala niya ng pera sa kanyang pamilya.

BASAHIN DITO

Dagdag ni Jocelyn, sana ay gumaling ang kanyang kaibigan nang tuluyan, at suklian ng tapat na pag-aalaga ng kanyang pamilya ang kanyang pagsasakripisyo.

(Sa mga gustong dumalaw kay Annabelle, siya ay nasa Bed 6, D2, 2^nd floor ng Tung Wah Eastern Hospital sa 19 Eastern Hospital Road sa Causeway Bay. Ang oras ng dalaw ay mula 12nn hanggang 2pm, at 5:30pm hanggang 8pm).

PADALA NA!

CALL US!

Call us!

Employer sounds out alarm for missing Filipina helper

By The SUN

 

A photo of Ivy Guzman that her employer shared on Facebook

A Hong Kong employer has issued an urgent appeal for help in locating his Filipina domestic helper, Ivy Christian Diaz Guzman, who he said had gone missing after supposedly spending a week-long vacation in the Philippines.

The employer, Andy, said he is worried that something bad has happened to Ivy, who left their house on June 30, after his family had left for a trip abroad. She was supposed to return to Hong Kong yesterday, July 5, but did not, and her phone number is now out of reach.

“I checked the CCTV, she did all the housework that day but left early, about 10am, for her 6pm flight,” said Andy.

PINDUTIN PARA SA DETALYE!

Not a few of those who saw his appeal posted by his friend on the Facebook page HK Moms said Ivy might have gone somewhere else, like Poland or Dubai, where many Filipino migrant workers choose to move to after working in Hong Kong.

In at least one case in the past, a Filipina who sparked a community-wide search for days after disappearing during her day-off, turned out to have fled to China without telling anyone, except her husband in the Philippines.

But Andy believes Ivy’s case is different because there were no signs that she had intended to go away for a long time. Her clothes and cosmetics are said to be still in her room and they did not have any dispute or misunderstanding before she disappeared.

PINDUTIN PARA SA DETALYE

While she has been with his family for just over six months, Ivy had previously worked for them and finished a two-year contract but decided not to renew, saying she wanted to look after her daughter. She had wanted to return earlier, but the pandemic made her decide against this.

She arrived back in Hong Kong in January this year and resumed working with Andy’s family. When she learned that her employers were planning to go on a vacation this month, she asked for permission to go home at about the same time, again saying she wanted to see her daughter.

Andy said he had contacted the employment agency that brought Ivy back to Hong Kong, thinking that they would be in the best position to check on her whereabouts in the Philippines.

BOOK YOUR FLIGHTS NOW! PRESS FOR DETAILS

He did not think of calling the police in Hong Kong as he feared that it was in the Philippines that Ivy encountered a problem that prevented her from returning to her work.

“We are asking for your help in spreading the word about her disappearance. Please share this post with your friends and family, and anyone who may have seen or heard something. Your help and support mean everything to us during this difficult time,” said the post made on his behalf.

Attached to the post was a picture of Ivy, along with another appeal to bring her home, “safe and sound.”

BASAHIN DITO

In response to the appeal, The SUN has directly informed Consul General Raly Tejada about the case, and is hopeful Ivy would soon be found. Any information that may help locate her can be sent directly to Andy at 9805 0595.

PADALA NA!

CALL US!

Call us!

May bagong biktima na naman si ‘Rhonna Reyes’

 

Ang gusali sa Broadway, Mei Foo, kung saan pumapasok si Rhonna bago mawala

Ingat lang sa mga nagpo post na naghahanap ng employer dahil baka matapat kayo kay “Rhonna Reyes.”

Ito yung matagal nang nirereklamo ng ilang mga Pilipinang domestic helper sa Hong Kong dahil pagkatapos silang alukin ng amo at kuhanan ng mula $2,000 hanggang $3,000 ay bigla na lang mawawala.

Ang laging gamit ng scammer para kontakin ang mga biktima ay ang Facebook account sa pangalang “Rhonna” o “Rhona” Reyes. Ito daw ay isang Pilipina na edad 40 pataas, maliit, at malumanay kung magsalita kaya agad silang napapaniwala.

PINDUTIN PARA SA DETALYE!

Kapag nakipagkita sa kanila ay may dala na itong kontrata na pirmado kunyari ng among ibibigay. Ipapakausap pa daw sa kanila sa telepono ang isang Intsik na nagpapakilalang employer na kailangan na agad ng helper kaya lang ay abala, kaya walang oras makipagkita.

Pagkatapos ay hihingan na sila ng paunang bayad para sa pagproseso ng kanilang kontrata,at sasabihin na ibabalik din ito sa kanila kapag lumabas na ang kanilang visa. Pero pagkatapos na makuha ang kanilang pera ay hindi na ito makokontak sa messenger o sa telepono.

Ang pinakahuling lumantad para magreklamo ay si Irene R., na nagpadala ng mensahe sa The SUN para tanungin kung paano niya mahahabol si Rhonna na hindi na niya makontak matapos siyang kunan ng pera noong Linggo, July 2.

PINDUTIN PARA SA DETALYE

Patapos na sa kanyang kasalukuyang kontrata si Irene nitong July 30 kaya naisipan niyang mag post na naghahanap siya ng lilipatan. Agad siyang nakatanggap ng mensahe mula sa Facebook account ni Rhonna Reyes na nagtanong kung may nakuha na siyang amo dahil gusto daw nitong tumulong.

Ayon kay Rhonna, kailangan ng kapatid ng amo niya ng helper, at pipirma na agad kaya pumayag si Irene na makipagkita dito sa Mei Foo MTR station. Sa may exit D daw sila nagkita pero dinala siya sa may malapit sa exit C.

Doon ay sinabi ni Rhonna na kailangang magpaluwal muna si Irene ng $2,200 na pang-abono sa pag-aayos ng kanyang kontrata dahil busy pa ang among kukuha sa kanya. Dahil wala siyang barya ay umabot lang sa $2,160 ang naibigay ni Irene sa kanya.

BOOK YOUR FLIGHTS NOW! PRESS FOR DETAILS

“Sabi kasi ako muna ang magbabayad pero i-refund naman daw pag nagka visa na ako,” sabi ni Irene.

Pero pagkatapos nilang maghiwalay ay hindi na siya sinasagot ni Rhonna sa messenger at pati sa numero ng telepono na binigay sa kanya.

“Nagri ring ang cp nya at naka online palagi ang FB account niya pero di siya sumasagot,” sabi ni Irene.

Nagdesisyon siyang magreklamo na sa pulis at makipag-ugnayan sa iba pang biktima ni Rhonna na matagal nang may chat group kung saan sila nagpapalitan ng impormasyon tungkol sa scammer, at pati ng litrato nito.

Litrato ni Rhonna na mula sa isang biktima

Karamihan sa kanila ay sa Mei Foo pinapunta ni Rhonna, na ayon sa biktimang si Rose, ay Annabelle daw ang tunay na pangalan, at nasukol ng isang niloko niya sa WorldWide House kaya napilitang magsauli ng pera.

Bukod sa MTR ay pinapapunta din ang mga nabibitag niya sa labas ng no 25 Broadway, Mei Foo, kung saan sila hinihingan ng pera. Pagkatapos nito ay papasok na siya sa loob ng building, pero hindi na muling makikita.

Karamihan sa mga biktima ay mga na terminate at desperadong makakuha ng bagong amo sa loob ng 14 araw na palugit na bigay ng Immigration, kaya madaling napaniwala. Kapag napapirma niya sa pekeng kontrata ay papayuhan silang umuwi na sa Pilipinas at doon na maghintay ng kanilang visa.

BASAHIN DITO

Ganito ang nangyari kay Bea kamakailan, na panay ang paghihimutok ngayon dahil pumayag siyang umuwi agad matapos makipagkasundo kay Rhonna sa halagang $2,500 noong June 25 lang.

Kabilang din sa mga umuwi si Irene na kinontak ni Rhonna noong Enero matapos mag post sa isang online recruitment agency tungkol sa paghahanap niya ng employer. Ayon daw kay Rhonna ay inutusan siya ng employer na makipag-usap sa kanya dahil kamamatay lang ng asawa nito at walang oras makipagkita.

Dinalhan siya ni Rhonna ng kontrata na pirmado ng employer at hiningan ng $2,600 at ibabalik na lang daw sa kanya kapag nakabalik na siya sa Hong Kong.

“Nagtiwala ako kasi Pinay ang kausap ko, Rhona Reyes ang FB account niya,” sabi ni Irene sa kanyang post noong Pebrero, na humihingi ng tulong.

“Pero until now, one month and one week na ako nag-aantay, wala, di ko na sila makontak. Sana po may makatulong sa akin na makuha ko ang pera ko.”

Sa ngayon ay mahigit 10 biktima na ng parehong grupo na ang gamit ay ang Facebook account ni Rhonna o Rhona Reyes, ang nag-uusap at balak na magsumbong sa pulis nang sabay sabay para mapahuli siya.

Pero hindi sa lahat ng sandali ay nakakaloko si Rhonna. Kamakailan ay may nag post sa isang Facebook page ng mga naghahanap ng trabaho sa Hong Kong tungkol sa naunsyaming pagsubok ni Rhonna na mang scam ulit.

Ayon sa post ni D’Moom Sun, nag post daw sya sa Facebook page na terminated sya, at agad na may nag-alok sa kanya ng amo na isang Pinay na “matanda na”. Nakipagkita daw sa kanya ang Pinay dala ang kontrata na pirmado na, at sa harapan niya ay tinawagan pa kunyari ang amo sa telepono.

Pero nang sabihin ng recruiter na kailangan niyang magbigay ng $2,500 ay hindi siya pumayag.

“Sabi ko, ate mahirap magtiwala sa panahon ngayon na kalat na (ang manloloko na) kapwa pa Pinoy,” sabi niya. Dagdag pa niya, bakit daw kaya may mga kapwa Pinoy na gusto ng “easy money.” Terminated na nga daw ang kapwa e lolokohin pa.

“Alam natin na mahirap kitain ang pera, ang hirap magkuskos ng inidoro, tapos magbigay ka ng $2,500?”, pagtatapos niya.

Ang iba pang biktima ni Rhonna na gustong magreklamo ay pinapayuhang dumulog sa Sham Shui Po Police Station na syang may sakop sa kaso.

PADALA NA!

CALL US!

Call us!

Pilipina, umamin sa pagnanakaw; pero ang isa, tumanggi

 

Parehong humarap sa Kwun Tong court ang 2 akusado

Dalawang Pilipinang domestic helper na kinasuhan ng pagnanakaw sa Kwun Tong Courts ang nagkahiwalay ng landas kanina nang isa sa kanila ang umamin at ang ikalawa ay tumanggi sa akusasyon.

Si J. E., 42 taong gulang, ay umaming nagnakaw ng dalawang bote ng baby oil, isang bote ng baby shower gel, isang bote ng baby shampoo at isang bote ng paminta, na nagkakahalaga ng kabuuang halaga na $253.

Bagamat nasentensyahan ng kulong, sinuspindi naman ito sa utos ng hukom kaya malayang nakaalis sa korte ang akusado.

PINDUTIN PARA SA DETALYE!

Inamin ni .E. ang pagnanakaw matapos makita ang mga ito sa mga gamit niya. Ini-report siya ng kanyang among si Wong Ka-wa sa pulis at inaresto sa bahay nito sa Beaumont Phase I sa Tseung Kwan O.

Sinabi ng kanyang abogado na kinuha niya ang mga ito sa loob ng anim na buwan mula Feb. 1 hanggang July 23, dahil lahat ng kanyang kinikita ay ipinadadala niya sa kanyang mga magulang at apat na anak sa Pilipinas at hindi siya binibigyan ng kanyang amo ng mga gamit na pansarili.

PINDUTIN PARA SA DETALYE

Maliban sa kasong ito, malinis ang rekord ni J.E., dagdag ng abogado.

Dahil sa pag-amin, hinatulan siya ni Acting Principal Magistrate Daniel Tang ng dalawang linggong pagkakakulong pero ito ay suspendido nang 18 buwan, kaya hindi niya kailangang makulong kung hindi siya magkakasalang muli sa loob ng isa’t kalahating buwan.

BOOK YOUR FLIGHTS NOW! PRESS FOR DETAILS

Sa hiwalay na pagdinig, itinanggi ni L. Diones, 34 taong gulang, na ninakaw nya ang dalawang itim at isang asul na pantalon na nagkakahalaga ng kabuuang $597 mula sa tindahan ng Uniqlo sa Tseung Kwan O noong March 6.

Ayon sa kanyang abogado, mula sa una ay hindi nagbago ang pahayag ni Diones na hindi niya ginawa ang krimen at pangangatawanan niya ito sa paglilitis.

BASAHIN DITO

Dahil sa pagtanggi ni Diones, ikinasa ni Magistrate Tang ang pre-trial review sa July 23 upang ilinya ng dalawang panig ang mga ebidensiya at testimonya ng kani-kanliang mga saksi, at pagkasunduan ang mga tunay na nangyari.

Pinalaya si Diones nang pansamantala sa bisa ng piyansang $300. 

PADALA NA!

CALL US!

Call us!

Balik-kulungan ang Pinay na akusado ng panloloko sa kaibigan

  

Muling humarap sa Eastern Court ang Pinay na akusado ng panggagantso 

Hindi itinuloy kanina ang pormal na pagpapahayag ng Pilipina kung inaamin o tinatanggihan niya ang akusasyong nanloko siya ng kapwa Pilipina nang mag-alok siya ng mas murang iPhone, na hindi niya ibinigay matapos mabayaran siya nang buo.

Nang malaman ng kanyang abogado na may pagbabago sa kasong isinampa laban kay Lerma Ann Larosa, 32 taong gulang na walang trabaho at walang permanenteng tirahan, humingi ito ng isa pang pagdinig.

PINDUTIN PARA SA DETALYE!

Itinakda ito ni Eastern Courts Principal Magistrate Ivy Chui sa Aug. 15.

“Sa susunod na pagdinig ay dapat handa ka nang umamin o tumanggi,” ika ni Chui.

Inutos rin niyang ibalik sa kulungan si Larosa.

Pindutin para sa detalye

Ayon sa asunto, sinabi niya sa biktimang si Jay Ann L., na may kaibigan siya sa Apple Store na makukunan ng isang iPhone 13 Pro Max sa discounted na halagang $6,800. Ang presyo ng modelong ito sa ilang online store ay nagsisimula sa $9,399.

PINDUTIN PARA SA DETALYE

Isa sa mga pagbabago sa kaso, na inilahad ng taga-usig nang basahin ulit kanina ang akusasyon kay Larosa, ay ang pagdaragdag ng paraan ng pagbabayad kay Larosa. Nilipatan daw siya ni Jay Ann ng dalawang hulog sa kanyang Alipay at WeChat account mula March 15 hanggang March 21.

BOOK YOUR FLIGHTS NOW! PRESS FOR DETAILS

Hindi na rin nabanggit sa bagong akusasyon na nangyari ang transaksyon sa Pier 3 sa Central noong March 18 at 21, at nagpunta si Larosa sa Macau matapos makuha ang bayad.

Dahil daw hindi ibinigay ni Larosa ang nabiling iPhone kahit bayad na, nagreklamo ang biktima sa pulis at siya ay inaresto pagbalik mula sa Macau.

BASAHIN DITO

Ang kasong isinampa laban kay Larosa ay "fraud", na paglabag sa Section 16A(1) ng Theft Ordinance, na ang kaparusahan ay pagkakakulong na aabot hanggang 10 taon.

PADALA NA!

CALL US!

Call us!