Responsive Ad Slot

Latest

Sponsored

Features

Buhay Pinay

People

Sports

Philippine News

Join us at Facebook!

2 Pinay na nag-overstay, naligtas sa kulong

10 June 2022

 

Ang Shatin Court, kung saan nilitis ang kaso ng dalawang Pinay.

Dalawang Pilipinang nag-overstay ang nakaligtas sa kulong kanina dahil masyadong maiksi ang panahong inilagi nila nang ilegal sa Hong Kong. Ang isa ay ni hindi na rin kinasuhan.

Ang duminig sa parehong kaso ay si Acting Principal Magistrate David Cheung Chi-wai ng Shatin Magistracy.

PINDUTIN PARA SA DETALYE

Iniurong ng mga taga-usig ang kasong inihain laban kay J. Paine, 36, na nahuling overstay na nang 28 na araw noong May 11, kaya hindi na tinalakay sa korte ang mga akusasyon sa kanya.

Ayon sa record, dapat ay nakaalis na si Paine noon pang April 8, 2022 matapos materminate ang kanyang kontrata bilang domestic helper at nabigyan ng palugit upang maghanap ng panibagong amo.

Pindutin para sa detalye

Dahil sa pag-urong ng kaso, makakauwi si Paine sa Pilipinas na malinis ang record at pwedeng makabalik sa Hong Kong upang magtrabaho kung gugustuhin niya.

Si L. Ocampo naman ay naharang ng nagpapatrulyang pulis nito lang May 7 at inaresto nang itawag nila sa Immigration ang HKID number niya at malamang paso na ang kanyang visa noon pang April 7.

Dinala si Ocampo, 36, sa Immigration Department upang imbestigahan at sampahan ng kaso.

Nang iharap siya sa hukom kanina, inamin niya na nag-overstay siya nang isang buwan.

BAN ON FLIGHTS FROM THE PHILIPPINES LIFTED ON APRIL 1. BOOK YOUR FLIGHTS NOW! PRESS FOR DETAILS

Hiniling ng kanyang abugado sa huwes na magaang na parusa lamang ang ipataw sa kanya dahil malinis naman ang kanyang record.

Sa huli ay binigyan siya ng sentensiyang siyam na araw na kulong, na binawasan  ng 1/3 kaya naging anim na araw.

Pero hindi makukulong si Ocampo dahil ang ibinigay sa kanya ni Magistrate Cheung ay isang suspended sentence na tatagal ng 12 buwan. Ang kondisyon lamang ay huwag siyang magkakasala sa loob ng isang taon, kundi ay pagsisilbihan niya ang kanyang orihinal na sentensiya at ang parusa oara sa bago niyang kasalanan.

 

https://leade7.wixsite.com/thesunads/asiandragon
PADALA NA!

Don't Miss