Responsive Ad Slot

Maid FinderFind employer quickly!
Download the App!
Latest

Buhay Pinay

Features

People

Sports

Philippine News

Join us at Facebook!

Ano ang hatid ng Nobyembre

31 October 2018

ASO. Isinilang noong 1922/34/46/58/70/82/94/06
Makakagawa ka ng magagandang bagay, kasama ang mga kaibigan. Kung magbibiyahe, pag-aralang mabuti kung kakayanin mo ang gastos. Maswerte ka ngayon dahil matutupad ang gusto mo, pero mag-ingat na masira ang relasyon dahil lang sa pagbitaw ng maling salita. Dobleng ingat sa nagmamaneho o paggamit ng delikadong kasangkapan. Kung pipirma ng kontrata, ipagpaliban muna ito ng dalawang araw. Lucky numbers: 7, 19, 26 at 40.

BABOY. Isinilang noong 1923/35/47/59/71/83/95/07
Maging alerto, huwag magpaloko sa mga inaalok na pampapayat o gamit na magbibigay- swerte sa pag-ibig at pera. May mga itatanong sa iyo tungkol sa trabaho na hindi naman pagmumulan ng away, pero mapipikon ka. Subukang mas maging open o prangka sa pakikipag-usap sa mga kasamahan at bagay-bagay dahil sa totoo lang, hindi ka madaling pakisamahan. Lucky numbers: 19, 22, 33 at 46.

DAGA. Isinilang noong 1924/36/48/60/72/84/96/08
Hirap kang mag-isip at mag-focus ngayon. Gawin na lang muna ang mga bagay na nakaka-inip at paulit-ulit na trabaho dahil kabisado mo na ito. Nanaisin mong mag-iba na ng trabaho at gawin ang mga bagay na talagang gusto mo at magagamit ng husto ang iyong talento, pero tandaan na hindi lahat ng oras ay magagawa mo ang gusto mo. Susubukan mong balikan ang magandang alaala ng nakaraan; ibaon na ito sa limot, huwag hayaang maapektuhan pa nito ang iyong buhay. Lucky numbers: 17, 24, 31 at 41.

BAKA. Isinilang noong 1925/37/49/61/73/85/97/09
Masyado kang emosyonal, at nakakaramdam ng biglaang saya at at bigla ring malalim na kalungkutan kaya hindi ka makapag-isip ng maayos. Hindi mahirap ang sitwasyong ito, pero sa isang banda, hindi ka mababagot sa buhay. Maganda ang kalagayang pinansyal, at hindi inaasahang pera ang darating, kaya makakapag-enjoy ka ngayon. Lucky numbers: 9, 16, 37 at 42.

TIGRE Isinilang noong 1926/38/50/62/74/86 at 98/10
Matutukso kang sumubok na makipaglaro sa pag-ibig; huwag itong seryosohin dahil mabigat ang kapalit nito. Sa hirap ng ekonomiya sa ating bansa ngayon, mag-ingat ng husto na mabiktima pa ng mga manloloko at mandaraya. Takot at lungkot ang madarama sa pag-iisip tungkol sa kamatayan, sakit, kalungkutan at kabiguan; huwag hayaang sirain nito ang pananaw mo sa hinaharap. Lucky numbers: 15, 29, 30 at 44.

KUNEHO Isinilang noong 1927/39/51/63/75/87/99
Bantayan ang mga baraha mo. Mag-ingat sa mga taong itinuturing ka lang na kaibigan habang may pakinabang sa iyo. Maswerte ka sa panahong ito. Mahalagang bagay ang magaganap sa relasyon. Tapat kang magmahal at ipaglalaban mo ang iyong karapatan. Limitahin ang pangangailangan, kung hindi ay lagi ka na lang maghahabol para sa mga bagay na gusto mo, kaya hindi mo nae-enjoy ang ibang bahagi ng buhay. Lucky numbers: 11, 13, 26 at 45.

 DRAGON Isinilang noong 1928/40/52/64/76/88/00
Hindi ka gaanong masaya sa resulta ng isang mahalagang okasyon. Masyado kang umasa na maayos ang lahat pero atrasado ang maraming bagay. Mahalaga sa iyo ang relasyon, kaya samantalahin ito para masabi ang mga kahilingan o tapusin agad ang ugnayan kung hindi magkakasundo. Ang labis na tensyon at pag-aalala ang nagdudulot ng pananakit ng ulo, pagkahilo, lagnat at paninigas ng mukha at bibig. Lucky numbers: 3, 18, 26 at 40.

AHAS Isinilang noong 1929/41/53/65/77/89/01
Masaya ka sa mga araw na ito, may magandang sorpresa at maraming tawanan. May makikilala ka sa pamamasyal o pag-travel sa ibang bansa, na isang banyaga o taong nagbabalik- bayan. Makakaranas ng pagkapagod dahil sa kabiguan, mga gusto mong makamit at mga balakid, lalo na sa iyong trabaho. Sa trabaho, sports o ibang bagay, iwasan ang sobra, dahil sasakit ang iyong katawan. Lucky numbers: 16, 18, 24 at 41.

KABAYO. Isinilang noong 1930/42/54/66/78/90/02
Magiging maayos ang lahat para sa iyo. Susubukan mong baguhin ang estado sa lipunan at maging handa sa mga gastusin upang mas maging maayos ang kalagayan at maging ang panlabas na anyo ay kakitaan ng kasaganaan. Pero kailangan mo rin ng kontrol para maiwasan ang problema sa pera. Masaya ang relasyon ngayon dahil mababawasan ang tensyon. Lucky numbers: 5, 11, 19 at 32.

KAMBING. Isinilang noong 1919/31/43/55/67/79/91/03
Maganda ang pananaw mo sa lahat ng bagay, walang alalahanin o kalungkutan, at lahat ay parang madali at masaya. Subukang mapanatili ito upang maging positibo ka pa rin pagdating ng mga problema. Magkaiba kayo ng pag-iisip ng mga anak kaya may hindi pagkakasundo. Huwag ipilit ang gusto, palipasin na lang muna ito at maayos din ang lahat. Lucky numbers: 16, 17, 29 at 33.

UNGGOY. Isinilang noong 1920/32/44/56/68/80/92/04
May mga mainitang pagtatalo sa pamilya, na ikaiirita mo ng husto. Malaki ang tsansang tumibay pa ang pagsasama sa karelasyon. Pero huwag masyadong maging excited na mapapabuti ang materyal na kalagayan kapag nag-asawa ka na. Huwag magpadala sa pangarap; kung gusto mong matupad ito, kailangang harapin mo ang lahat ng pagsubok at gawin ang nararapat. Lucky numbers: 16, 22, 39 at 43.

TANDANG. Isinilang noong 1921/33/45/57/69/81/93/05
May mga positibong pangyayari sa trabaho at pribadong buhay. Makukuha mo ang lahat ng kailangan mong suporta at proteksyon, at ang gagampanan mong tungkulin ay magiging matagumpay. Ngayon ay mas bibigyan mo ng pansin ang pagkakaroon ng ispiritwal na unawaan. Kung gusto mong bawasan o iwasan ang paninigarilyo at pag-inom ng alak, magagawa mo ito ngayon. Kakayanin mo rin na mabawasan ang timbang sa dahil sa pagdi-diyeta. Lucky numbers: 5, 18, 25 at 38.

Don't Miss