Ng The SUN
 |
| Kailangan nang bayaran ng tig $1k ang bawat plastic bag na kukunin sa mga pamilihan |
Simula sa Dec 31 ay dodoblehin na sa $1 mula sa kasalukuyang 0.50 ang bayad sa bawat plastic na shopping bag na hihingin kapag namili.
Ito ang ipinahayag ng Environmental Hygiene Department kahapon, na nagsabing inumpisahan na nila ang proseso para maamyendahan ang dating batas.
Bukod sa pagdoble sa halaga ng bawat plastic shopping bayad ay hindi na rin magbibigay ang mga pamilihan ng libreng plastic bag para sa mga biniling frozen o pinalamig na mga pagkain.
 |
| PINDUTIN PARA SA DETALYE |
Maari na lang mamigay ng tig-isang plastic shopping bag kapag ang biniling pagkain ay wala o hindi kumpleto ang pagkabalot, katulad ng mga prutas o gulay, karne o lamang-dagat sa palengke o tinapay.
Pero patuloy na bibigyan ng plastic bag ang bibili ng mga pagkain para i-takeout mula sa mga restaurant. Maari din itong dagdagan kapag hindi kumasya sa isang plastic bag ang mga biniling pagkain.
Ayon sa gobyerno, simula ng kontrolin ang pamimigay ng mga plastic shopping bag noong 2015 ay bumaba ng 25% (3.93 billion mula 5.24) ang dami ng mga plastic na itinatapon ng mga tao sa Hong Kong.
 |
Ngunit simula noong 2019 ay tumaas itong muli sa 4.07 billion, at 4.18 billion noong 2020.
 |
| Pero maari pa ring manghingi ng plastic bag para sa lunch box at prutas na walang sariling lalagyan |
Kabilang sa mga pagkain na hindi na maaring ipasok sa mga ipinamimigay na plastic bag ang mga itlog o prutas na nakalagay na sa kahong plastic o yung iba pa na nakakahon na at hindi na maaring matapon o mawasak.
Balak din ng gobyerno na singilin ang mga gumagawa ng mga babasaging lalagyan ng inumin ng 0.98 bawa’t litro simula sa unang bahagi ng darating na taon.
 |
| BAN ON FLIGHTS FROM THE PHILIPPINES LIFTED ON APRIL 1. BOOK YOUR FLIGHTS NOW! PRESS FOR DETAILS |
Karamihan ng mga apektadong sector ay sinabing tama lang ang
hakbang na ito para mabawasan ang tone-toneladang plastic na naitatapon ng mga
tao sa
Pero ayon sa isang grupo na pangkalikasan, hindi sapat na itaas lang sa $1 ang sisingilin sa bawat plastic bag na pinapamahagi sa mga namimili dahil wala na daw itong halaga ngayon.
Dapat daw ay hindi bababa sa $2 ang singil sa bawat plastic bag para mas maramdaman ng mga tao na seryoso ang gobyerno sa kampanyang ito.
Ayon sa gobyerno, matapos aprubahan ng mga mambabatas ang mga bagong panuntunan ay maglalathala ito ng mga gabay para sa pagpapatupad nito.
Bibigyan din ng sapat na oras ang publiko at mga negosyo na makapaghanda at makasanayan ang bagong batas.
 |
| PADALA NA! |
