 |
| Didinggin ulit ang kaso sa Kowloon City Courts sa March 31 |
Dalawang
Pilipinang domestic helper ang humarap ngayon sa Kowloon City Magistracy sa
akusasyong nagnakaw sila ng relo at mga alahas na may kabuuang halagang $2.37
million mula sa kanilang amo.
Ibinalik sa
kulungan sina Bernadette Paranas, 39 taong gulang, at Gina Quinones, 35, matapos
itakda ni Acting Principal Magistrate Peony Wong ang susunod na pagdinig sa March
31.
Hiningi ng
taga-usig ang pagpapaliban ng pagdinig upang mabigyan ng dagdag na panahon ang
pulis sa pag-iimbestiga sa kaso at makuha mula sa mga sanglaan ang mga nawawala
pang ninakaw na bagay.
Idinagdag nito
na may binubuo ring karagdagang kaso laban kay Quinones.
Idinemanda si
Paranas at Quinones ng pagnanakaw ng walong relo, isang pulseras at isang
gintong singsing na nagkakahalaga ng $2,370,000.
Ang nakawan ay
naganap umano sa pagitan ng buwan ng Mayo at Nov. 26, 2022, kung kailan sila ay
inaresto matapos ireklamo ng kanilang amo, na nakatira sa Sheung Shing St.,
Kowloon City.
.jpg)
