Paano humingi ng tulong laban sa manlolokong tindero, online man o hindi

 

Mga operatiba ng HK Customs sa isang raid

Dumarami ang namimili  ng iba’t ibang bagay sa mga online seller. Pero marami rin ang naloloko -- hindi dumating ang binili kahit nabayaran na, kung dumating man ay iba, o kaya ay peke ang produktong natanggap.

Kung karaniwan ay walang pumapansin sa mga reklamong ganito, isang sangay ng gobyerno ang nagpapakita ng kahandaang tumulong sa mga biktima ng panloloko, gumagamit man sila ng internet o hindi.

Noong April 20, isang lalaki ang inaresto ng mga ahente ng  Customs and Excise Department (Hong Kong Customs) dahil sa hindi nai-deliver na mga laruang inorder sa shop na kanyang pinatatakbo, at hindi niya pag-sauli ng perang ibinayad sa kanya.

PINDUTIN PARA SA DETALYE!

Nauna rito, nakatanggap ang Customs ng reklamo tungkol sa shop, na nagtitinda ng isang kilalang laruan na hugis-bear at binubuo ng pinag-kabi-kabit na tipak ng plastic.

Ang lalaki ay kinasuhan ng paglabag sa Trade Descriptions Ordinance (TDO).

Ang TDO ay isang batas na nagbabawal sa kahit kanino na tumanggap ng bayad para sa isang produkto kung sa oras ng pagtanggap ng bayad ay wala siyang intensiyong ibigay ang produkto o ibigay ang ibang produkto.

PINDUTIN PARA SA DETALYE

PINDUTIN PARA SA DETALYE

Sakop din ng TDO ang kabiguang i-deliver ang produkto sa loob ng napag-usapang panahon.

Umaaksiyon din ang HK Customs sa mga reklamo laban sa mga nagtitinda ng pekeng produkto, na sakop din ng TDO.

Noong April 19, nagsagawa sila ng special operation sa Lam Tin, Sham Shui Po, Kwai Chung, Tsuen Wan, Sha at Cheung Sha Wan at nakasamsam ng 2,000 piraso ng mga pekeng pabango, pampaganda at fashion accessories na nagkakahalaga ng $240,000.

BOOK YOUR FLIGHTS NOW! PRESS FOR DETAILS

PINDUTIN PARA SA DETALYE

Sampu katao ang inaresto sa mga raid, kasama ang dalawang nagpapatakbo  ng negosyo at walong nagtitinda.

Ayon sa HK Customs, ang mga may reklamo tungkol sa panlolokong sakop ng TDO ay puwedeng tumawag sa kanilang 24-oras na hotline ( 2545 6182), o magpadala ng mensahe sa kanilang email: crimereport@customs.gov.hk.

Ang payo nila upang mapabilis ang imbestigasyon ay itabi ang mga dokumentong nagpapatunay sa transksiyong nangyari, gaya ng palitan ng text, resibo at iba pa. Makatutulong ang mga ito sa pagsasampa ng kaso laban sa nagkasala.

PADALA NA!

PRESS FOR DETAILS

OWWA to hold ‘Balik Saya’ in HK on May 7

 

OWWA's chief says providing entertainment to OFWs is one of his priorities  

The Overseas Workers Welfare Administration is bringing back its “Balik Saya” show to Hong Kong on May 7, topbilled by comedienne/host Boobay and stand-up artist and singer Boobsie.

The event will be held from 8am to 6pm on Chater Road in Central, and will also feature the final round of a singing contest organized by Global Alliance Hong Kong.

According to GA founder Leo Selomenio, the show was originally set to be held on Labor Day on May 1, but the Hong Kong police asked that it be moved to the next Sunday, in anticipation of a mass gathering of local labor groups.

PINDUTIN PARA SA DETALYE!

OWWA Administrator Arnell Ignacio is expected to speak at the variety show, with possibly the Department for Migrant Workers Secretary Susan Ople herself coming to address the nearly 200,000 overseas Filipino workers in the city.

Two DMW undersecretaries who joined Filipino community leaders in a forum at the Consulate General on Sunday, April 16, said Secretary Ople would visit Hong Kong soon, and the only reason she was unable to join them was because she had just arrived from an ILO conference in Geneva.

The “Balik Saya” show revives the “Hatid Saya” program that OWWA used to hold each year to entertain OFWs at their work sites.

PINDUTIN PARA SA DETALYE

PINDUTIN PARA SA DETALYE

Ignacio, who is a TV and movie personality, said shortly after taking his oath as OWWA head last year that entertaining OFWs would be among his priorities, apart from providing assistance to them and their families.

Hatid Saya was first launched in the 1980s as a musical show featuring Filipino performers and entertainers who traveled to key cities abroad where there were a significant number of OFWs.

BOOK YOUR FLIGHTS NOW! PRESS FOR DETAILS

PINDUTIN PARA SA DETALYE

The program aims to help ease OFWs' homesickness and culture shock, especially those who are new to their jobs.

PADALA NA!

PRESS FOR DETAILS

HK Police, nakipulong sa mga bangko para masugpo ang scams

 

Maraming paalala ang HK Police para makaiwas-scam ang publiko (File)

Nakipulong ang hepe ng HK Police sa mga opisyal ng 28 bangko para hilingin ang kanilang tulong upang mas lalong mapahigpit ang pagsugpo sa ginagawang money laundering ng mga sindikato na nasa likod ng maraming mga scam ngayon.

Ayon kay Police Commissioner Raymond Siu, nakakatulong sa pagsugpo ng scam ang ginagawang pagre-report ng mga bangko tuwing may kostumer sila na nagtatangkang mag withdraw ng malaking halaga.

Gayunpaman, marami pa daw ang puwedeng maitulong ng mga ito para mabawasan pang lalo ang mga nabibiktima sa mga scam.

PINDUTIN PARA SA DETALYE!

Sabi niya, baka pwede ding paigtingin pa ng mga bangko at pakikipag-ugnayan nila sa isa’t isa, at tumulong para mas mapabilis ang pag diskubre sa malalaking halaga mula sa krimen na pinapadaloy sa kanila.

Kung maari ay sagutin din daw agad ng mga bangko ang mga hiling na pulisya na bigyan sila ng impormasyon tungkol sa mga kahina-hinalang transaksyon na ipinapasok sa kanila.

Pindutin para sa detalye

Sabi ni Siu, malaki ang ibinababa ng bilang ng mga phone scam na naireport sa kanila sa unang tatlong buwan ng 2023. Bumaba ito sa 587, mula sa 1,444 na naitala sa huling tatlong buwan ng nakaraang taon.

Ang nawalang pera ay bumaba din sa $195.10 million mula sa $355.2 million.

Dagdag niya, malaki ang naitulong ng ginawa nilang pakikipag ugnayan sa mga mobile phone companies para bumagsak ang bilang ng mga scam sa telepono.

Pindutin para sa detalye

Bukod sa mga dati nang ipinatupad  na panuntunan, makakarinig na rin ng alarma ang mga gumagamit ng mobile phone tuwing may papasok na long distance simula sa susunod na buwan, kahit ang numero na ginagamit ng tumatawag ay may area code ng Hong Kong.

Layon nitong matigil ang panloloko ng mga banyaga na nagpapanggap na nasa Hong Kong lang para madaling mabitag ang mga residente dito.

PINDUTIN PARA SA DETALYE

Kabilang sa mga nabiktima sa unang bahagi ng taon ay isang 31 taong gulang na abugada na nawalan ng $5.7 million matapos tawagan ng isang nagpapanggap na opisyal ng pulis sa mainland at sinabing may kinasangkutan siyang kaso doon.

Inutusan siya ng scammer na magbukas ng account sa isang bangko, at lipatan ito ng pera. Nagising siya sa katotohanan nang makitang wala ng lamang pera ang kanyang account.

BOOK YOUR FLIGHTS NOW! PRESS FOR DETAILS

Kamakailan naman ay may isang Pilipinang director ng isang kumpanya ang nabudol kaya naglipat ng $700,000 sa account ng ilang tao sa loob lamang ng isang araw.

Halos araw-araw ay may mga nai scam din, kabilang ang mga foreign domestic worker. Nitong nakaraang linggo lang ay may nagbalita na nawalan siya ng $16,000 at nagbabalak pang dagdagan ito kung hindi niya nabasa sa The SUN ang tungkol sa mga nauna nang scam.

PINDUTIN PARA SA DETALYE

May isa ding lider ng isang malaking grupo ng mga FDW ang nagbalita noong nakaraang Linggo na isang kaibigan niya ang nawalan kamakailan ng $52,000 pero nagdesisyon na huwag na lang itong ireklamo sa pulis.

PADALA NA!

PRESS FOR DETAILS

OFW sa HK, tumangay daw ng milyon mula sa ‘paluwagan’ at investment scam

 

Si Mera Jane Vicio, hawak-hawak ang perang nalikom daw niya mula sa scam

Kilala ba ninyo ang Pilipina na ito na itinuturo ng ilang mga OFW (overseas Filipino workers) sa Hong Kong at iba pang lugar na nagtatago diumano ngayon matapos kunin ang perang tinataya nilang aabot ng ilang milyong piso para sa paluwagan at investment, pero hindi na naibalik sa kanila?

Nakatakdang magpunta sa Konsulado at sa pulis ngayong araw ng Linggo ang ilan sa mga nagpakilalang biktima diumano ni Mera Jane S. Vicio, taga Kidapawan, Cotabato para magsampa ng reklamo dahil nakatakda na daw itong umuwi, marahil ay para takasan ang mga naghahabol sa kanya.

PINDUTIN PARA SA DETALYE!

Ilang mga Pilipina na nagtatrabaho sa Hong Kong ang nag post sa Facebook sa ginawang panloloko diumano sa kanila ni Vicio.

Isa sa kanila si Barbara Temblor, na nag post sa Facebook page na HK Moms nito lang April 18, at sinabi na pinaghahanap niya at kanyang mga kasama si Vicio dahil ini scam daw sila nito, at ngayon ay nagtatago na.

Pindutin para sa detalye

Kung sino man daw ang nakakakilala ay Vicio ay maaring tulungan silang matunton ito. Dagdag niya, taga Quarry Bay si Vicio.

Ayon naman kay Gelnsheryl Mae del Monte: “…hindi lang thousand kundi milyon-milyon ang na scam niya di lang saakin kundi sa kapwa (niya) OFW sa Hong Kong, pati sa lugar namin, Kidapawan City. Halos naubos na niya ang pera ng mga tao, ngayon di na nagparamdam.”

Pindutin para sa detalye

Dagdag niya, lumabas na si Vicio at ibalik ang pera nila dahil yung mga ginawa niyang agent ang hinahabol ngayon ng mga tao dahil sa nangyari.

Ang post ni Temblor sa isang Facebook page, na ngayon ay burado na

Ang isa pang nag post din sa iba-ibang account sa Facebook si Fanny Parame, na nakiusap kay Senador Raffy Tulfo na tulungan silang tugisin si Vicio. Ang partner daw niyang French ay na scam din ng Php100,000 ng MJ Investment ni Vicio.

Dagdag ni Parame, noong una ay ayaw daw ng partner niya na mag “invest” pero nakumbinsi ng isang nag-imbita sa kanila na ang sabi ay kumikita na siya mula dito. Mismong ang kapatid daw niya ay nakapag payout na din, kaya nagdesisyon silang pasukin na yung inaalok na investment ng ahente ni Vicio.

Nagpasok daw sila ng pera noong Feb. 28, 2023 at dapat sana ay first pay out nila nitong April 5, pero wala nang naibigay sa kanila, at nagkakagulo na ang buong grupo.

PINDUTIN PARA SA DETALYE

May isa pang nag post na ang pangalan ay Felix Lee, at sa wikang Bisaya ay nakiusap kay Vicio na isauli na ang pera ng kanyang pamilya, na umabot na sa Php1.2 million ang kabuuan.

Dagdag ni Lee, si Vicio daw ay taga Purok Durian, Linangkob, Kidapawan City.

Pero paano ba nakumbinsi ni Vicio ang mga kapwa niya OFW at kababayan na ipagkatiwala ang malaking halaga sa kanya, na ang iba ay inutang pa nila?

Mas malaki pa ang ipinasok na pera ng mga nagpaluwagan kaysa natanggap nila 

Ayon sa isang nagpakilala ring biktima na si Jhey Ca, ang unang inalok ni Vicio noong Nov. 5, 2018 (anim na buwan mula siya dumating sa HK) ay ang paluwagan, at dito siya pumasok.

Walo daw silang sinali sa isang grupo, kung saan bawat miyembro ay maghuhulog ng Php13,250 bawat buwan, at ang pay-out nila ay Php100,000. Ang una at pangalawa sa listahan ay si Vicio, kaya sa loob ng dalawang buwan ay naka kubra na siya agad ng Php200,000.

Dahil si Jhey ay nasa bandang gitna ay nakakubra na rin siya ng Php100,000, kaya siya ginanahan na magpasok muli ng pera, kasama ang isang kaibigan. Hindi niya alintana na ang kabuuang halaga ng ipinasok niya ay Php106,000 kaya sa kanya pa lang ay ang laki agad ng tinubo ni Vicio.

BOOK YOUR FLIGHTS NOW! PRESS FOR DETAILS

Payag naman daw silang magkakasama doon, na bigyan si Vicio ng tig Php6,000 dahil siya naman ang humahawak ng pera nila. Pero ang hindi niya naisip ay kumita agad si Vicio ng Php 2,400 sa kanila palang apat sa grupo, at imbes lumaki ang perang ipinasok nila sa paluwagan ay nabawasan pa ito.

Lalo pa syang nalugi dahil may parte sa perang ipinasok niya ang galing sa pautangan, na naniningil ng hanggang 50% na interes bawat taon.

Ang mas masaklap, ang pang-walo at huling kukubra dapat sa grupo nila ay hindi na nabigyan ng pera dahil nagtago na daw si Vicio.

PINDUTIN PARA SA DETALYE

Pero dahil sa tuwa ni Jhey nang makapag “take-out” siya ay ipinasok niyang muli ang Php100,000 sa isang mas maambisyon na alok ni Vicio, kung saan ang halaga ng makukubra ay Php500,000, pero Php55,000 ang kada hulog nila, at aabot naman sa 10 buwan bago mabayaran silang lahat.

Kung nagkwenta lang sila sana nang maayos imbes naniwala sa mga pangako ni Vicio ay Php550,00 ang dapat nilang makuha sa loob ng 10 buwang paghuhulog. Ibig sabihin, may kabig muli si Vicio na Php50,000 sa bawa’t isa sa kanila na pumasok sa kanyang paluwagan.

Dahil sa dami ng mga nahikayat ni Vicio na pasukin ang kanyang paluwagan ay nag-isip daw ito ng bagong stratehiya, ang investment. Mas malaki na ang ipinangako niyang balik na pera dahil pumasok daw siya sa pagbebenta ng bigas, lechon, wedding package, at nagtayo din ng water refilling station.

Muli, marami ang nahikayat, at isa sa kanila ang isang seaman na nagpasok ng Php1 million noong November 2022, dahil ang ipinangakong kapalit nito pagkatapos ng limang buwan ay Php3.2 million. 

May ipinasa itong apat na resibo ng paglilipat ng pera sa BDO Bank para kay Vicio sa halagang Php250,000 bawat isa.

Pero ayon kay Jhey, katulad ng marami na nabola ni Vicio, nawalang parang bula ang ipinasok ng seaman, at hindi na rin niya alam kung paano hahabulin ito ngayon. 

(Bukas ang The SUN sa anumang pahayag tungkol dito mula kay Mera Jane Vicio, na hindi na makontak sa telepono, at naka lock ang profile sa Facebook –ed).

PADALA NA!

PRESS FOR DETAILS

Residente, kulong ng 18 buwan dahil binenta ang pasaporte at nameke ng kasal

 

Dininig ang kaso sa Shatin Law Courts

Muling ipinaalala ng Hong Kong Immigration na labag sa batas ang illegal na pagpasa, pagsanla o pagbigay ng pasaporte sa ibang tao, na ang karampatang parusa ay pagkakakulong ng hanggang 14 na taon at multa na aabot sa $150,000. 

Ipinalabas ang pahayag matapos masentensyahan kahapon sa Shatin Court ng 18 buwang pagkabilanggo ang isang local na residente na binenta ang kanyang HKSAR passport, at pagkatapos ay sinabi sa Immigration na nawala niya ito.

PINDUTIN PARA SA DETALYE!

Nang imbestigahan ay inamin din niyang binayaran siya ng pinagbentahan niya ng pasaporte para pumayag sa isang pekeng kasal sa isang babaeng taga Mainland noong 2019.

Sabi sa pahayag, patuloy pa ring iniimbestigahan ang iba pang mga taong kasabwat sa panlilinlang.

Kinasuhan ang lalaki ng illegal na pagpasa ng kanyang pasaporte, pagsisinungaling sa isang immigration officer, at pakikipagsabwatan para makapanlinlang.

Pindutin para sa detalye

Inamin niya ang lahat ng mga paratang sa kanya, at nasentensiyahan siya ng tig isang taon sa bawat kaso, na pagsisilbihan niya nang sabay-sabay, pero may anim na buwang pasobra para sa pinakamalalang kaso laban sa kanya, kaya umabot ang buong sentensya sa 18 buwan.

Ang pagpasa sa ibang tao ng kanyang pasaporte at pagsisinungaling para makakuha ng kapalit na dokumento ang pinakamalala sa tatlong kasong isinampa laban sa akusado.

PINDUTIN PARA SA DETALYE

Ang kaso ng pakikipagsabwatan para makapangloko ay may parusang pagkabilanggo na aabot ng hanggang 14 na taon, pero walang multa.

Ang pagpasok naman sa isang pekeng kasalan, kabilang ang panunumpa ng di tapat o pagpirma sa kasulatan na hindi totoo, ay maaaring parusahan ng pagkabilanggo ng hanggang pitong taon at multa, ayon sa pahayag.

Dagdag pa ng Immigration, patuloy ang kampanya nila para matunton ang mga pumasok sa isang pekeng kasal at iba pang pagpapanggap kasama ang mga hindi residente dito.

BOOK YOUR FLIGHTS NOW! PRESS FOR DETAILS

Tatanggalin din ng karapatang manirahan sa HK at babawiin ang HKID na ibinigay sa mga taong sangkop sa mga ganitong illegal na gawain, ayon sa Immigration.

Noong nakaraang buwan ay may isa pang lalaking residente na ikinulong ng 9 na buwan matapos mabisto na binenta ang kanyang pasaporte at tumanggap ng bayad para pakasalan sa isang pekeng seremonyas ang isang babaeng taga Mainland noong Disyembre, 2007.

Inimbestigahan ang 44 taong gulang na babae, at pagkatapos ay kinasuhan ng pakikipagsabwatan para makapanloko. Sinentensyahan sya ng 18 buwan sa kulungan.

PINDUTIN PARA SA DETALYE

Ang 43 taong gulang na lalaki ay kinasuhan ng illegal na sabwatan at pagpasa ng kanyang pasaporte ng walang legal na dahilan. Inamin nya ang mga paratang at sinentensyahan sya ng tig-siyam na buwang pagkabilanggo, na pagsisilbihan niya nang sabay.

PADALA NA!

PRESS FOR DETAILS

Kaso ng Pilipina inakyat sa DC dahil sa dami ng nasamsam na droga

 

Ang gusali sa Wanchai kung saan nahuli ang akusado

Ang huli sa tatlong kasong droga na nagmula sa isang raid ng pulisya sa isang hotel sa Wanchai ay iniakyat ngayon ng Eastern Magistracy sa District Court dahil sa dami ng ipinagbabawal na gamot na nasamsam sa akusado.

Pinayuhan ni Principal Magistrate Ivy Chui ang Pilipinang si Maria Eldha Rose Cabello, 33 taong gulang, na kumuha ng abogado sa Legal Aid upang maayos siyang maipagtanggol, ngayong hindi na siya pwede sa libreng abogado mula sa Duty Lawyers Service ng mga magistrate court.

At dahil hindi hiniling ni Cabello na makapagpiyansa, ibinalik muli siya sa kulungan hanggang sa susunod na pagdinig, na gagawin sa District Court sa May 11.

PINDUTIN PARA SA DETALYE!

Naunang sinampahan ng apat na kaso si Cabello, pero tatlo na lang ang ipinasa sa District Court.

Ayon sa nabagong asunto, nahuli siya noong Sept. 2, 2022, sa third floor ng Hong Kong Bldg., sa Lockhart Road, Wanchai, habang nagbebenta ng 2.56 gramo ng tuyong dahon ng cannabis o marijuana.

Kinasuhan siyang muli ng pangangalakal ng bawal na gamot nang samahan siya ng mga pulis sa tinutuluyan niya, ang Room 9 ng Ming Court Hotel na nasa ikalawang palapag ng naturang gusali, at makita doon ang mas maraming marijuana at iba pang droga.

Pindutin para sa detalye

Naantala ang pagdinig ng kaso dahil sa dami ng drogang nakita sa silid, na kailangang suriin ng Government Laboratory.

Ito ang nasamsam sa kanya: 143.22 gramo ng pinatuyong marijuana, 105 gramo ng dagta ng marijuana, 1,623.5 gramo ng solidong may lamang 4.38 gramo ng tetrahydrocannabinol, 2.61 gramo ng likidong naglalaman ng 0.44 gramo ng tetrahydrocannabinol, 4.33 gramo ng solido na may lamang 2.72 gramo ng 3,4-raethylenedioxymethamphetamine, 55 tableta at 7 durog na tableta na naglalaman ng 5.22 gramo ng 3,4-methylenedioxymethamphetamine, 0.76 gramo ng solidong may lamang 0.54 gramo ng coccaine, 20 piraso ng papel na nagtataglay ng katiting na lysergide at 104.6 gramo ng solid na may lamang 0.21 gramo ng psilocia.

PINDUTIN PARA SA DETALYE

Maliban sa kasong droga, kinasuhan din si Cabello ng pag-overstay, o ang pananatili sa Hong Kong kahit paso na ang visa, na isang paglabag sa kondisyon ng kanyang pagtira dito.

Dumating siya sa Hong Kong bilang domestic helper, pero nang ma-terminate siya noong June 16, 2022 at dapat umalis na pagkalipas ng 14 araw, ay nanatili siya dito hanggang mahuli noong Sept. 22.

BOOK YOUR FLIGHTS NOW! PRESS FOR DETAILS

Ang kasong droga ng dalawa niyang nakasamang nahuli sa Wanchai – sina Sam Burcher, 23 taong gulang at estudyanteng Briton, at Teodora Quijano, 33 taong gulang at dati ring domestic helper – ay nauna nang nadesisyunan.

Si Burcher, 23 taong gulang at estudyante, ay pinagmulta ng $5,000 matapos umamin sa sakdal na pagkakaroon (o possession) ng 2.56 gramo ng marijuana nang arestuhin ng pulis sa harap ng Hong Kong Bldg. sa Wanchai.

PINDUTIN PARA SA DETALYE

Bumalik sya sa korte upang umamin noong March 23, gaya ng pangako niya nang siya ay maglagak ng $50,000 kapalit ng pagpayag ng korte na ituloy muna niya ang kanyang pag-aaral sa UK.

Iniurong naman ng taga-usig ang kasong drug trafficking  laban kay Quijano at pinayagan siyang magpiyansa ng $5,000 para sa kanyang kasong overstay. Nakatakda siyang humarap muli sa korte sa May 3.

PADALA NA!

PRESS FOR DETAILS