Responsive Ad Slot

Maid FinderFind employer quickly!
Download the App!
Latest

Buhay Pinay

Features

People

Sports

Philippine News

Join us at Facebook!

Handa na sa panibagong pagsubok dahil sa Card

26 June 2019

Image may contain: 3 people, including Emz Bautista, people smiling, people standing, sky, tree, outdoor and nature
Si Nanette (gitna), kasama ang dalawang kapwa Card trainor

Ni George Manalansan

Ang mag-asawang dating kalahok lang sa seminar ng Card Hong Kong Foundation ay handa na ngayong isakatuparan ang kanilang mga natutunan tungkol sa tamang paghawak ng pera at pagpapalago ng kanilang kita.

Sa susunod na buwan ay uuwi na si Nanette, maybahay ni Val Bernabe, para alagaan ang kanilang tatlong anak na ang edad ay 9, 8 at 7 taong gulang, at pawang nag-aaral na.

Sila ang pangunahing dahilan kung bakit naisip ng mag-asawa na mag for good na si Nanette, at iatang kay Val ang pagpapanatili ng kanilang regular na kita.
Ngunit hindi ito nangangahulugan na maglalagi na lang sa bahay si Nanette, dahil balak niyang ituloy ang kanilang pangarap na magtayo ng boarding house at grocery sa kanilang lugar sa Roxas City sa Capiz.

Sa kanyang pag-uwi, baon ni Nanette ang lahat ng mga natutunan niya mula sa Card HK, mula sa tamang paghawak ng kanilang regular na kita, kabilang ang kaalaman tungkol sa pagkakaiba ng luho sa pangangailangan; hanggang sa tamang pangungutang kung kinakailangan.

Sumali din siya sa mga usapin tungkol sa pagnenegosyo at kung ano ang mga dapat niyang isaalang-alang kung maglalagak siya ng pera at umaasam ng tubo.
Ayon kay Nanette, naisip nila ni Val na magtayo ng boarding house dahil ang nabili nilang lupa mula sa kanilang kinita sa Hong Kong ay malapit sa isang kolehiyo, at alam niyang may ganitong pangangailangan ang mga mag-aaral doon.

Image may contain: 5 people, people smiling, people sitting and indoor
Sina Nanette at Val kasama ang kanilang 3 supling

Dahil doon din siya mismo titira ay mas madali na daw na bantayan ng sabay ang kanyang pamilya at kanilang negosyo.

Sa ngayon ang pangunahing pakay niya ay matututukan ang paglaki at pag-aaral ng mga anak. Sila naman daw talaga ang dahilan kaya pati si Val ay nagdesisyon na magtrabaho sa ibang bayan.

Nasa pagitan ng nag-uumpugang bato si Nanette dahil iiwan niya ang kanyang mahal na asawa sa Hong Kong, pero mas mahalaga daw sa kanilang mag-asawa na makakasama  na niya at mahuhubog sa tama ang kanilang tatlong anak.
May dalawang dekada nang OFW si Nanette, pero ang lahat ng kinita niya sa unang 10 taon niya sa Hong Kong, noong dalaga pa siya, ay ginugol niya sa pagpapaaral sa kanyang mga kapatid.

Ayon kay Nanette, magaan naman ang pasok ng pera sa kanya noon pero laging nadaan lang. Ang ibig sabihin, hindi siya nakapag-ipon ng para sa sarili.

Nang matapos ang mga obligasyon sa mga kapatid ay bumalik siya sa Pilipinas para mag-asawa, pero hindi naglaon ay nagdesisyong umalis muli. Nalugi daw kasi ang ipinundar nilang ihawan ni Val na noong una sana ay kumikita, pero bumagsak nang ipaubaya nila sa isang kamag-anak dahil nanganak siya.

Ngayon, sa tulong ng mga natutunan nilang mag-asawa sa Card, mas kumpiyansa sila na mapupunta sa tama ang mga perang inipon nila, at mas uunlad ang kanilang buhay-pamilya.
===
I-TRY MO ITO, KATRIBO!
Mas madali nang tawagan ang mga advertiser natin dito. Pindutin lang ang kanilang ad at lalabas ang automatic dialer. Isa pang pindot ay matatawagan mo ang advertiser na hindi na kailangang i-dial ang numero nila. I-try mo!

CALL US TODAY!

Don't Miss