The SUN HK : Pilipinang nagbakasyon, nabawi ang maleta 9 na araw matapos mawala

09 January 2023

Ni Daisy CL Mandap

Ang nawawalang bag ni J Palomar ay nakita 9 na araw matapos siyang dumating sa HK

Sirang sira ang bagong taon ni J Palomar dahil hindi dumating sa Hong Kong kasabay niya ang maleta niyang isinakay sa eroplano ng Cebu Pacific mula pa sa Iloilo noong Dec. 31.

Agad niya itong nireklamo sa Hong Kong International Airport pagdating pero hindi agad nalaman kung ano ang nangyari sa kanyang maleta.

BUY NOW PRESS HERE

Nitong January 6 ay humingi na siya ng tulong sa The SUN dahil lagi na lang daw sa “live chat” ng Cebu Pacific sa internet siya pumapasok tuwing magtangka siyang magtanong tungkol sa nawawala niyang bagahe, at “wala naman daw silang magagawa,” sabi niya.

“Ano po kaya ang gagawin ko?”, daing niya. “Stressed na stressed po ako sa mga gamit ko sa bagahe ko.”

PINDUTIN PARA SA DETALYE

Mga personal na gamit daw ang karamihan sa laman ng maleta niya. “Hindi naman kamahalan pero nanghihinayang pa rin ako,” dagdag niya.

Isang linggo din daw siyang hindi makatulog nang maayos dahil tuwing may gusto siyang gamitin at maalala niyang nasa maleta niya iyon ay napapaiyak siya dahil naiisip niyang madami na naman siyang kailangang bilhin ulit.

Ang mas ikinasasama niya ng loob ay ni wala man lang daw taga Cebu Pacific ang agarang sumagot sa kanya gayong isang linggo mahigit nang nawawala ang gamit niya.

Agad namang isinulat ng The SUN sa Cebu Pacific ang tungkol sa reklamo niya, at pinayuhan siyang pumunta sa assistance to nationals section ng Konsulado para din magpatulong. Ayon kay Palomar, agad din daw nag email ang Konsulado sa airline para I follow-up yung kaso niya.

BOOK YOUR FLIGHTS NOW! PRESS FOR DETAILS

Kanina, pagkatapos ng siyam na araw na puno siya ng agam-agam, ay nakatanggap rin sa wakas si Palomar ng sagot mula sa Cebu Pacific, na may kalakip na litrato ng nawaglit niyang bagahe.

Sabi sa kanilang email: “We found one tagoff baggage in Manila possible belongs to you (sic). Please refer to photo below for your reference.”

HOW TO AVAIL? PRESS HERE

“Please inform us if confirm this bag belongs to you and we would inform Manila send to Hong Kong.”

Walang paumanhin na kalakip ang mensahe, at lalong walang alok na bayaran siya sa aberyang idinulot ng pagkawala ng kanyang bagahe, hindi katulad sa ibang kumpanya na agad na humihingi ng dispensa sa ganitong mga sitwasyon.

PINDUTIN PARA SA DETALYE

Napag-isip tuloy si Palomar na manghingi ng danyos sa airline lalo na nang may mabasa siya na kapag lumampas sa 24 oras na di naibabalik ang bagahe ay dapat siyang bayaran.

Pero sa ngayon, ang mahalaga sa kanya ay maibabalik na ang kanyang nawaglit na maleta.