 |
| Maria Lezada |
Nagkayayaan ang magpinsan na magtungo sa Ocean Park dahil kaarawan ni Maria Lezada, libre ang ticket niya at sinabi sa pinsan na ililibre niya ito. Sa sunod na holiday sila magpupunta at napagpasyhan nila na mamasyal muna sa central upang mamili ng mga kutkutin na babaunin.
Napansin ni Maria ang kahon na kulay blue, hinawakan at binasa ang nakasulat na “Attract your Man.” naengganyo siyang bumili ng isang bote sa halagang HK$88 lamang. Pagkabili ay namili sila ng kutkutin na babaunin patungong Ocean park. Nagtungo sila sa banyo at doon binuksan ang nasabing pabango, naibigan nila ang halimuyak nito pati mga katabi nila ay nagkomplimento na mabango ang halimuyak nito.
Paglabas ay nagtungo na sila sa mtr upang magpunta sa Ocean Park. Pagdating doon nakita na sobrang haba ng pila. Nagtiis sila makipila at saka pa lang napansin na panay ang ngiti ng lalaki sa likuran ni Maria. Ngumiti na din siya at kapagdaka’y lumapit ito saka nagpakilala at sinabing so good smell. Sinabi na na taga mid-levels siya at one year pa lang dito , sinabi pa na kaarawan niya kaya nagtungo dito dahil free entrance. Nagkatawanan ang magpinsan at sinabi sa lalaki na magkaparehas sila ng kaarawan.
Napagkaisahan nila na magsama sama na lang sila pumasok. Nagalok pa ito na magbabayad sa ticket ng pinsan ni Maria kaya lalo silang napaisip na mabait ito.Ang mga sumunod pa ng pangyayari ay naging masaya. Hiningi nito ang viber number ni Maria at sabay sabay silang umuwi saka nagusap na magkita muli sa sunod na day off.
