The SUN HK : $1 na ang plastic bag sa Dec 31

21 December 2022

Ang plastic bag para sa takeout ay hindi kabilang sa papatawan ng $1 na singil (RTHK photo)

Dodoblehin na sa $1 ang halaga ng bawat plastic bag na hihingin ng mga mamimili sa mga palengke at supermarket simula sa katapusan ng Disyembre.

Pero bibigyan ng hanggang isang buwan ang mga malaking supermarket katulad ng ParknShop at Wellcome para ito ganap na maipatupad. Bibigyan lang muna ng babala ang sinumang lalabag, pero pagkatapos ng takdang panahon ay maghihigpit na ang pamahalaan sa pagpapatupad.

PINDUTIN PARA SA DETALYE

Para masiguro ang pagsunod sa batas, magpapanggap na mamimili ang ilang mga tauhan ng pamahalaan sa loob ng tatlong buwan para malaya nilang maobserbahan at mahuli ang mga pasaway.

Sa una ay babala lang muna at payo ang ibibigay daw sa mga lalabag, katulad ng dapat na ilayo nila ang mga plastic bag sa mga self-checkout na lugar para hindi sila basta-basta makukuha ng mga mamimili.

PINDUTIN PARA SA DETALYE

Inamyenda ng Legislative Council ang dating batas na nagpapataw ng 50 cents, at dinoble ang halaga, para mas maging mahirap sa mga mamimili ang makakuha ng plastic bag. Layon ng batas na mabawasan ang malawakang paggamit ng plastic sa Hong Kong, na malaki ang naidudulot na pinsala sa kalikasan.

Sa ilalim ng bagong kautusan, babayaran na ang plastic bag na hihingin para sa mga frozen o pinalamig na pagkain katulad ng karne.

PINDUTIN PARA SA DETALYE

Pero mananatiling libre ang plastic bag na gagamitin para sa mga pagkain na pang takeaway o yung mga walang sariling balot, katulad ng mga prutas o gulay.

Papayagan din ang mga supermarket na ipagpatuloy ang pamimigay ng plastic bag para sa kanilang mga tindang karne at iba pang mga pagkain na walang balot pero inaasahan na isang plastic bag lang bawat katao ang kanilang ipamimigay.

BOOK YOUR FLIGHTS NOW! PRESS FOR DETAILS

Ang sinumang mahuling lalabag sa bagong batas ay maaring pagmultahin ng hanggang $2,000 sa unang kaso, pero maaaring tumaas ito ng hanggang $200,000 sa mga paulit-ulit na paglabag.

Ayon sa awtoridad, maari din nilang kasuhan ang mga mahuhuling lumabag sa batas ng ilang beses sa loob ng isang buwang palugit.

Ang perang makokolekta sa mga tindahan ay mapupunta din sa kanila. Sana nga lang daw ay gagamitin nila ito na pantulong sa pangangalaga ng kalikasan.

BASAHIN ANG DETALYE

Ayon sa balita, lumabas sa isang pag-aaral ng grupong NGO Greeners Action na sa mga supermarket pa lang ay umaabot na sa mahigit 170 million na plastic bags ang naipapamahagi sa mga mamimili.

Ayon naman sa gobyerno, 21 porsyento ng lahat ng basurang nakolekta sa mga tambakan noong 2020, o 2,312 tonelada, ay galing sa mga itinapong plastic.

Inaabot ng ilang daan, o libong taon, bago tuluyang malusaw ang plastic, kaya hinihigpitan ng lahat ng gobyerno sa buong mundo ang paggamit nito.