 |
| Hindi pinansin ng korte ang sabi ng akusado na binili lang niya ang gamot para makatulog |
Ang paggamot sa sarili ay mapanganib, hindi lang sa
kalusugan kundi sa bulsa na rin.
Ito ang natutunan ng Pilipinong si R. Bularin, 39 taong
gulang, nang patawan siya ng multang $2,000 sa West Kowloon Courts kanina dahil
nakuhaan siya ng 13 tabletang pampatulog na may sangkap na zopiclone, na nakalista bilang Part
1 na lason sa Poisons List ng Hong Kong.
 |
| PINDUTIN PARA SA DETALYE! |
Isinantabi ni Acting Principal Magistrate Veronica Heung ang
katwiran ni Bularin na nabili lang nya ang gamot sa isang botika dahil hirap
siyang matulog sa gabi.
Hindi rin pinansin ang sinabi niya na may papel siyang maipapakita
na magpapatunay sa kanyang sleeping disorder.
 |
| Pindutin para sa detalye |
Ang dahilan ay ang pagkakaroon lang ng ganitong lason ay isa
nang pagkakasala at paglabag sa Pharmacy and Poisons Ordinance.
Nang basahin sa kanya ang kasong pagkakaroon ng Part I Poison,
umamin na lang si Bularin. Humingi na rin siya ng paumanhin dahil hindi niya alam na bawal ang ginawa niya.
 |
| PINDUTIN PARA SA DETALYE |
Inaresto siya ng mga pulis noong Nov. 29 sa Tung Chung Shopping
Center sa Tung Chung, New Territories, matapos siyang sitahin.
Nang kapkapan siya ay nakita sa bulsa ng kanyang pantalon ang 13 tableta ng pinagbabawal na gamot.
 |
| BOOK YOUR FLIGHTS NOW! PRESS FOR DETAILS |
Kinumpirma ng Government Laboratory na ang mga tableta ay
may sangkap na zopiclone.
Ayon sa National Institute of Health ng
Canada, mapanganib na gamot ang zopiclone at hindi dapat mapasakamay ng mga tao
nang walang reseta ng doktor, dahil ito ay nakaka-adik.
 |
| PINDUTIN PARA SA DETALYE |
Ang mga nasanay nang uminom nito bilang pampatulog ay
nagkakaroon ng withdrawal symptom gaya ng pagkabalisa, panginginig, paglakas ng
tibok ng puso at iba pa, dagdag nito. Bumabalik din ang problema sa pagtulog.
Sa mga doktor, ang payo nito ay huwag magreseta ng zopiclone
nang pangmatagalan.
 |
| PADALA NA! |
 |
| CALL US! |
 |
