The SUN HK : Chinese Horoscope

Latest

Showing posts with label Chinese Horoscope. Show all posts

Showing posts with label Chinese Horoscope. Show all posts

For the period June 15-30

Posted on 14 June 2019 No comments

BABOY. Isinilang noong 1923/35/47/59/71/83/95
Napapanahon ang romantikong pagtatagpo, pag-iibigan at pagiging malumanay. Makakaranas ng masasayang sandali sa piling ng minamahal. Makakaramdam ng pananakit ng tiyan, pero madali rin itong mawawala. Maganda ang resulta sa trabaho. Maswerte ka sa pera ngayon, kaya maso-sorpresa ang pamilya kung bibili ka ng bagong bahay at mamuhay ng mas maayos. Lucky numbers: 17, 20, 28 at 40.

DAGA. Isinilang noong 1924/36/48/60/72/84/96
Masaya ang lovelife ngayon, magkasundo kayo ng karelasyon o makakatagpo ka ng taong mamahalin mo. Sa trabaho, tagumpay na matatapos ang bagay na sinimulan mo. Protektahan ang katawan sa lamig at bawasan ang pagkain upang makaiwas sa sakit. Bawasan ang pagiging istrikto sa anak. May kaunting swerte kaya subukang tumaya sa lotto. Lucky numbers: 11, 19, 30 at 41.

BAKA. Isinilang noong 1925/37/49/61/73/85/97
Dahil sa labis na pag-iisip, negatibong bagay ang pumapasok sa utak mo. Napapanahon ang pagpapaayos ng bahay. Iwasan ang pag-iilusyon sa taong matagal mo nang gusto. Huwag umasa sa intuisyon ngayon; gamitin ang sentido kumon upang maiwasang magkamali. Kung maysakit, ipahinga ng husto ang katawan at isip. Lucky numbers: 9, 12, 37 at 41.

TIGRE Isinilang noong 1926/38/50/62/74/86 at 98
Mahihilig ka sa pilosopya at relihiyon ngayon. Sari-saring emosyon ang mararanasan: magandang pagkikita, mga salitang puno ng emosyon o pakikipag-laro sa pag-ibig. Ang enerhiya ay lalakas at magagamit mo ng husto. Maiinip ka sa trabaho na tila walang asenso. Kumalma at magtiyagang maghintay ng tamang oras para gawin ang gusto mo. Lucky numbers: 16, 22, 31 at 45.

KUNEHO Isinilang noong 1927/39/51/63/75/87
Promosyon sa trabaho ang maari mong makamit ngayon. Sa pag-ibig, malaki ang tsansa mo, pero huwag mong madaliin ang lahat. Huwag gaanong umasa sa mga kaibigan tungkol sa problema sa pera. Magiging abala ka dahil sa dumaraming mga kakilala. Huwag mag-atubiling sumubok at gumawa ng mga bagong bagay. Lucky numbers: 7, 11, 16 at 23.

DRAGON Isinilang noong 1928/40/52/64/76/88
May sapat kang lakas at pagnanasa upang tapusin ang dapat mong gawin. Iwasan ang mga relasyon na mag-aaksaya lang ng iyong oras. Ang pag-ibig ay lalong titingkad. Masaya rin ang tahanan mo ngayon. Pero magkakaroon ng pangangati sa balat. Mag-ingat na mawalan ng malaking halaga ng dahil sa transaksyong hindi pinag-isipan. Lucky numbers: 9, 15, 25 at 40.

AHAS Isinilang noong 1929/41/53/65/77/89
Sa trabaho, mahaharap sa mahirap at hindi inaasahang sitwasyon. May tensiyon sa dating mga kaibigan pero masaya ka sa mga bagong kakilala. Magtiwala sa sarili, huwag ipag-alala ang mga bagay na pwedeng hindi naman mangyayari. Oras na upang kontrolin ang mga gastusin. Magkakaroon ng problema sa atay at tiyan kaya iwasan ang maaanghang napagkain, sigarilyo at alak. Lucky numbers: 20, 21, 27 at 39.

KABAYO. Isinilang noong 1930/42/54/66/78/90
Ang tensiyon sa pagsasama ay unti-unting mawawala. Magiging masaya ka pero makakaramdam ng labis na pagod. May kakayahan kang mabaligtad ang kasalukuyang sitwasyon. Hindi ka kapos sa kakayahan, importanteng maipakita mo ang kaya mong gawin. Kung maganda ang takbo ng trabaho o negosyo, tigilan na ang ibang bagay na nahihirapan kang gawin. Lucky numbers: 16, 24, 25, at 38.

KAMBING. Isinilang noong 1919/31/43/55/67/79 at 91
Labis na pagod, negatibong pag-iisip o masakit na panaginip ang maaring pagdaanan. Makakaasa ka ng tulong sa trabaho sa mga dati at bagong kaibigan. Subukang dagdagan ang tiwala sa asawa. Sakit sa atay ang dadanasin mo kung hindi mo kokontrolin ang dami ng kinakain mo. Kung may problema sa pera, huwag nang mag-alala dahil mababago na ang sitwasyon mo. Lucky numbers: 13, 14, 36 at 44.

UNGGOY. Isinilang noong 1920/32/44/56/68/80/92
Magiging magana kang kumain ngayon. Ang hilig sa pagkain ay katumbas din ng hilig mo sa masarap na buhay. Huwag ipilit ang mga mga bagay na mahirap gawin; makuntento sa maliliit na bagay pero madaling gawin. Maging mapagmatyag at umiwas muna sa malalakingtransaksyon. Makakasira sa pribadong buhay ang pagkilos mong hindi pinag-isipang mabuti. Lucky numbers: 19, 26, 29 at 32.

TANDANG Isinilang noong 1921/33/45/57/69/81/93
Naaapektuhan ang kilos mo dahil nahihirapan ka sa trabaho. Iwasang maapektuhan ang pamilya ng dahil sa problema mo. Piliing tapusin muna ang madadaling trabaho upang mapaghandaan ang malaking proyektong matagal monang inaasam, pero hindi ito ikatutuwa ng iba. Lucky numbers: 2, 5, 11 at 14.

ASO. Isinilang noong 1922/34/46/58/70/82/94
Nasa rurok ka ng sigla at malinaw na pag-iisip. Mag-ingat sa bibitawang salita sa mga magulang. Maganda ang takbo ng trabaho ngayon. Ang problema sa love life ay malulutas na kaya muling aaliwalas ang iyong paligid. Bantayan ang iyong pananalapi. Magi-enjoy ka ulit sa piling ng mga kaibigan. Lucky numbers: 17, 22, 28 at 41.

===

I-TRY MO ITO, KATRIBO!

Mas madali nang tawagan ang mga advertiser natin dito. Pindutin lang ang kanilang ad at lalabas ang automatic dialer. Isa pang pindot ay matatawagan mo ang advertiser na hindi na kailangang i-dial ang numero nila. I-try mo!

View details...

For the period May 16-31

Posted on 16 May 2019 No comments

BABOY. Isinilang noong 1923/35/47/59/71/83/95
Panahon na para magising ka sa katotohanan na nagkamali ka ng minamahal. Hindi pa huli ang lahat upang makipagkasira ka sa kanya kaysa habang panahon kang lumuha at magdusa. Tangerine ang masuwerteng kulay. Mapalad na numero: 4, 15, 24, 32, 41,44

DAGA. Isinilang noong 1924/36/48/60/72/84/96
Di mailarawan ang galak na madarama mo sa araw na ito. Bagamat masalimuot ang pinagdaanang hirap, ngayoy ginhawa naman ang kapalit. Purihi’t pasalamatan ang Poong Maykapal na siyang nagbibigay ng biyaya sa taong kinalugdan niya. Kahel ang masuwerteng kulay. Masuwerteng numero: 1, 10, 13, 22, 37, 41.

Press ad to find out 5 selected agent
locations, and terms of this promo.

BAKA. Isinilang noong 1925/37/49/61/73/85/97
Muling babalik sa alaala ang nagdaang pag-ibig na naudlot dahil sa paglayo ng minamahal. Hindi ka mapapakali, kaya pilit mo siyang hahanapin. Hindi pa panahon para makita mo siya. Nguni’t huwag mag-alala dahil muli siyang ibabalik sa iyo ng tadhana. Dilaw ang masuwerteng kulay. Mapalad na numero: 1, 10, 19, 37, 46, 48.

TIGRE Isinilang noong 1926/38/50/62/74/86 at 98
Matindi ang pagsubok sa buhay mo pero kayang-kaya mo iyang malagpasan sa tulong ng Maykapal. Ipagpatuloy ang pagganap ng mga gawaing kalugod-lugod sa Diyos. Sosorpresahin ka ng tadhana. Malaking gantimpala ang paparating na sa iyo. Dark blue ang masuwerteng kulay. Mapalad na numero: 16, 20, 22, 34, 43, 47.

PRESS FOR MORE SPECIAL OFFERS!

KUNEHO Isinilang noong 1927/39/51/63/75/87
Kakampi mo ang langit, bituin at araw kaya mabilis mong maiaayos ang nilalakad mong mga papeles. Matatanggap ka sa trabaho at magiging aliwalas na ang buhay mo. Pula ang masuwerteng kulay. Mapalad na numero: 9, 18, 27, 36, 45, 48.

DRAGON Isinilang noong 1928/40/52/64/76/88
Maganda ang ipinahihiwatig ng araw na ito. Iwasan ang panlalata at kawalang sigla upang masagap ang grasya. Ayusin ang bakuran, maglagay ng mga sariwang halaman sa harapan ng bahay upan tuluyan nang suwertihin. Charcoal gray ang masuwerteng kulay. Mapalad na numero: 14, 23, 32, 41, 46.

AHAS Isinilang noong 1929/41/53/65/77/89
Huwag padalos-dalos sa pagpapasiya. Isa na namang problema ang mangangailangan ng masusing pag-aaral bago masolusyonan. Patulong ka sa kaibigang unggoy upang magaan mong malutas ang mga suliranin. Violet ang masuwerteng kulay. Mapalad na numero: 4, 13, 22, 28, 37, 48.

KABAYO. Isinilang noong 1930/42/54/66/78/90
Maiinip ka sa takbo ng pangyayari sa araw na ito. Huwag magmadali. Kung talagang ukol sa iyo ang isang bagay, kahit hindi mo hintayin kusang darating. Lavender ang masuwerteng kulay. Mapalad na numero: 12, 21, 24, 33, 45, 48.

KAMBING. Isinilang noong 1919/31/43/55/67/79 at 91
Mapapanaginipan mo na naman ang dati mong kasintahan. Hanggang ngayon, di pa rin siya mabura sa iyong alaala. May posibilidad na mag-krus ang inyong landas sa araw na ito. Kagalakan ang madarama sa halip na pagkamuhi. Gold ang masuwerteng kulay. Mapalad na numero: 5, 10, 19, 32, 41, 49.

UNGGOY. Isinilang noong 1920/32/44/56/68/80/92
Di inaasahang kaibigan ang dadalaw sa iyo sa araw na ito. Magugulat ka sa ugali niya, hindi na siya mahiyain, at sa halip ay sobrang palabiro na siya ngayon at malambing. Babalik and alaala ng kahapon. Umiwas upang hindi mahulog sa kanyang bitag. Navy blue ang masuwerteng kulay. Mapalad na numero: 6, 21, 24, 33, 42, 43.

TANDANG Isinilang noong 1921/33/45/57/69/81/93
Isang imbitasyon ang matatanggap mo sa araw na ito na hindi mo mapapahindian. Kaligayahan ang idudulot nito sa iyo sa umpisa, subalit kalungkutan naman pag nagtagal ka pa at hindi umuwi ng maaga. Ibayong pag-iingat ang dapat gawin. Dark red ang masuwerteng kulay. Mapalad na numero: 9, 18, 27, 33, 42, 45.

ASO. Isinilang noong 1922/34/46/58/70/82/94
Idistansya mo ang sarili mo sa iyong kasuyo. Sa pagiging masyadong malapit mo sa kanya, baka ikaw ang madehado. Bandang huli alalahanin mo ang kasabihang “tuso man ang matsing, napaglalangan din.” Old rose ang masuwerteng kulay. Mapalad na numero: 4, 13, 22, 31, 40, 45.

===

I-TRY MO ITO, KATRIBO!

Mas madali nang tawagan ang mga advertiser natin dito. Pindutin lang ang kanilang ad at lalabas ang automatic dialer. Isa pang pindot ay matatawagan mo ang advertiser na hindi na kailangang i-dial ang numero nila. I-try mo!

View details...

Ang iyong kapalaran

Posted on 18 April 2019 No comments

BABOY. Isinilang noong 1923/35/47/59/71/83/95
Umiwas sa softdrink at chewing gum, at kumain ng dahan-dahan upang maiwasan ang kabag at pagdighay. Tutulungan ka ng kapalaran na maiangat ang iyong kalagayan sa trabaho dahil magkakaroon ka ng sapat na tapang at tatag na makapagsalita ng maayos at may awtoridad. May tsansa ka ngayon na alisin ang mga negatibong ideya na nakakasagabal na maipakita ang totoong personalidad mo. Lucky numbers: 17, 22, 34 at 38.

DAGA. Isinilang noong 1924/36/48/60/72/84/96
Hihina ang resistensya mo dahil sa tensyong nararanasan. Posibleng dapuan ng trangkaso o lagnat, pero walang dapat ipag-alala. May magandang pagkakataon na dadating sa iyo; huwag itong pakawalan. Maging matapang na harapin ang katotohanan at huwag magpadala sa ilusyon, lalo na sa problema sa tahanan. Lucky numbers: 7, 19, 33 at 40.

BAKA. Isinilang noong 1925/37/49/61/73/85/97
Lalabas ang mga negatibong ugali mo sa panahong ito. Kung wala kang ganang magtrabaho, o makipagsaya sa mga kaibigan at negatibo ang mga naiisip, kailangang kumilos ka agad upang labanan ito dahil baka ka magka-nervous breakdown. Ang mga nararamdamang sakit ay maaring nasa isip lang dahil maayos naman ang lagay ng kalusugan mo. Hanapin ang katahimikan ng loob, at magiging maayos din ang lahat. Lucky numbers: 11, 16, 25 at 41. .

TIGRE Isinilang noong 1926/38/50/62/74/86 at 98
Ang paligid mo ay nakakadagdag sa pagka-irita at nerbiyos na nararamdaman, lalo na kung sa bahay nagta-trabaho, dahil mahaharap sa sunud-sunod na hindi magandang sorpresa. Hindi naman maaapektuhan ang sentimental na buhay dahil maalab pa rin ang ang pagmamahal mo. Mag-ingat sa mga manloloko, lalo na sa mga nagkukumpuni sa bahay. Lucky numbers: 24, 25, 37 at 43.

KUNEHO Isinilang noong 1927/39/51/63/75/87
Magkakaroon ka ng malakas na atraksyon sa isang tao, pero mangingimi kang lapitan ito dahil natatakot kang maisnab; maging matapang, kausapin mo ito. Maganda ang kalusugan mo ngayon. Planuhing mabuti ang mga gagawin upang mabawasan ang pagod. Huwag aksayahin ang oras sa mga pambihirang ideya, at iwasang mag-invest sa mga delikadong negosyo. Lucky numbers: 3, 17, 33 at 44.

DRAGON Isinilang noong 1928/40/52/64/76/88
Kung may mga anak, mas magiging malapit ka sa kanila ngayon, at makukuha mo ang tiwala nila na magsabi ng kanilang mga problema. Magkakaroon ng pagbabago sa love life, magkakaroon ng mga problema, o magtatapat ng saloobin o magpahayag ng plano ng pagpapakasal. Masisira ang ilan mong paniniwala, pero magdudulot ito ng tapang para ma-enjoy ng husto ang iyong buhay. Lucky numbers: 13, 15, 29 at 39.

AHAS Isinilang noong 1929/41/53/65/77/89
Maikli ang iyong pasensya, kaya mas gusto mo pang kanselahin ang mga plano kung hindi agad ito matutuloy. Iwasang mapagod ng husto sa trabaho dahil manghihina ng husto ang katawan. May hiwalayang magaganap at malulungkot ka ng labis, pero kung hindi na talagang magkakasundo, mas mabuti pang maghiwalay ng landas. Lucky numbers: 13, 16, 29 at 31.

KABAYO. Isinilang noong 1930/42/54/66/78/90
Marami sa inyo ang magkakaroon ng magandang pagbabago sa buhay. Determinado kang huwag gawin ang imposibleng mga plano upang manatiling nakatapak ang paa sa lupa. Dahil sa kumpiyansa sa sarili, mas magiging matagumpay din ang love life. Ang pagpupundar ng ari-arian ay hindi lang dahil sa tsansa, dahil baka marami pang problemang pagdadaanan. Mag-ingat sa pakikipag-transaksyon. Lucky numbers: 9, 26, 32 at 45.

KAMBING. Isinilang noong 1919/31/43/55/67/79 at 91
Maaari kang maakit sa isang taong ibang-iba sa ugali mo, at alam mong hindi nababagay sa iyo. Mahihirapan kang labanan ang nararamdaman. Hindi ka mapakali dahil sanay ka na marami ang ginagawa, na agad ay gusto mong tapusin. Ang problema sa pamilya ay kailangang masolusyunan agad upang maihanda ang sarili sa iba pang problemang darating. Lucky numbers: 16, 18, 27 at 42.

UNGGOY. Isinilang noong 1920/32/44/56/68/80/92
Masigla at mae-enjoy mo ang kalagayan mo ngayon. Pero hindi ka nakakasiguro kung tama ang mga desisyon mo dahil sobra kang kampante. May tsansa kang makilala sa iyong trabaho ngayon, pero baka maging balakid ito upang mas maipakita ang totoong husay mo kapag lumaki ang ulo mo. Ang maganda mong sense of humor ay magiging daan upang makakilala ng mga taong makakasundo mo. Lucky numbers:4, 19, 25 at 40.

TANDANG Isinilang noong 1921/33/45/57/69/81/93
Magtiwala sa kakayahan mo, at makakaasa ka rin sa tulong ng mga kaibigan kung kailangan mo. Sa kabila ng ginagawa mo, nag-aalala ka sa problema sa pamilya, na maaring bumalik ulit. Harapin ito ng buong tapang upang tuluyan nang matapos ang problema. Hindi matatag ang relasyon dahil sa mga away at kulang sa katapatan. Hindi ka pa rin sigurado, at patuloy na naghahanap ng gusto mo. Lucky numbers: 9, 13, 17 at 44.

ASO. Isinilang noong 1922/34/46/58/70/82/94
Marami ang nangangamba sa kalagayan sa trabaho o mapilitang magbitiw dahil sa problema sa kalusugan. Maraming gumugulo sa isip mo ngayon kaya hindi ka makapagdesisyon ng maayos. Kung may ibibigay na trabaho sa ibang tao, huwag magtiwala agad, alamin kung ano ang nagagawa ito ng maayosupang maiwasan ang mga problema. Lucky numbers: 3, 7, 11 at 44.

===

I-TRY MO ITO, KATRIBO!
Mas madali nang tawagan ang mga advertiser natin dito. Pindutin lang ang kanilang ad at lalabas ang automatic dialer. Isa pang pindot ay matatawagan mo ang advertiser na hindi na kailangang i-dial ang numero nila. I-try mo!

Press ad to call

Chinese horoscope, Apr 1-15

Posted on 01 April 2019 No comments

BABOY. Isinilang noong 1923/35/47/59/71/83/95/07
Posibleng makaranas ng kabiguan, lungkot, at may alitan kaya minsan ay gusto mo nang sumuko. Mag-ingat! Hirap ka sa pagtulog; agahan ang kain sa gabi at iwasang kumain ng marami at pag-inom ng kape at tsaa. Ang galit ay makakaapekto ng husto sa trabaho at personal na buhay. Kailangang kontrolin ang sarili. Lucky numbers: 21, 35, 40 at 45.

DAGA. Isinilang noong 1924/36/48/60/72/84/96/08
Kung aayusin mo ang iyong buhay, lahat ng bagay ay magiging magaan. Masusulit ng husto ang iyong lakas sa pagsasakatuparan ng iyong mga plano, pero iwasang pilitin ang mga bagay kung hindi pa ito handa o hinog, lalo na kung nakataya ang iyong damdamin. Agapan ang pananakit ng sikmura na baka mauwi sa ulcer. Lucky numbers: 7, 19, 34 at 40.

BAKA. Isinilang noong 1925/37/49/61/73/85/97/09
Kontrolado mo ang pisikal at intelektuwal na kalagayan mo ngayon, kaya malaki ang tsansa na magtagumpay ka sa lahat ng gagawin mo, basta’t alam mo ang iyong limitasyon. Nasasaktan ka sa away na namamagitan sa mga kasamahan; may aral kang matututuhan dito. Kung hindi makatiis na hindi manigarilyo, limitahan ito hangga’t makakaya. Lucky numbers: 17, 18, 23 at 42.

CALL US NOW!

TIGRE Isinilang noong 1926/38/50/62/74/86 at 98/10
Maganda ang lagay ng kalusugan at pag-iisip at alam mong balansehin ang oras sa trabaho at pansariling kasiyahan. Masaya ang loob ng tahanan at gagawin mo ang lahat para sa ikabubuti ng pamilya at irerespeto mo ang kagustuhan ng bawat isa sa kanila. Kung may mahalagang bagay na dapat bilhin, gawin mo na agad ito. Lucky numbers: 15, 20, 29 at 37.

KUNEHO Isinilang noong 1927/39/51/63/75/87/99
May bagong karanasan na posibleng magpabago sa iyong paniniwala at magkaroon ng mga katanungan sa maraming bagay. Lahat ng ito ay magpapagulo sa iyong isip. Kailangan mo ng mga bagong kaibigan at kakilala upang lumawak ang pag-iisip. Subukan mong magbakasyon sa ibang bansa upang kumalma at makahanap ng katahimikan. Lucky numbers: 14, 16, 26 at 39.

DRAGON Isinilang noong 1928/40/52/64/76/88/00
Mas magiging romantiko ka sa panahong ito, at nanaisin mong maging romantiko rin ang iyong kapartner upang masiyahan ka ng husto. Maging maingat sa iyong pananalapi gaya ng dati. Iwasang maglabas ng malaking halaga sa transaksyon na hindi ka naman nakakasiguro. Mahusay kang makibagay, makakatulong ito ng husto sa iyong mga gustong gawin. Lucky numbers: 5, 12, 27 at 38.

AHAS Isinilang noong 1929/41/53/65/77/89/01
Malaki ang tsansa na maisakatuparan at magtagumpay ang iyong mga plano dahil malakas ang iyong intuisyon. Kung single, may posibilidad na magkaroon din ng love affair sa panahong ito. May makikilala kang tao na kapareho mo ng mga gusto at ugali, at makakasundo mo sa maraming mga bagay at magbibigay sa iyo ng bagong pananaw sa buhay. Lucky numbers: 6, 13, 22 at 46.

KABAYO. Isinilang noong 1930/42/54/66/78/90/02
Palagay mo ay hindi umaayon ang lahat sa iyo, at nahaharap ka sa sitwasyong hindi mo makontrol kaya nasisira ang tiwala sa sarili. Huwag mataranta, piliting labanan ang lungkot na nararamdaman. Huwag ding hayaang ma-impluwensyahan ng mga payo ng pamilya o ng malalapit sa iyo, na lalo lang magpapagulo sa sitwasyon; ikaw lang ang makakalutas ng iyong problema. Lucky numbers: 13, 33, 35 at 41.

KAMBING. Isinilang noong 1919/31/43/55/67/79/91/03
Samantalahin ang kalmadong kalagayan ngayon upang tanungin ang sarili: naging makabuluhan ba ang aking buhay? Sinasayang ko ba ang oras sa walang kuwentang bagay, sa halip na pagtuunan ng pansin ang mas importanteng mga bagay? May matutuhan ka dito upang magkaroon ng kontrol sa sarili at magtagumpay sa gusto mong gawin. Hindi ka apektado sa sinasabi ng kapitbahay mo, pero mag-aalala ka para sa pamilya mo. Lucky numbers: 6, 19, 25 at 37.

UNGGOY. Isinilang noong 1920/32/44/56/68/80/92/04
Tensyonado ka sa panahong ito, at maaaring maging sanhi rin ng problema sa sikmura at pagdumi. Lahat ng ito ay dahil nagagalit ka kapag hindi nasusunod ang gusto mo. Ang problema sa pera ay dagdag din sa iyong alalahanin. Ang mga dating hinanakit ay magbabalik at lalamlam ang love life. Pero mahahawi din ang lahat ng ito, huwag lang palalain ang away. Lucky numbers: 11, 33, 39 at 44.

TANDANG. Isinilang noong 1921/33/45/57/69/81/93/05
Ang mga alitan ay makakapekto sa pagsasama. Piliting ayusin ang hindi pinagkakasunduan. Kung single, matapang ka ngayong ilabas ang saloobin. Sa may mga anak, masaya ang pamilya ngayon dahil buo ang atensyon ng mag-asawa sa isa’t isa at maging sa mga anak. Hindi mo napapansin ang iyong pagkakamali, para kang mata na nakikita ang lahat pero hindi ang sarili! Lucky numbers: 10, 14, 28 at 31.

CALL US!

ASO. Isinilang noong 1922/34/46/58/70/82/94/06

Magbubunga ang iyong kasipagan. Sa kabila ng kasiyahan, posibleng magkamali ka sa pagkilatis sa tao at sitwasyon; mag-ingat. Mag-ingat din sa sakit sa puso, iwasan ang mapagod ng husto at pagmamadali, maghinay-hinay sa ginagawa. Unti-unti ay may nakikita kang hindi magandang ugali sa karelasyon, kaya nagdududa ka kung talagang mahal ka nito. Lucky numbers: 9, 13, 24 at 34.

===

I-TRY MO ITO, KATRIBO!

Mas madali nang tawagan ang mga advertiser natin dito. Pindutin lang ang kanilang ad at lalabas ang automatic dialer. Isa pang pindot ay matatawagan mo ang advertiser na hindi na kailangang i-dial ang numero nila. I-try mo!

View details...

CALL US NOW!

Ang kapalaran mo

Posted on 16 March 2019 No comments

BABOY. Isinilang noong 1923/35/47/59/71/83/95
Ang relasyon sa mga kasamahan ay mas maayos kaysa dati. May pagkakaiba ng panananaw pero walang seryosong alitan. May mga maiinis din sa iyong kaibigan dahil sa pagiging prangka mo; para sa iyo, nagsasabi ka lang ng totoo at hindi mo ugali ang mambola. Sa pag-ibig, hindi ka man naipapakita ang pagmamahal, maipadarama mo naman ang lalim nito. Lucky numbers: 9, 17, 29 at 37.

DAGA. Isinilang noong 1924/36/48/60/72/84/96
Mahaharap sa seryosong problema sa trabaho, kailangang maging maingat at maghintay ng tamang pagkakataon bago kumilos. Mag-ingat sa pagtaas ng cholesterol, bawasan ang pagkain ng matataba at matatamis at pag-inom ng alak. Basahin ang mga detalye at intindihing mabuti ang lahat ng pinapipirma sa iyo. Lucky numbers: 11, 22, 36 at 44.

BAKA. Isinilang noong 1925/37/49/61/73/85/97
Makakaramdam ng labis na saya, kaya hindi napapansin ang ibang nangyayari sa paligid mo, mag-ingat na maging kampante. Iwasang lutasin ang problema sa pamamagitan ng ilegal na paraan na maaring mauwi sa eskandalo. Upang makaiwas sa sakit sa puso, bawasan ang pagkain ng karne at mantekilya, palitan ito ng isda at mantikang galing sa gulay. Lucky numbers: 15, 26, 31 at 42.
.
TIGRE Isinilang noong 1926/38/50/62/74/86 at 98
Magiging mas matapang ka ngayong makipagsapalaran at sumubok ng bagong mga bagay. Ipagpatuloy lang ito ng hindi lumilingon sa likod. Malulutas mo ang problema ng dahil sa iyong pasensya at husay. Mabibighani ka ng husto sa isang tao na malakas ang karisma, pero kulang sa talino, kaya maninimbang ka ng husto. Lucky numbers: 9, 13, 40 at 43.

KUNEHO Isinilang noong 1927/39/51/63/75/87
Malulusutan mo rin ang matapang mong pagsubok at lahat ng hadlang ay isa-isang mawawala. Mahililig ka sa pulitika at pakikipagtalakayan. Hindi maiiwasan ang pagkakaroon ng hindi pagkakaunawaan sa mga anak at magulang. Bigyan ng prayoridad ang pamilya upang maging masaya ang malalapit sa iyo. Sa panahong ito ay mabibigyan-pansin ang pakikipag-kapwa mo. Lucky numbers: 7, 12, 28 at 38.

DRAGON Isinilang noong 1928/40/52/64/76/88
Mag-ingat sa sobrang sampalataya sa kakayahan ng kapartner at baka ka mabigo. Aayawan mo ang lahat ng responsibilidad na ibinibigay sa iyo kaya damay din ang kinaiinisan mong obligasyon sa trabaho at pamilya. Malaki ang tsansa na makakuha ng bagong posisyon na ikaw ang masusunod at magawa ang gusto mo. Lucky numbers: 15, 19, 31 at 40.

AHAS Isinilang noong 1929/41/53/65/77/89
Para sa iyo, ang umpisa ng atraksyon ay mabilis na nagiging pag-ibig agad. Huwag hayaang maapektuhan ang pagdedesisyon ng pagiging sentimental mo. Marami kang mga ideya na pwedeng mapakinabangan lalo na sa trabaho, kaya mag-focus ka, sa kabila ng mga nakakainis na relasyon sa mga kapamilya at maging sa kapitbahay. Lucky numbers: 13, 29, 32 at 40.

KABAYO. Isinilang noong 1930/42/54/66/78/90
Ang mga kabiguan, limitasyon at hadlang sa iyong mga gustong gawin ay unti-unting maglalaho. Magiging mapalad ka sa pag-ibig, pera, kalusugan at trabaho sa panahong ito. Huwag magpatalo sa sabay-sabay na bagay na gusto mong gawin. Malalagay sa posisyon na kakailanganin mong maglakbay sa iba’t ibang bansa ng dahil sa trabaho. Isang kaibigan ang susubok pa ring abusuhin ang kabaitan mo. Lucky numbers: 20, 21, 27 at 35.

KAMBING. Isinilang noong 1919/31/43/55/67/79 at 91
Makakaramdam ng labis na nerbiyos at emosyon. Magiging suspetsosa ka sa mga kalaban at lahat ng makaharap mo ay ayaw mong sinasalubong ka ng tingin. Kailangan mong kalmahin ang iyong negatibong imahinasyon. Mag-ingat na mamuhay nang higit sa kaya mo; kung dati ay nagagawa ito, ngayon ay wala ka nang lulusutan. Lucky numbers: 19, 33, 42 at 47.

UNGGOY. Isinilang noong 1920/32/44/56/68/80/92
Pamamaga ang mararanasan ngayon. Magpakonsulta agad at iwasang uminom ng gamot na hindi inireseta sa iyo. Magkakaroon ng aberya sa trabaho na ikaiirita mo ng husto. Kumalma, dahil wala kang mapapala kung magwala ka man. Piliting maging positibo at iwasang mag-isip ng negatibong bagay. Lucky numbers: 16, 18, 29 at 34.

TANDANG Isinilang noong 1921/33/45/57/69/81/93
Malalampasan ang problema dahil sa suporta ng mga kasamahan. Pero sumasagi pa rin ang takot sa iyo paminsan-minsan. Ang pamilya ay mahaharap sa ligalig at tensiyon din ang mararanasan ng mga kasamahan ng dahil sa sunud-sunod na problema. Magkakaroon din ng usapin tungkol sa pera at mararamdaman mo na masama ang loob ng iba sa iyo. Lucky numbers: 6, 9, 17 at 41.

ASO. Isinilang noong 1922/34/46/58/70/82/94
Gumaganda lang ang pakiramdam mo kung ikaw ay in-love kahit hindi sa iisang tao lang. Kung may asawa, para sa iyo, kailangang sundin nito ang gusto mo at gawin ang lahat na ikasasaya mo upang maging kanya ka lang. Iwasan ang anumang diskusyon sa ngayon at piliting huwag mairita sa mga problema sa tahanan. Higit sa lahat, huwag parusahan ang mga anak ng dahil sa maliliit na bagay na nagawa nito. Lucky numbers: 9, 13, 21 at 39.

===

BAGO ITO!
Mas madali nang tawagan ang mga advertiser natin dito. Pindutin lang ang kanilang ad at lalabas ang automatic dialer. Isa pang pindot ay matatawagan mo ang advertiser na hindi na kailangang i-dial ang numero nila. I-try mo!

Press ad to call

Subscribe to: Posts (Atom)

Don't Miss