Responsive Ad Slot

Latest

Sponsored

Features

Buhay Pinay

People

Sports

Philippine News

Join us at Facebook!

Pinay, pinagmulta ng $2k dahil sa pananakit sa kapwa DH

10 February 2022

 

Nagyakap ang akusado at ang umalalay sa kanya mula sa Mission pagkatapos ng kaso

Tanggap na ni M. L. Tambaoan, tubong San Fabian, Pangasinan, na makukulong siya nang umamin siya sa salang pananakit sa Eastern Court kanina sa harap ni Magistrate Jason Wan Siu-ming. Kaya naiyak siya nang sabihin ni Magistrate Wan na hindi kulong ang kailangang parusa sa kanyang kaso, kung hindi multa na $2,000.

“Handa na akong sa kulungan magcelebrate ng birthday ng bunso ko,” salaysay ni Tambaoan matapos lumabas sa korte.

PINDUTIN PARA SA DETALYE

Noong una ay “not guilty” ang sagot niya sa akusasyon na sinaktan niya si Helen Garcia na kapwa niya domestic helper sa isang bahay na may anim na helper sa Mid-Levels. Pero sa ginanap na pagdinig ngayon ay nagdesisyon siyang aminin ang sakdal na pananakit.

Nagdesisyon si Magistrate Wan na hindi ipakulong si Tambaoan dahil sa loob ng 11 taon na pagtatrabaho nito sa Hong Kong ay ngayon lang siya nasampahan ng kaso. Sabi din nya, ang nangyaring pananakit ay bugso ng emosyon, at ang natamong pinsala ni Garcia ay hindi seryoso.

PINDUTIN PARA SA DETALYE

Bukod dito ay nawalan pa ng trabaho si Tambaoan dahil na-terminate siya pagkatapos ng insidente -- isang bagay na itinuring ni Magistrate Wan na sapat nang parusa kay Tambaoan.

Samantala, nasa labas ng korte si Garcia at naghihintay na tawagin upang tumestigo dahil sa unang naging pagtanggi ni Tambaoan sa kaso. Nalaman na lang niya sa bandang huli na inamin na ni Tambaoan ang sakdal at tapos na ang kaso nang maglabasan ang isang grupo ng mga Pilipina na kasama ang nanakit sa kanya.

CONTACT US!

Tinangkang pag-ayusin silang dalawa ni Esther Bagcawayan, case officer ng Mission for Migrant Workers na tumulong kay Tambaoan, pero nabigo ito. Humingi ng paumanhin si Tambaoan, ngunit pinili ni Garcia na lumakad palayo.

Nangyari ang pananakit noong July 4, 2021.

HOW? NARITO ANG DETALYE!

Ayon sa binasang akusasyon, itinulak ni Tambaoan si Garcia, na napaupo, pagkatapos silang magtalo sa bahay ng amo. Nagpunta si Garcia sa Ruttonjee Hospital upang magpa-eksamin, kung saan nakita na may pasa siya sa dibdib. Si Tambaoan naman ay nag-report ng nangyari sa police.

Sa sumunod na buwan, kinasuhan ng police si Tambaoan at pinagpiyansa ng $500. Sinesante din siya ng amo.

PINDUTIN PARA SA DETALYE
Pinatawan ng mahistrado ng multang $2,000 si Tambaoan matapos isaalang-alang ang kakayahan nito na magbayad. Pagkatapos ibawas ang kanyang piyansang $500 ay nagbayad si Tambaoan sa korte ng dagdag na $1,500.

Ngayon ay plano niyang maghanap ng bagong employer upang makabawi sa anim na buwang hindi siya nakapag-padala ng sustento sa kanyang tatlong anak sa San Fabian. Siya ay hiwalay sa asawa.

https://leade7.wixsite.com/thesunads/asiandragon
PADALA NA!

Don't Miss