The SUN HK : Na terminate dahil sa panay pink na gamit, pulang mukha

The SUN

Ayon sa amo, mukhang hindi marunong magtrabaho si Gigi dahil panay pink ang dalang gamit

Ganoon na lang ang sama ng loob ni Gigi nang pagkatapos niyang maghintay ng ilang buwan bago makarating sa Hong Kong ay ora-orada siyang tinerminate ng kanyang amo sa mismong araw nang pagdating niya sa bahay nito noong May 19.

Ngayon, kahit may nakuha na siyang kapalit na employer ay hindi na siya pinayagan ng Immigration na manatili pa ng Hong Kong dahil diumano ay natapos na ang unang 14 araw na palugit para makapasa siya ng bagong kontrata.

Nakatakda na siyang bumalik sa Pilipinas sa Huwebes.

PINDUTIN PARA SA DETALYE

At bakit daw siya tinanggihan agad ng kanyang amo na gumastos din ng malaking halaga para mapapunta siya dito, kabilang na ang bayad para sa kanyang quarantine hotel?

“Ang sabi po, dahil red ang mukha ko! At dahil pink ang damit ko, pink backpack, pati luggage ko pink. Ang sabi daw parang hindi ko alam magtrabaho,” ang sabi ni Gigi.

“Paano nila nalaman e hanggang sa lobby lang naman ako, ni hindi man lang ako nakapasok sa bahay nila?”

PRESS FOR DETAILS!

Binayaran naman daw siya ng isang buwang suweldo at nagbigay ng plane ticket pauwi sa Pilipinas.

Pero hindi ito sapat para mawala ang sama ng loob ni Gigi na may isang anak. Unang una, dahil nabaon siya sa utang kaya pati ang bahay niya sa Abra na naipundar niya mula sa pagtrabaho sa ibang bansa dati ay naisanla niya para may panggastos sa pagpunta niya sa Hong Kong.

“Nakasangla ang bahay ko dahil sa pangungutang ko ng 5/6. Hindi ko naman akalain na ganito lang pala kadali na i-terminate ako at papauwiin agad.”

BAN ON FLIGHTS FROM THE PHILIPPINES LIFTED ON APRIL 1. BOOK YOUR FLIGHTS NOW! PRESS FOR DETAILS

Hindi naman agad sumuko si Gigi. Kasama ang bagong amo na pumirma sa kanya ay nagpunta siya sa Immigration kahapon, Lunes, para makiusap na huwag na muna siyang pauwiin para makapagtrabaho na agad, pero bigo sila.

“Nakausap naming ang mga taga Immigration, at ang sabi nila dapat bago natapos ang 14 days ay may naipasok na akong kontrata, hindi ngayong extension na 7 days,” sabi niya.

“Nakiusap kami pero ang sabi nila, huli na.”

PINDUTIN PARA SA DETALYE!

Ang pinapanalangin niya na lang daw ngayon ay makabalik sanay siya sa Hong Kong pagkatapos ng isang buwan para makapagtrabaho na at makapagbayad ng utang. Natatakot daw kasi siyang lumobo pang lalo ito.

Unang lumapit si Gigi sa The SUN sa pamamagitan ng messenger noong Mar 17 para makibalita kung kailan matatanggal ang flight ban ng Hong Kong sa Pilipinas.

Oktubre pa lang daw noong nakaraang taon ay inakala niyang makakaalis na siya patungong Hong Kong pero nabigo siya, hanggang muling na ban ang mga biyahe mula sa Pilipinas noong Jan. 8 dahil sa biglang pagkalat ng Omicron.

Ayon sa kanya, ang inutang niyang Php50,000 ay dumoble na dahil sa laki ng ipinataw na interes. “Kailan po kaya mag-oopen ang Hong Kong? Sobrang stress na at nakakaloka na,” himutok nya. Baka daw ang buong bahay niya ay maibenta na niya para lang may maipambayad sa mga nautang niya sa pag aaplay sa Hong Kong.

Pagkatapos ng paulit-ulit pang aberya, kabilang ang pagsasabi ng kanyang agency noong una na mga residente lang muna ang papasukin sa Hong Kong simula noong Apr 1 ay parang nabunutan ng tinik si Gigi nang sabihan siyang makakalipad na siya paalis ng Pilipinas noong nakaraang buwan.

Ang hindi niya akalain, pagkatapos ng mahaba niyang paghihintay para makalipad ng Hong Kong ay mas matagal pa ang ilalagi niya sa quarantine hotel kaysa sa bahay ng kanyang daratnang amo.