Responsive Ad Slot

Latest

Sponsored

Features

Buhay Pinay

People

Sports

Philippine News

Join us at Facebook!

Filcom leader, muntik mabiktima ng off-loading sa NAIA

13 March 2023

By Daisy CL Mandap

Si Selomenio (kanan) bago umalis ng HK: Isang oras siyang na-hold sa NAIA pabalik

Usap-usapan ngayon sa social media ang madalas na pag “offload,” o pagpigil sa pagsakay sa eroplano ng mga Pilipinong paalis papunta sa ibang bansa, ng mga opisyal ng Immigration Department na nakatalaga sa mga airport sa Pilipinas.

Mas umugong ang usapin nang lumabas sa mga balita nitong March 11 ang tungkol sa karanasan ng isang freelance writer na hindi nakasakay sa eroplano papunta ng Israel noong Disyembre sa dami ng tinanong sa kanya ng immigration officer sa Ninoy Aquino International Airport.

Ayon sa pasahero, tinanong pa siya ng taga immigration kung may dala siyang yearbook para patunayan na nagtapos siya sa kolehiyo.

PINDUTIN PARA SA DETALYE!

Muntik na ring nangyari ito kamakailan kay Leo Selomenio, chairman ng Global Alliance Hong Kong at tauhan sa isang employment agency.

Ayon sa Facebook post ni Selomenio, na dating domestic helper, na hold siya sa Immigration ng mahigit isang oras dahil sa akusasyon na peke ang hawak niyang Hong Kong ID card. Tinanong pa daw kung saan niya ito pinagawa.

“Sabi ko, pag naiwan ako ng flight ko alam mo ang consequence ng ginagawa mo? You are holding me for no reason,” sabi pa niya.

Press caption for details
PINDUTIN PARA SA DETALYE

Ang dami daw hinanap sa kanya samantalang siya naman ay tinitingnan ang oras.

“Sabi ko, nakapunta ka na ba ng Hong Kong para alam mo na peke yong dokumentong hawak ko.”

Sa inis daw niya ay tinanong na niya kung magkano ba ang dapat niyang bayaran para payagan siyang umalis. Bandang huli ay binigay din sa kanya ang kanyang pasaporte at sinabihan na ayusin niya ang kanyang mga dokumento pagdating niya sa Hong Kong.

“Sinagot ko, maayos ang papel ko, ikaw etong hindi maayos,” dagdag ni Selomenio.

Mga pasaherong paalis sa NAIA matapos dumaan sa Immigration

Ang offloading ay ginagawa ng mga ahente ng Immigration sa Pilipinas kapag may duda sila na ang pasahero ay sangkot, o masasangkot, sa human trafficking. Kabilang dito ang may balak na magtrabaho ng walang papeles o kaukulang proteksyon sa bansang pupuntahan nila.

Unang unang pinagdududahan ay ang mga single na walang trabaho na babalikan sa Pilipinas, o yung malinaw na titirahan sa Hong Kong. Maari silang hingan ng patunay ng kanilang trabaho o mga papeles na magpapakita kung mayroon silang sapat na perang ipantutustos sa kanilang bakasyon.

Pero ang pinaka mahalaga ay yung air ticket na may petsa ng pagbalik sa Pilipinas, at patunay ng kung saan tutuloy sa Hong Kong, katulad ng hotel booking o affidavit of support ng kaanak o kaibigan na tutuluyan.

PINDUTIN PARA SA DETALYE

Sa isang interview kamakailan, sinabi ni Consul Paulo Saret, pinuno ng Assistance to Nationals section ng Konsulado, na mas maigi na kumuha ng ganitong affidavit ang mga Pilipino na sasagot sa pagbibiyahe ng kanilang mga kaanak sa Hong Kong, para makasiguro.

Ito ay matapos maglabasan sa social media ang kuwento ng mga kapamilya ng mga migranteng manggagawa na hindi pinayagang makaalis sa Pilipinas, kahit pa may dala-dala silang sulat mula sa employer ng kaanak.

Kung dati ay maari nang gawing patunay ang ganitong letter of support mula sa employer ng migrante, ngayon ay mas malamang kaysa hindi na tatanggapin ito dahil ang affidavit ang talagang hinihingi sa airport.

BOOK YOUR FLIGHTS NOW! PRESS FOR DETAILS

Dahil sa napapabalitang paghihigpit sa mga patakaran para sa mga paalis, hindi maiwasan ng marami sa mga nakatakdang bumiyahe sa Hong Kong ang mangamba na ma offload sila.

Marami sa mga online seller ang nagtatanong sa mga chat forum kung kailangan ba talaga silang  magpakita na rehistrado ang kanilang negosyo, at nagbabayad ng tamang buwis.

Ang iba naman ay may dala-dalang patunay na may sapat silang ipon sa bangko, at iba pang papeles na nagpapakita na kaya nilang gastusan ang kanilang biyahe.

Pindutin para sa detalye!

Pero mayroon ding kakaiba ang pangamba, katulad ni Claire na aminadong nagpunta siya sa Dubai noong 2016 at nanatili doon ng anim na buwan dahil talagang naghanap siya ng trabaho, kaya lang ay hindi pinalad.

Ngayon ay may asawa na siya at isang anak, at negosyong sapat ang kita. Kayang kaya na nilang magliwaliw gamit ang perang kinita sa Pilipinas kung tutuusin.

Sa kabila nito, hindi pa rin maalis-alis sa isip ni Claire na baka pigilang umalis ang kanyang pamilya, at masira ang matagal na niyang inaasam na  makabiyahe sila at magsaya.

Sa bandang huli kasi, tunay na napakalaki ng kapangyarihan ng mga opisyal ng Immigration na payagan o pigilan sa paglabas ng siyudad ang mga Pilipino, kabilang ang ilan na ang tanging pangarap ay makapasyal at magliwaliw sa ibang bansa.

 

https://leade7.wixsite.com/thesunads/asiandragon
PADALA NA!

Don't Miss