The SUN HK : Unifil, hiniling ang kagyat na aksyon ng DMW

26 May 2023

Ang konsultasyon noong Apr 16 ng DMW sa mga Filcom lider sa HK

“Kumusta na ang aming mga kahilingan?”

Ito ang tanong ng grupong United Filipinos in Hong Kong (Unifil) sa mga opisyal ng Department of Migrant Workers na pumunta sa HK noong Apr 16 at nagsagawa ng konsultasyon sa mga lider ng komunidad.

PINDUTIN PARA SA DETALYE!

Isang buwan matapos ang usapang iyon ay wala pa rin daw linaw ang mga kahilingan na ipinaabot nila kay DMW Secretary Susan Ople, kaya napilitan silang sumulat sa kanya para tanungin kung may aksyon na syang ginawa dito.

Ayon sa Unifil, kabilang sa mga inilatag nilang problema ay ang pagbabasura sa overseas employment certificate, na kinakailangang ipakita ng mga OFW bago sila makalabas ng Pilipinas.

PAPAANO SUMALI? PINDUTIN ITO!

Noong binanggit ito sa konsultasyon noong nakaraang buwan, sinabi ni Undersectary Patricia Yvonne Caunan na kaisa ng mga migrante ang DMW sa pagnanasa na matanggal na ang OEC, pero pinag-uusapan pa daw nila kung paano ito gagawin.

Ang isa pang hiling ng Unifil ay ang pagtatanggal ng pwersahang paniningil sa mga OFW ng mga bayarin para sa PhilHealth, SSS at Pag-IBIG Fund.

Magkano? Pindutin ito!

“Panawagan ng mga OFWs na gawing voluntary ang mga bayaring ito at hayaan silang magpasya kung anong insurance ang kinakailangan nila,” ang sabi ng Unifil.

Ipinaalala din ng grupo ang kanilang mga pakiusap ng patuloy na bigyan ng pinansyal na tulong ang mga OFW na nagpositibo sa Covid-19, at ang mabilis at maagap na pagtulong ng Migrant Workers Office (dating POLO) at Konsulado sa mga migrante na naghihintay ng tulong.

BOOK YOUR FLIGHTS NOW! PRESS FOR DETAILS

Ayon sa Unifil, umaasa ang mga kapwa nila OFW sa Hong Kong na tutugunan ng DMW ang kanilang matagal nang kahilingan, at aaksyon nang mabilis.

Pindutin para sa detalye

“Hinding-hindi na kami papayag na matulad ito sa nakaraang administrasyon na sa halip na tanggalin ang OEC (ay) nagdagdag pa ito ng mga dagdag singilin at batas ng pangingikil na lalong nagpahirap sa kalagayan ng milyun-milyong migranteng Pilipino,” sabi ng Unifil.