Away ng mag-live-in, nauwi sa aregluhan

 

Humantong sa korte ang away ng magka live-in.

Nahantong sa areglo ang pag-aaway ng magka-live-in na Pilipina at Pakistani, na parehong asylum seeker at may dalawang anak, matapos silang humarap sa West Kowloon Court kanina.

Sumang-ayon sa Bind Over sina G. Tabaranza, 32 taong gulang, at ang Pakistani na si H. Norani kung saan nangako silang hindi lalabag sa batas sa loob ng dalawang taon. Pagbabayarin sila ng $1,000 kapag lumabag sila sa pangako.

PINDUTIN PARA SA DETALYE!

Pinayuhan sila ni Acting Principal Magistrate Veronica Heung na huwag nang gumamit ng dahas o pagbantaan ang isa't isa upang hindi sila ulit magkaproblema sa batas.

Si Tabaranza ay kinasuhan ng pananakit kay Norani noong June 14 sa kanilang flat sa Ki Lung St., Mongkok, Kowloon.

PINDUTIN PARA SA DETALYE

Ganoon din ang reklamong isinampa ni Tabaranza kay Norani.

Ang kasong isinampa laban sa kanila ay paglabag sa Common Law, at sa Offences against the Person Ordinance.

BOOK YOUR FLIGHTS NOW! PRESS FOR DETAILS

Matapos silang tawagin sa pagdinig, tumayo ang taga-usig upang sabihing bukas siya sa isang bind over order para sa dalawa. Ibig sabihin, walang record na maitatala sa kanila kung susundin nila ang utos ng korte na hindi na muling lalabag sa batas sa loob ng itinakdang panahon.

Sumang-ayon ang dalawa sa kasunduan, na kapalit ng pag-urong ng parehong kaso laban sa kanila, na kung natuloy ay may parusa na aabot sa tatlong taon na pagkakakulong.

PINDUTIN PARA SA DETALYE

Nakita silang magkasabay na lumabas ng korte, kasama ang kani-kanilang interpreter, at sumakay ng lift papunta sa opisina sa 3^rd floor, kung saan nila pinamirmahan ang kasunduan.

Pindutin dito para sa iba pang mga detalye!

PADALA NA!

PRESS FOR DETAILS

Multang $1.5k dahil sa ninakaw na $198 na hikaw

Bumalik pa muli ang akusado sa mall na ito pagkatapos niyang magnakaw kaya siya nahuli

Isang Pilipina na tatlong dekada nang nagtatrabaho bilang domestic helper sa Hong Kong ang pinagmulta kanina sa Eastern Court ng $1,500 matapos umamin na nagnakaw ng isang pares ng hikaw  na nagkakahalaga lang ng $198 noong Disyembre ng nakaraang taon.

Bakas ang kasiyahan sa mukha ni F.V. Pascua, 61 taong gulang, nang marinig ang hatol sa kanya ni Principal Magistrate Ivy Chui, na hindi na pinakinggan ang iba pang sasabihin sana ng kanyang abugado para mapababa ang sentensya, at sinabing papagbayarin na lang siya bilang parusa.

PINDUTIN PARA SA DETALYE!

Dahil nakapiyansa sa halagang $500 ay pinadagdagan na lang ng $1,000 ang halagang pinabayad sa Pilipina bago ang 4pm na pagsasara ng kahera ng korte.

Sabi ng mahistrado, nagdesisyon siyang pagmultahin na lang si Pascua dahil malinis ang record nito sa Hong Kong, at agad na umamin sa kasalanan.

PINDUTIN PARA SA DETALYE

Batay sa sinang-ayunan niyang salaysay nangyari ang nakawan noong December 3 sa shop ng Wheres Design sa ground floor ng Provident Square sa North Point. 

Napansin daw agad ng tindera na may nawalang isang pares ng hikaw na naka display matapos tumingin doon si Pascua at isang kasamahan. Nang tingnan ng tindera sa CCTV ay nakita si Pascua na dinampot iyon bago lumabas ng shop. Hindi nagreklamo ang tindera nang araw na iyon.

BOOK YOUR FLIGHTS NOW! PRESS FOR DETAILS

Dahil marahil naisip na nakalusot siya sa kanyang ginawa ay bumalik si Pascua sa tindahan noong January 18, bandang 12:40pm, kasama ang kaibigan. Agad siyang namukhaan ng tindera kaya ito tumawag ng pulis.

Matapos siyang arestuhin ay sinamahan si Pascua ng mga pulis sa bahay ng kanyang amo sa at nakita sa kanyang kuwarto ang lalagyan ng hikaw, na nagkataong suot din niya. 

PINDUTIN PARA SA DETALYE

Noong una ay itinanggi ni Pascua ang paratang na ninakaw niya ang hikaw, at sinabing binili niya ito sa bangketa mula sa isang babaeng hindi niya kilala, pero umamin din bandang huli.

Batay sa pahayag ng kanyang abugado, si Pascua ay walang asawa at walang ibang kamag-anak, at tanging ang nanay niya na nasa Pilipinas ang sinusuportahan. Sumasahod siya ng minimum at halos 30 taon na siyang nagtatrabaho sa Hong Kong.

Pindutin dito para sa iba pang mga detalye!

PADALA NA!

PRESS FOR DETAILS

Ingat sa pagpasyal ng aso

 

Dinala sa ospital ang helper na mukhang Pilipina dahil nasugatan ang kamay (TheStandard)

UPDATED)

Isang aso ang namatay matapos maipit ang kanyang tali sa pintuan ng isang elevator sa Kennedy Town kahapon ng umaga.

Ayon sa mga pulis, nangyari ang insidente bandang 9:47 ng Martes matapos ipasyal ng isang 46 taong gulang na foreign domestic helper ang tatlong aso sa labas ng kanilang tirahan sa Kam Ho Court sa Belcher’s Street.

PINDUTIN PARA SA DETALYE!

PINDUTIN PARA SA DETALYE

Pagbalik nila sa gusali ay pumasok ang helper sa elevator kasama ang mga aso, ngunit biglang tumakbo palabas ang isa bago nagsara ang pintuan nito. Naipit ang tali nito sa pintuan, dahilan para masakal ito nang mag-umpisa nang umakyat ang elevator.

Agad namang tumawag ng pulis ang bantay sa gusali na nabigong buksan ang pintuan ng elevator pagkatapos makita sa CCTV ang nangyayari sa aso. Tumigil sa pag-akyat ang elevator pero hindi nagbukas ang mga pintuan.

Pagdating ng mga bumbero ay nakitang patay na ang aso kaya tinakpan na lang nila ng kumot.

Patay na ang aso nang balikan ng helper sa lobby ng gusali

Agad namang tumakbo pababa sa lobby ang helper pero patay na ang aso nang makita niya. Dinala siya sa Queen Mary Hospital na may sugat sa kamay dahil pinilit nitong hilahin pabalik sa lift ang aso bago nagsara ang pintuan. 

Ang 24 taong gulang na may-ari ng aso na agad ding tinawag pauwi ay naiyak nang makita ang alagang patay na. 

Agad na nagpaalala ang mga awtoridad sa publiko na bantayang maigi ang mga alagang aso tuwing pumapasok o lumalabas sa elevator.

Ito ang pangalawang beses na nangyari ang ganitong insidente. Noong June 26 ay naipit din ang tali ng isang aso sa Sham Shui Po nang di mapansin ng may-ari na hindi ito sumabay sa kanya pagpasok sa elevator. 

Mabuti na lang at naagapan ng security guard na patigilin ang elevator kaya nakakawala ang aso sa tali bago tumakbo. Ang may-ari ang nakulong sa elevator ng mga 20 minuto bago napakawalan ng mga bumbero.

BOOK YOUR FLIGHTS NOW! PRESS FOR DETAILS

PINDUTIN PARA SA DETALYE

Iniimbestigahan pa rin ng mga pulis ang pangyayari.

Pindutin dito para sa iba pang mga detalye!

PADALA NA!

PRESS FOR DETAILS

Kasong pagnanakaw ng bag sa airport, itinanggi ng Pilipinang saleslady

 

Sa West Kowloon Court nagsimula ang kaso 

Nakatakdang litisin sa Nov. 28-30 ang isang Pilipinang saleslady na kinasuhan ng pagnanakaw ng rucksack o backpack sa Hong Kong International Airport noong Marso.

Dapat ay nilitis na ang kaso sa West Kowloon court noong Lunes, Sept. 3, ng Pilipinang si Ana Labicane, 54, pero hindi ito natuloy dahil dumagsa ang maraming kaso na naipagpaliban noong Biyernes dahil sa T8 signal.

Dahil tambak pa rin ang kaso sa West Kowloon ay inilipat ang paglilitis kay Labicane sa Kwun Tong Courts.

PINDUTIN PARA SA DETALYE!

Muling pinayagang magpiyansa sa halagang $500 si Labicane na nauna nang tumanggi sa paratang.

Kinasuhan siya ng Airport Police ng pagnanakaw ng isang rucksack na may lamang cash na HK$630, isang Octopus card, dalawang prepaid transportation card para sa Taiwan, cash na 11,100 Taiwan dollar, isang cosmetic bag, dalawang passport holder, isang HK passport, isang wallet, isang HKID card, isang WeWu UnionPay card, at apat na ATM card.

PINDUTIN PARA SA DETALYE

Ang pagnanakaw ay naganap umano sa tapat ng shop ng Tung Fung Hung sa tabi ng escalator sa Departure Hall ng HK Airport noong March 5.

Bago dininig ang kaso sa Court No. 14 sa ilalim ni Acting Principal Magistrate Veronica Heung, ay inilista ito sa Court no. 19 sa ilalim ni Magistrate Andrew Mok.

BOOK YOUR FLIGHTS NOW! PRESS FOR DETAILS

Ang dahilan ay nag-overload sa mga kaso ang Court 19 dahil sa pagsasara ng mga korte noong nagdaang Biyernes, na resulta ng Typhoon Signal No. 10 na dala ng Typhoon Saola.

Nang gawin ang pagdinig sa Court 14, humingi ng tatlong araw na paglilitis ang taga-usig dahil kailangang isalin ang salitang gagamitin sa Pilipino at English.

PINDUTIN PARA SA DETALYE

Ibinigay ni Magistrate Heung ang petsang hinihingi ng taga-usig, Nov. 28-30, pero inilipat niya ang kaso sa Kwun Tong dahil puno pa rin ang schedule ng West Kowloon sa mga araw na iyon.

Pindutin dito para sa iba pang mga detalye!

PADALA NA!

PRESS FOR DETAILS

Balik-kulungan ang Pinay na akusado sa pagnanakaw ng alahas ng amo

  

Ang Pacific View sa Stanley, kung saan naganap diumano ang nakawan (23Hse photo)

Muling humarap sa Eastern Court nitong Lunes, Sept 4 ang isang Pilipina na inakusahan ng pagnanakaw ng sari-saring alahas ng amo na nagkakahalaga ng $81,300.

Sa hiling ng tagausig na magkaroon pa ng dagdag na panahon para pag-aralan ang kaso laban kay Malta May D. Siguenza ay pinagpaliban muli ni Mahistrado Tsang Chiung-yu ang pagdinig sa October 10.

Ibinalik si Siguenza, 43 taong gulang, sa kulungan hanggang sa susunod niyang pagharap sa korte.

PINDUTIN PARA SA DETALYE!

PINDUTIN PARA SA DETALYE

Si Siguenza ay inakusahan ng pagnanakaw ng tatlong gintong singsing, isang silver na singsing at isang gintong kuwintas na pag mamay-ari ng kanyang  amo na si Julien Paul Lepine.

Nangyari ang diumanong pagnanakaw sa mga hindi matukoy na petsa sa pagitan ng Pebrero at Abril ng kasalukuyang taon sa isang flat sa Block 4, Pacific View, Tai Tam Road, Stanley.

Wala nang iba pang impormasyon ang binanggit sa pagdinig.

BOOK YOUR FLIGHTS NOW! PRESS FOR DETAILS

PINDUTIN PARA SA DETALYE

Ayon sa sakdal, labag ang krimen sa section 9 ng Theft Ordinance ng Hong Kong. Ang pinakamabigat ng parusa sa pagnanakaw ay 10 taon sa kulungan.

Pindutin dito para sa iba pang mga detalye!

PADALA NA!

PRESS FOR DETAILS

Pilipina, lusot sa kasong pagnanakaw

 

Hapon na nang matapos ang kaso sa West Kowloon Court

Agad na pinalaya ang isang Pilipina na inakusahan ng kanyang amo ng dalawang kaso ng pagnanakaw – isang $300 cash noong Hunyo at isang brilyanteng singsing na nagkakahalaga ng $5,900 nitong Hulyo, dahilan para siya ikulong.

Sa pagharap ni I.J. Bartolome, 33 taong gulang sa West Kowloon Court nitong Lunes, nagkasundo ang magkabilang panig na isailalim siya sa bindover, o pangakong hindi gagawa ng paglabag sa batas sa loob ng isang taon, kundi ay magbabayad siya ng $1,000.

Pumayag din siyang bayaran ang amo ng $300 bilang danyos.  

PINDUTIN PARA SA DETALYE!

Kapag tumupad siya sa napagkasunduan ay hindi siya magkakaroon ng criminal record sa Hong Kong.

Samantala, nauna nang nagdesisyon ang tagausig na iatras ang kasong pagnanakaw ng brilyanteng singsing na nagkakahalaga diumano ng $5,900 dahil sa kakulangan ng ebidensya.

Dahil sa paratang na ito kaya inaresto si Bartolome noong July 16 sa bahay ng kanyang amo sa Horizon Place, Kwai Chung.

PINDUTIN PARA SA DETALYE

Itinanggi naman ni Bartolome ang unang paratang, na ninakawan niya ang among si Lam Si-ni ng $300 noong June 2 sa kanyang bahay.

Ayon sa Pilipina, totoong kinuha niya ang $300 sa isang kahon ng amo, pero pinambili niya ito ng gatas ng kanyang alagang bata, alinsunod sa utos ng magulang nito, na siyang  amo niya mismo.

BOOK YOUR FLIGHTS NOW! PRESS FOR DETAILS

Dahil sa pagtanggi, naghanap si Acting Principal Magistrate Veronica Heung ng petsang puwedeng gawin ang paglilitis sa lalong madaling panahon.

Nang mabigo siyang itakda ang pagilitis sa dalawang pinakamalapit na petsa – Sept 12 at Sept. 29 – dahil hindi magkatugma ang libreng  araw ng magkabilang panig, nagreklamo si Magistrate Heung na sobra nang tumatagal ang pagkakapiit ni Bartolome sa maliit na halagang $300.

PINDUTIN PARA SA DETALYE

Dapat nang pag-usapan nila kung paano ma-resolba ang kaso dahil hindi ito makatarungan kay Bartolome, dagdag niya.

Nang bumalik sa korte ang dalawang panig sa panghapong sesyon at iprisinta kay Magistrate Heung ang bindover na kasunduan, agad niya itong inaprubahan.

Dahil sa nangyari, talo pa rin si Bartolome dahil hindi man siya magka record, nawalan naman siya ng trabaho at nakulong pa siya ng mahigit isang buwan.

Pindutin dito para sa iba pang mga detalye!

PADALA NA!

PRESS FOR DETAILS

Sa Barkadahan, mura na, mabilis pa! Internet ng OFW sa Hong Kong!

 

Dapat ang mobile SIM network ay maaasahan! Ang dapat sa iyo si SmarTone at yan ang Barkadahan, ang pinakasikat at gamit na SIM ng mga OFW sa Hong Kong, ayon sa survey ng Anova Market Research Company.

Halos 2 dekada na sa serbisyo ang SIM card na ito sa Filipinos.

At pag OFW, buhay mo ang internet para laging updated sa lahat ng bagay at higit sa lahat ang makapagFacebook. Sabi nga nila, kung kilay is life, internet is love life!

At dahil nga diyan, may promo ngayon na $160 lang ang 3 Months Internet kapag nilipat mo iyong number galing sa ibang network o sumakabilang bahay ka sa SmarTone. Yes! Pwede mo ilipat iyong number galing sa iba at same number pa rin.

Naka 3 months data ka na, may extra pang $20 E-coupons pang bili ng loads at 800 VIP Spoints sa loyalty program para meron kang Free gifts.

Ito ang loyalty na pang OFW.

Kada gastos mo sa SIM may points kang maiipon para makakuha ng mga regalo. May terms at conditions ang offer na ito ha.

Meron din all in 1 app ang Barkadahan na My SIM Account App at nandito na lahat ng kailangan mo para mas easy i-manage ang SIM card. May Pasaload sa Pinas, iba’t ibang data plans, Globe tawag IDD pass, Macau / China data roaming, loads pang bayad sa Google Playstore at marami pang iba.

Kaya punta lang sa Barkadahan Shop 159 WWH Central o Shop B Jollibee Shopping Arcade Castle Peak Road, Yuen Long. Yes tama! Nasa loob ng Jollibee si SmarTone!

Pwede din kayo sa mga promoters, sa mga suking Pinoy tindahan sa HK.

Para sa iba pang detalye, press https://bit.ly/3syBWv0 . Para sa iba pang offers ng SmarTone,  tingnan aming leaflets o press https://bit.ly/2Uy81zi.

Mas bongga talaga sa Barkadahan, pramis!

Barkadahan sa SmarTone for the OFW, with the OFW!