Responsive Ad Slot

Maid FinderFind employer quickly!
Download the App!
Latest

Buhay Pinay

Features

People

Sports

Philippine News

Join us at Facebook!

Hong Kong News

Community Events

Videos

The SUN Calendar

Community Announcements

PINOY JOKES

Opinion

Tribong Pinoy

>

DIY Travel

>

Balitang Artista

Malaking hamon sa susunod na labatt

Posted on 20 July 2019 No comments

Ni Vir B. Lumicao

Labis na napamahal si Labor Attaché Jalilo dela Torre sa kanyang mga kababayang manggagawa rito sa Hong Kong kung kaya ang kanyang pag-alis ay isang dagok sa magandang samahan ng mga OFW at ng Philippine Overseas Labor Office.

Kaya tuloy inaamin ng mga opisyal ng Konsulado at POLO, gayundin ng mga lider ng pamayanang Pilipino rito, na mahirap pantayan ng papalit kay Labatt Jolly ang uri ng paglilingkod na ipinakita niya.

Call us!

Nabanggit ng mga nagbigay-pugay kay Labatt Jolly sa despedidang inihanda ng komunidad noong Hulyo 7 ang maraming nagawa ng pinuno ng POLO para sa kapakanan ng mga OFW rito.

Ang kanyang ulirang pakikitungo, pagtulong at paggabay sa mga manggagawang Pinoy rito ay wagas na paglilingkod na hindi nila kailanman nasaksihan at naranasan sa mga nauna nang pinuno ng nasabing ahensiya ng gobyerno rito.

Iyan ang dahilan kung bakit naging matatag si Labatt Jolly sa kabila ng tahasang pambabastos at pang-aapi sa kanya ng mga diyos ng Department of Labor and Employment sa Maynila.

Call us now!

Iyan din ang dahilan kung bakit isang malaking hamon ang naghihintay sa magiging kapalit niya sa POLO.

Upang hindi siya mahihirapan sa pagtupad sa kanyang tungkulin, kinakailangan ng susunod na luluklok na sa umpisa pa lamang ay mayroon na siyang puso para sa mga manggagawa, may matalas na pakiramdam sa mga pangangailangan nila at makakakilos kaagad para tugunan sila. 
Dapat ay taglay niya ang likas na pagmamahal at pagmamalasakit sa mga manggagawa at uunahin ang makabubuti sa kanila bago ang pansarili niyang kapakanan o iyong para sa kabutihan ng mga amo at ahensiya sa empleo.

Maraming bagay sa Hong Kong na maaring gamitin ng mga mayroong pansariling interes upang tuksuhin ang iluluklok na labatt at nang makuha ang simpatiya niya pagdating sa mga usaping pangmanggagawa.

Call now!

Kaya, tulad ng pinasimulan ni Labatt Jolly, sa umpisa pa lang ay mahigpit nang ipagbawal ang pagbibigay ng mga regalo sa mga tauhan ng POLO dahil doon nagsisimula ang korapsiyon.

Kailangang pag-aralang mabuti ng bagong labatt ang mga proseso na ipinatupad ni Labatt Jolly upang mapabilis at mapaalwan ang mga transaksiyon ng mga manggagawa. Kabilang dito ang kung paano mapapabilis ang pagtulong sa mga OFW sa pagrehistro sa BM Online at pagkuha ng OEC sa mismong POLO o sa mga outreach mission sa malalayong sulok ng Hong Kong.

Mahalaga ring ipagpatuloy ng bagong labatt ang HealthWise medical checkups na naglalayong alamin ang kalusugan ng mga OFW upang magawan ng paraan para sila ay matulungang umiwas sa malulubhang sakit.

Malaking bagay rin ang pagpapatuloy sa livelihood skills program tulad ng agri-business at iba pang mapagkakakitaan ng mga OFW at mga pamilya nila, lalo na kapag umuwi na sila dahil nais na nilang mamalagi sa Pilipinas, o dahil nawalan sila ng trabaho rito.

Ang pagsusulong ng mga proyekto para sa kapakanan ng mga manggagawa ay makatutulong sa magandang relasyon ng POLO at mga OFW.

Ang isang madalas ding ireklamo ng mga OFW na nagtutungo sa POLO kapag araw ng Linggo ay ang di-magandang pagtrato sa kanila ng ilang mga volunteer marshals.

Malaking tulong ang mga volunteer sa pagsasaayos ng mga transaksiyon lalo na kapag kasagsagan ng pagkuha ng OEC. Ngunit piliing mabuti sana ng bagong labatt ang mga volunteer at alisin ang ilang madalas ireklamo dahil sa kawalang-galang sa kapwa.

Talagang malaking hamon ang naghihintay sa bagong labatt  dahil sa mataas na pamantayan sa paglilingkod-bayan na ipinakita ni Labatt Jolly.

Higit sa lahat, nakamatyag ang mga OFW sa kanyang ikikilos, lalo na sa pakikitungo sa mga manggagawa at sa mga ahensiya.

Noong gabi ng pamamaalam kay Labatt Jolly ay nangako ang mga lider ng komunidad na babantayan nila ang mga repormang napasimulan ni Labatt Jolly upang mahadlangan kung sakaling bumalik sa dating kaduda-dudang relasyon ang POLO at mga ahensiya.

Kasama kami sa mga nangako, at kami ay magbabantay din.


==
I-try mo ito, Kabayan: Kung interesado kang ma-contact ang mga advertiser namin dito, pindutin lang ang kanilang ad, at lalabas ang auto-dialer. Pindutin ulit upang tumawag. Hindi na kailangang pindutin ang mga numero.
 


5 Pinays stranded in Turkey after being trafficked through Iloilo airport

Posted on No comments
By Vir B. Lumicao

Five Filipina domestic workers recruited in Hong Kong have been trafficked to Turkey through the Iloilo International Airport, where they cleared Immigration and were allowed to board an international flight without OECs and work contracts.

Labatt Jolly first raised the alarm in a Facebook post

This was disclosed by outgoing Labor Attaché Jalilo dela Torre in a post on Jul 19 on his Facebook page where he slammed the airport as “becoming a transshipment point for illegally recruited workers for Turkey”.

He alleged two more Filipinas are about to be sent to Turkey by a Hong Kong-based recruitment company, H&L, “owned by a Natalie.”
A Google search showed H&L Recruitment Agency has offices in Mongkok Commercial Centre. But a search of the list of Hong Kong agencies licensed by the Employment Agency Administration yielded no such name.

Labatt dela Torre urged the Philippines’ Inter-Agency Council Against Trafficking and the Department of Justice to look into how the five workers passed Immigration without being challenged.

“The IACT and DOJ should investigate this, and put those responsible behind bars. Shame on those officials: they are as guilty as the human traffickers,” said Labatt Dela Torre, a known crusader against human trafficking.
He said that his contact in Russia has confirmed the use of Iloilo Airport as a human trafficking transshipment point.

“My contact in Russia (has) informed me that two more recruits are to be sent to Turkey through Iloilo and Singapore,” he said.

Independent sources told The SUN the five recruits left Iloilo City on May 31 for Singapore, where they took another flight to Doha, Qatar.



From Doha, they took another plane to Istanbul, where they flew onward to separate destinations.

One of the women was reportedly sent to an employer in Ankara where she worked for about three weeks before she was suddenly kicked out of the house for unsatisfactory work. She had to spend the night at a park until she was rescued by a local resident.

The Turkish employer allegedly took her passport and cellphone because the Filipina still owed her recruiter more than US$2,000 for her placement fee, which she had to pay in four monthly installments.

It is not clear how much in total fees was charged each of the victims by their Hong Kong-based recruiter.

The four other victims were not given employers and are now seeking assistance from the Philippine Embassy in Ankara for repatriation because they are penniless and jobless.
==
I-try mo ito, Kabayan: Kung interesado kang ma-contact ang mga advertiser namin dito, pindutin lang ang kanilang ad, at lalabas ang auto-dialer. Pindutin ulit upang tumawag. Hindi na kailangang pindutin ang mga numero.




Road HK holds charity spikefest

Posted on No comments
Organuzers and winners join in for a souvenir photo after the tournament.

“Those who are the happiest are those who do the most for others.”

Guided by this principle, members of the Radiant Organization of Amiable Drivers Hong Kong ( ROADHK ) held a one-day volleyball league on Jun 30 at Victoria Park to raise money for their charity projects.

Call us!

Twelve volleyball teams participated in the games, namely The Partners, Helping Hands A & B, Baguio Team, D’ Seekers, Legend League, D’ Paknerz, SIGAC, I - Fialikia Team, LVM Pilipinas, Isabela Team and Arvielynx.


Call us now!

Although it was the first time Road HK had organized a volleyball contest, everyone had fun, and the games proceeded smoothly. LVM Pilipinas emerged as champion in the friendly competition, followed by SIGAC as the 1st runner-up, D’ Seekers as 2nd runner-up and Isabela Team as 3rd runner-up. – Maria Theresa Aquino
==
I-try mo ito, Kabayan: Kung interesado kang ma-contact ang mga advertiser namin dito, pindutin lang ang kanilang ad, at lalabas ang auto-dialer. Pindutin ulit upang tumawag. Hindi na kailangang pindutin ang mga numero.


Magnegosyo ay hindi biro

Posted on No comments
Nanguna ang “Banana Q business plan” sa anim na grupong nagbalangkas ng plano.

Ni George Manalansan

Bilang bahagi ng kanilang patuloy na pagsasagawa ng libreng pagsasanay para sa mga migranteng Pilipino ay nagdaos ang Card Hong Kong Foundation ng isang entrepreneurship seminar noong ika-7 ng Hulyo sa Bayanihan Centre sa Kennedy Town.

Ito’y tugon sa kahilingan ng mga nagtapos ng financial literacy workshop ng Card, at nagbababalak magnegosyo, o kaya ay mayroon nang negosyo nguni’t gusto pang madagdagan ang kanilang kaalaman.

Ayon sa isang organisasyon ng mga mga negosyante sa buong mundo, walo sa bawat 10 na sumasabak sa negosyo ang nabibigo sa unang mga taon ng operasyon, at isa lang ang nagtatagumpay sa paglipas ng limang taon. Ang tanong na bakit ito nangyayari ang binigyang tugon ng mga trainor ng Card.

Call us!

Isa sa mga trainor ang tumalakay ng mga kailangang gawin at tugunan, mula sa paggawa, hanggang matapos ang isang produkto.

Pati ang paraan ng pagpapalawak ng negosyo ay tinalakay, gaya nang kung babuyan ang negosyo mo, maaring ikaw na rin mismo ang gumawa ng by products katulad ng tocino at longganisa. O kaya ay pabaligtad naman. Kung ang negosyo mo ay ang paggawa ng longanisa at tocino, maaring ikaw na rin ang magtayo ng iyong sariling babuyan para mapanatili ang kalidad ng produkto mo, at masiguro na may lagi kang suplay ng gagamitin para ditto.

Call us now!

Turo ng isa pang trainor, dapat ay malinaw ang layunin ng pagnenegosyo. Bagamat pang sarili at pang pamilya ang negosyo may benepisyo din ito sa komunidad, gaya ng pagbibigay trabaho sa mga manggagawa.

Aniya pa, dapat ay taglay ng isang magnenegosyo ang mga kaukulang katangian, katulad ng sapat na kaalaman, determinasyon, positibong pananaw, at ang pagkakaroon ng magandang sistema o pamamalakad. Importante ang mga ito para magkaroon ng mataas na kalidad ng serbisyo at produkto.

Ang mga sumali sa Card Hong Kong Foundation Entrepreneurship workshop. at kanilang mga trainor.


Ang sumunod na tinalakay ay ang paggawa ng business plan na ayon sa sangkap na inilahad ng tagapagturo. Mula sa 69 na OFW na lumahok, anim na grupo ang nabuo. Bawat isa ay binigyan ng pagkakataon na gumawa ng plano para sa negosyo, at pagkatapos ay magpaliwanag sa harap ng ibang kasapi kung tama ang kanilang ginawa.

Sa isinagawang patimpalak sa mga grupong sumali, lumabas na panalo ang grupo na “ Banana Q” brand dahil maràmi ang tama sa isinulat ng mga kasapi, bukod pa sa pagiging maka masa nito. Ayon sa mga hurado palatandaan ito na ang planong negosyo ay papatok at kikita.



Isa sa mga dumalo si Arlene Ayson na nagsabi na ang pananaw niya sa pera ay nabago ng finlit seminar na nauna niyang daluhan. “Hiwalay na agad ang para sa ipon bago gumastos”, payo niya Mula dito ay naisip niyang sumali sa talakayan tungkol sa pagnenegosyo dahil wala daw siyang ideya tungkol dito.

Si Anabelle Reputaso naman ay may mini grocery na daw at ang ina niya ang nangangasiwa dito. “Dumalo ako ngayon para malaman kung paano  ma expand ang negosyo ko” ani Reputaso.

Call now!

Malungkot na ibinahagi naman ni Virgie Argel na nawala ang lahat ng ipinasok niya sa CAP educational plan nang bigla itong nagsara. Mula noon ay takot na daw siyang mag invest.

Ang isang natutunan daw niya sa Card ay dapat na aksyunan ang mga ninanais na makamit.

Naranasan naman ni Juliet Bustillos ang magkaroon ng patong patong na utang dala ng pangangailangan, pero ngayon ay malinaw na sa kanya kung paano niya pagkakasyahin ang kanyang suweldo. Todo iwas sa utang na din siya.

Karamihan sa dumalo ay iisa ang mithiin, ang maging boss sa sariling negosyo kapag sila ay bumalik na sa Pilipinas.

Para sa susunod na libreng skills training, financial literacy workshop at entrepreneurship seminar, hanapin lang ang Facebook page ng Card Hong Kong Foundation.
==
I-try mo ito, Kabayan: Kung interesado kang ma-contact ang mga advertiser namin dito, pindutin lang ang kanilang ad, at lalabas ang auto-dialer. Pindutin ulit upang tumawag. Hindi na kailangang pindutin ang mga numero.

Don't Miss