Relasyong Agot-Pilo, ibinunyag sa HK

Inamin na din ng aktres na si Agot Isidro at senatorial candidate Pilo Hilbay ang kanilang pag-uunawaan nang mangampanya sa Hong Kong noong Mar 10 ang grupong Otso Diretso kung saan kabilang ang binatang abugado.

Matagal na ring nababalita na may namumuong relasyon sa dalawa, pero panay pahaging at pakilig lang ang mga salitang binibitawan nila tuwing tinatanong sila tungkol dito.

Pero sa Hong Kong ay buong tamis nilang ipinakita na sila na nga. Naunang dumating si Agot sa Chater Road, at pagdating ni Pilo ay agad siyang tinabihan sa mesa samantalang nagkakagulo ang mga Pilipino sa pagkuha ng litrato.

May nagtanong kay Agot ng “Yes or no?” na sinagot niya ng isang matunog na halakhak. Pero kitang kita sa mga mata nilang dalawa ang kasiyahan sa kanilang pagsasama.

Sa stage, kung saan naging isa sa dalawang host si Agot, panay ang mga papuri niya sa boyfriend. Bago niya ito tinawag para magsalita, sinabi ni Agot na labis siyang humahanga sa talino ni Pilo.

Call us!

Hindi naman sila nagkakalayo sa talino. Si Agot ay nagtapos sa UP Diliman bago nag-aral sa Fashion Institute of Technology sa New York kung saan nagtapos siyang magna cum laude. Habang busy sa mga TV shows at pelikula, nakuha pa niyang mag master’s sa Ateneo.

Si Pilo naman na lumaki sa Tondo at ang tatay ay messenger at labandera ang nanay, ay nagtapos din sa UP ng kursong economics bilang scholar. Doon din siya kumuha ng abugasya, bago nag number sa Bar examination. Siya ang pinakabatang naging solicitor general ng bansa.

Isang journalist na kaibigan ni Pilo, si Philip Lustre, ang nagsabing noon pa man ay umamin na sa kanya ang senatorial candidate na may namumuong relasyon sa kanila ni Agot. Pero pilit nilang nililihim ito hanggang ilunsad ni Pilo ang kanyang kandidatura sa Tondo, kung saan siya lumaki, at sinorpresa siya ni Agot nang bigla itong lumuhod sa kanyang harap habang inaawitan siya.

Call now!

Bago sila nagkakilala, sumikat si Agot sa kanyang matapang na pagtuligsa sa pamahalaang Duterte. Si Pilo naman ay bumalik sa pagtuturo ng batas sa UP matapos siyang mapalitan bilang solicitor general nang magpalit ng administrasyon.

Si Agot ay dating kasal sa kapwa artistang si Manu Sandejas pero wala silang anak. Si Pilo ayon sa mga balita, ay binata.

KATHRYN–ALDEN FILM KUKUNAN SA HONG KONG 
Positibo ang reaksyon ng mga fans nang i-anunsyo ang pagtatambal sa isang pelikula ng Star Cinema ng Kapamilya actress na si Kathryn Bernardo at Kapuso actor na si Alden Richards.

Call us now!

Ang huling pelikula na tinampukan ni Kathryn katambal ang boyfriend na si Daniel Padilla ay ang tinaguriang “highest grossing movie of all time” sa Pilipinas na “The Hows of Us” (Php800 milyon daw ang kinita).

Hindi naman siya dehado kay Alden dahil ito ang pinakasikat na aktor ng GMA Network ngayon, at nagkataon pang ang kanyang ka-loveteam na si Maine Mendoza, ang kalahati ng phenomenal na parehang AlDub ay nagdeklara nang may tunay na karelasyon ngayon, si Arjo Atayde.

Dahil dito ay malabong matupad ang ilusyon ng kanilang mga fan na silang dalawa ang magkakatuluyan. Nguni’t kung dati ay hindi nila matanggap na ma-ipareha sa iba ang kanilang mga idolo, ngayon ay marami na sa kanila ang nagsasabi na susuportahan nila ang pelikula ni Alden. Ang mga KathNiel fans ay handa ring suportahan si Kathryn kahit hindi si Daniel ang kapareha niya.



Isa sa malaking dahilan kaya tinangggap daw ni Alden ang pelikula ay dahil gusto niyang maka-trabaho ang director nilang si Cathy Garcia-Molina. Fan daw siya ng direktor dahil sa pelikula nitong “One More Chance” na pinagbidahan nina John Lloyd Cruz at Bea Alonzo. Si John Lloyd daw ang isa sa mga aktor na kanyang hinahangaan.

Ayon kay direk Garcia- Molina, 90% ng kabuuan ng pelikula ay kukunan sa Hong Kong, kung saan ay gaganap na mga batang OFWs sina Kathryn at Alden.

CHOKOLEIT, PUMANAW 
Bumuhos ang pakikiramay mula sa mga kaibigang celebrities, fans at kamag-anak para sa komedyanteng si Chokoleit, 46, (Jonathan Aguilar Garcia sa tunay na buhay) sa biglaan niyang pagpanaw noong gabi ng March 9. Atake sa puso at pulmonary edema ang dahilan ng kanyang pagkamatay. Nag-collapse siya pagkatapos mag-perform sa Abra Kawayan Festival 2019 sa Bangued, Abra at hindi na nagkamalay matapos isugod sa ospital.

Ilan sa mga celebrities na huling nakausap at nakasama ni Chocoleit sa pagtatanghal sa Abra ay sina Pops Fernandez, Paulo Avelino, Enchong Dee at JM de Guzman. Marami ang nakapuna na tila hindi maganda ang pakiramdam ng komedyante, pero pinili pa  rin nitong ituloy ang kanyang performance. Sa inilabas na video show, halata sa kanyang pagsasalita na nahihirapan siya dahil halos hinahabol na niya ang paghinga, at kahit nagpapatawa ay tila may lungkot ang kanyang mga mata.

Labis na nalungkot ang mga matalik niyang mga kaibigan na sina Pokwang, K Brosas, Pooh,  John Lapus at Vice Ganda nang dalawin nila ang kanyang labi sa unang gabi ng burol.
Namataan din nang gabing iyon sina Shaina Magdayao, Agot Isidro, Ogie Diaz, Ryza Cenon, at ang mga komedyanteng sina Ryan Bang, Atak, Lassy, at Teri Onor. Nakatakdang dalhin ang labi ni Chokoleit sa kanyang bayan sa Davao sa March 15.

Binigyan ng munting tribute ang komedyante sa Kapamilya shows na Umagang Kay Ganda, Showtime, at ASAP, kung saan ay kinanta nina Regine Velasquez, Zsazsa Padilla at Kyla ang awiting “Send In the Clowns” para sa kanya.

Ilan sa mga naunang nagpahatid ng mensahe ng pakikiramay sina Gary Valenciano, Ogie Alcasid, Angel Locsin, Anne Curtis, Claudine Barretto at AiAi delas Alas.

Si Chokoleit ay nakilala sa pagganap niya bilang si Pearly Shell sa TV series na “Marina” noong 2004.  Napanood din siya sa Kampanerang Kuba, Asintado, at mga pelikulang Volta, Rollerboys, ZsaZsa Zaturnaah, Etiquette for Mistresses,  The One That Ghost Away, at Fantastica.

GABBY, SINAMPAHAN NG KASO NG KAPATID 
Inireklamo ng falsification of public documents ni Miguel Arellano Concepcion ang nakatatanda niyang kapatid na si Gabby Concepcion (Gabriel Arellano Concepcion ang tunay na pangalan). Sa kasong inihain nito sa Criminal Investigation and Detective Group – National Capital Region (CIDG – NCR) sinabi ni Miguel na may anomalya sa pagbebenta ng lupain na nasa pangalan ng kanilang inang si Mrs. Ma. Lourdes Arellano Concepcion.

Ayon kay Miguel, noong panahon na ibinenta ang lote na (may sukat na 890 sq. meters, at nasa P. Guevarra sa San Juan), at nagkapirmahan ng dokumento, nasa Amerika ang kanilang ina, at ipinakita bilang ebidensya ang kopya ng pasaporte nito. Nalaman lang daw ni Miguel na iba na ang may-ari nito nang umuwi siya sa Pilipinas  noong January. Ilang beses daw niyang tinangkang kausapin si Gabby tungkol dito, pero ayaw nitong makipag-usap.

OGIE AT INA, INAMING NAG-DATE NOON
Nagkabistuhan sa presscon ng pelikulang “Kuya Wes” na pinagbibidahan nina Ogie Alcasid at Ina Raymundo. Inamin nila na naging close sila at nag-date noong kasikatan nila, pero hindi raw umabot sa naging sila na, dahil nabisto raw ni Ina na may non-showbiz girlfriend si Ogie habang nanliligaw sa kanya.

Naungkat ang pagiging chickboy ni Ogie dahil napag-usapan din na may girlfriend itong nangangalang Mia habang karelasyon noon ang ex wife na niya ngayong si Michelle Van Eimeren. Nagkaroon ng dalawang anak sina Michelle at Ogie, pero nagkahiwalay din bago siya na-link sa asawa na niya ngayong si Regine Velasquez.

Sa kabila nito ay naging maganda pa rin ang relasyon ng dalawa kahit may kanya-kanya na silang pamilya. Parehong dalaga na ngayon ang mga anak nilang sina Leila at Sarah, samantalang may anak na din siya kay Regine na si Nate.



Ayon kay Ogie, wala nang dapat ipagselos si Regine ngayon. Masaya rin daw siya para kay Ina dahil successful ang buhay may asawa nito. Si Ina ay kasal sa Canadian national na si Brian Poturnak at may apat silang anak.

Ang “Kuya Wes” ay naipalabas na sa Cinemalaya Film Festival 2018, at kamakailan ay isinali sa 2019 Fantasporto Fil Festival sa Portugal, Spain, kung saan ay nanalo si Ina bilang best actress, ka-tie si AiAi delas Alas para naman sa pelikulang “School Service”.

Ang director nito ay si James Robin Mayo, at produced ng A-Team Productions ni Ogie, Spring Films at Awkward Penguin. Ipapalabas ito nationwide simula sa March 13.

===

BAGO ITO!
Mas madali nang tawagan ang mga advertiser natin dito. Pindutin lang ang kanilang ad at lalabas ang automatic dialer. Isa pang pindot ay matatawagan mo ang advertiser na hindi na kailangang i-dial ang numero nila. I-try mo!

Call us!

jargonhr@yahoo.com

CALL US!

Call us!

Press ad to call

Call us!

Call us!

Call now!

Call us now!

Call us now!

Kris, tuloy ang alitan sa dating business partner

Patuloy ang paglala ng alitan sa pamagitan ng aktres at product endorser na si Kris Aquino at ang dating business partner at matalik na kaibigan na si Nicko Falcis.

Nagpa-interview na si Nicko kamakailan, at sinabing may utang pa si Kris na Php20million sa kanya dahil sa mga commission na dapat niyang kinita matapos makapagsara ng mga advertising deal ng aktres.

Bago nito, inakusahan siya ni Kris ng paggamit ng credit card ng kanilang kumpanya para sa mga personal niyang gastusin na umabot sa mahigit Php1million ang halaga.

Kris Aquino

Nitong huli, inilabas din ni Kris na kabilang ang Php40 million mula sa trust fund ng mga anak niyang sina Josh at Bimby ang pinangambahan niyang tinangay ni Nicko.

Ang nangyari pala ay ginamit ito ni Nicko para i-invest sa franchise ng Potato Corner sa Thailand. Bagamat sa pangalan ni Nicko nakalista ang investment, sinabi naman ng kumpanya na alam nilang ang “beneficial” o tunay na may-ari ng pera ay si Kris kaya wala siyang dapat pangambahan.

Umabot na din sa media ang matinding awayan ng dating business partner. Kamakailan ay ibinalita ng TV5 na sinulatan sila ng mga abugado ni Kris si Divina Law para balaan na ang patuloy nilang pag-interview kay Nicko at kapatid nitong si Jess na malamang na labag sa batas.

Hindi naman ito pinansin ng TV5, kung saan may programa sa radio ang nakababatang Falcis na si Jess, isang abugado.

“Kami po sa News5 ay tinitiyak na patas ang aming pagbabalita at sinisikap na makuha ang bawat panig ng kampong sangkot sa isyu,” sabi ng kanilang pahayag.

“Bagama’t meron pong programa sa Radyo Singko ang kapatid ni Nicko na si Atty. Jesus Falcis ay wala po kaming pinapaboran.”

Nagpatutsada din ang nakababatang Falcis, na nagpost sa Facebook ng tanong na: “Who crowned Kris Aquino”, kung saan tinawag nito ang aktres na “a has been, self-proclaimed for branding purposes Queen of Media.’

“Kris Aquino was the one who first defamed my brother. Our responses are only in self defense…She started with lies, we’ll finish with the truth,” sabi pa nito.

Kasalukuyan pa ring nagpapatingin sa isang ospital sa Singapore ni Kris para sa sinabi niyang sakit na autoimmune disorder.

Si Nicko naman ay nahaharap sa reklamong theft na isinampa ng aktres sa pitong lungsod sa Metro Manila, samatalang si Jess ay kinasuhan ni Kris ng cyberlibel sa Department of Justice.

Julie Ann, inaming break na sila ni Benjamin
Sa unang pagkakataon ay inamin ni Julie Anne San Jose na break na sila ni Benjamin Alves noong pang isang taon.

Unang lumabas ang mga balita na break na ang dalawang kapwa Kapuso noong nakaraang Nobyembre, matapos na pumanaw ang ama ni Benjamin,29. Sinundan ito ng balitang nag unfollow sila sa isa’t isa sa Instagram.

Isang maiksing “yes” lang ang sagot ni Julie Anne, 24, nang tanungin kung totoong hiwalay na sila ng boyfriend, sa press conference ng kanyang nalalapit na concert series kasama si Christian Bautista noong Jan. 10.

Sa sumunod na tanungan, kinumpirma niya na noong isang taon pa sila nagkahiwalay, at mas maigi daw ang sitwasyon niya ngayon.

Inamin din niyang hindi naging maganda ang hiwalayan nila ni Benjamin kaya hindi na sila magkaibigan ngayon.

Sa ngayon ay ang trabaho na lang daw muna ang pagtutuunan niya ng pansin at hindi ang lovelife. Hindi pa raw siya handang makipagrelasyon muli.

Bukod sa mga concert ay abala din si Julie Anne sa kanyang weekend variety show na TV7 kung saan kasama niya ang lahat ng mga batikang mang-aawit ng Channel 7.

John Lloyd at Ellen, nag Tokyo Disney kasama ang baby
Naglabas ang showbiz website na PEP ng mga litrato ng actor na si John Lloyd kasama ang girlfriend niyang si Ellen Adarna, pamilya nito at ang anak nilang si Elias habang nasa Tokyo Disneylang noong Bagong Taon.

Nakasuot ng magkaternong asul na jacket sina Ellen at John Lloyd, na karga-karga si Baby Elias. May isa pang litrato kung saan ang batang anim na buwan na ngayon ang edad ay nakaupo sa stroller katabi ng pamilya sa harap ng Cinderella castle.



Binura ang mukha ng bata sa lahat ng mga litrato para hindi ito makilala.

Noong Pasko, may lumabas na litrato si Ellen kasama ang pamilya habang nagkakasiyahan sa bahay ng isang tiya niya sa Alabang. Wala sa litrato si John Lloyd at hindi rin matukoy kung ang baby na nasa litrato ay ang anak nilang si Elias, kaya marami ang pumuna sa litrato.

Mahigit ng isang taon na hindi lumalabas sa anumang pelikula o palabas ang dalawa, at hanggang ngayon ay hindi pa rin sila nagpapahiwatig kung may balak silang bumalik sa showbiz.



Naging kontrobersiyal ang pagmamabutihan ng dalawa dahil noong mga panahong iyon ay balitang karelasyon pa ni John Lloyd ang Kapamilya aktres na si Angelica Panganiban, samantalang si Ellen ay kabi-break pa lang kay Baste Duterte.

Adults na sina Mavy at Cassy
Usap-usapan sa showbiz ngayon ang glamorosong 18th birthday party ng kambal na sina Mavy at Cassy Legaspi na ginanap sa One Canvas Events Place sa Makati noong Jan. 12.

Ang gown ni Cassy na may mahabang train ay dinisenyo ng sikat na couturier na si Francis Libiran, na siya ring may gawa ng sinuot ni Mavy at ng kanilang mga magulang na sina Zoren Legaspi at Carmina Villaroel.

Ang Hollywood-themed party ay dinaluhan ng ilang kapwa nila showbiz royalties, katulad ng dalawang anak ni Sunshine Cruz, ni Ruffa Gutierrez at Marjorie Barretto.



Ang kambal na dating nakikita lang sa mga commercial ay parehong contract star na ngayon ng GMA7, kung saan kasama nila ang kanilang mga magulang.

Bagamat pareho nang adults, masaya daw sila na kasama sa bahay ang kanilang mga magulang at walang balak na bumukod. Pati sa mga gagawin nilang project sa GMA7, ang mga magulang din nila ang gusto daw nilang makasama.



Samantala, naging kontrobersyal ang suot na gown ni Angelina Montano, anak ni Sunshine, dahil may pumuna na hindi ito akma sa kanyang edad.

Sabi ng isang netizen na ang Instagram user name ay @expensive-addict: “Ke bata bata pa pinagsusuot mo na ng ganyan damit. Hays [crying emoji].”

Hindi naman ito pinalampas ni Sunshine na agad na nag comment ng: “She’s 17 years old. Attending a Hollywood-themed party. Ano problema sa suot nya (What’s wrong with what she’s wearing) if I may ask?”

Hindi na sumagot ang pumuna.

Bago ito, nag post si Sunshine ng komentong may paghanga sa panganay na anak, na sinang-ayunan ng mga iba pang nagkomento, na ang karamihan ay nagsabing magkamukha ang mag-ina. May mga nagsabi naman na ang kamukha ni Angelina ay ang American actress na si Alexis Bledel o ang Cuban-American singer na si Camila Cabello.

Bagama’t marami ang humanga sa ganda ng panganay ni Sunshine, mukhang wala itong balak mag-artista dahil ang pangarap nito ay maging isang professional na singer.

Bagamat kilala na ngayon bilang mahusay na aktres si Sunshine, marunong din itong kumanta dahil mula sa popular na angkan ng Cruz na mga musikero.

Suportahan po natin ang ating mga sponsor:

Film on gays wins big in MMFF

“Rainbow Sunset,” a film about a gay elderly couple, was the big winner at the 2018 Metro Manila Film Festival’s Gabi ng Parangal held on Dec 27.
The film directed by Joel Lamangan won a total of 11 awards, including best director and best picture.

Below is the complete list of the winners:
Best Picture: ”Rainbow Sunset”
Best Actor: Dennis Trillo, “One Great Love”
Best Actress: Gloria Romero, “Rainbow’s Sunset” 
Best Director: Joel Lamangan, “Rainbow’s Sunset”
Second Best Picture: “Aurora”
Third Best Picture: “One Great Love” 
Special Jury Prize: Eddie Garcia, “Rainbow's Sunset”
Special Jury Prize: Max Collins, “Rainbow's Sunset”
Best Supporting Actor: Tony Mabesa, “Rainbow’s Sunset”
Best Supporting Actress: Aiko Melendez,” Rainbow’s Sunset”
Gatpuno Antonio J. Villegas Cultural Award: “Rainbow’s Sunset”
Best Child Performer: Phoebe Villamor, “Aurora”
Best Production Design: ”Rainbow’s Sunset”
Best Visual Effects: ”Aurora”
Best Sound Design: ”Aurora”
Best Musical Score: ”One Great Love”
Best Original Theme Song: ”Sa’yo Na” from “Rainbow’s Sunset”
Best Editing: ”Jack Em Popoy: The Puliscredibles”
Best Cinematography: “Aurora”
Best Screenplay: “Rainbow’s Sunset”
FPJ Memorial Award: ”Jack Em Popoy: The Puliscredibles”
Best Short Student Film: ”Kasilyas” - Bulacan State University
Best Float: ”Jack Em Popoy: The Puliscredibles”
Stars of the Night : Jericho Rosales (“The Girl in the Orange Dress”), Anne Curtis (“Aurora”)

Fantastica at Jackempopoy, nangunguna sa takilya sa mmff

Mulingdumagsa ang mga manonood nitong Pasko sa pagbubukas ng Metro Manila Film Festival.

Agad na humataw sa takilya ang mga pelikulang JackEmPopoy napinagbibidahan nina Vic Sotto, Coco Martin at Maine Mendoza; at Fantastica nina Vice Ganda, Richard Gutierrez, Dingdong Dantes at marami pang iba. Maaga pa lang ay wala nang mabiling tiket sa mga sinehan dahil naubos agad sa mga nag-advance booking.

Nag-ikot din sa mga sinehanan ang mga bida sa mga pelikulang kalahok sa MMFF, at balitang magkakasamang nanood din ng kanilang pelikula ang mgabida ng Fantastica. Kasama ring nanood sina Marian Rivera, bilang suporta kay Dingdong, at Sarah Lahbati, para kay Richard.

Mga poster ng pelikulang kalahok sa MMFF.

Malakas din sa takilya ang pelikulang “Aurora” ni Anne Curtis, at inaasahang marami ring manonood saiba pang kalahok, ang “One Great Love’”, “Mary, Marry Me”, “Otlum”, “Rainbow’s Sunset” at “The Girl in the Orange Dress”.

Ang magkapatid na sina Toni at Alex Gonzaga, na bida sa “Mary, Marry Me” ay sinorpresa ang mga nanood nangbatiin nila ang mga ito at pasalamatan. Si Luis Manzano naman ay nagbigay-suportasa girlfriend na si Jessy Mendiola nang magpa-block screening ito para mapanood ng mgakaibigan at kamag-ana kni Jessy ng pelikula nitong”The Girl in the Orange Dress”

Ang mga mananalo sa awards night ang magbibigyan ng tsansa nalumakas pa ang kita sa takilya.

MISS UNIVERSE CATRIONA GRAY MAGANDA ANG REGALO SA MGA PINOY
Ang pagkapanalo bilang Miss Universe ang pinakamagandang regalo para sa Pasko na inihandog ni Catriona Gray sa mga Pilipino. Ipinagbunyi ng buong bansa ang kanyangpagkapanalo, at marami siyang pinahanga sa kanyang naging performance, lalo na sa kanyang mga matalinong sagot sa question ang answer portion. Maging ang kanyang pagrampa suot ang swim wear at gowns ay umani ng papuri lalo na dahil sa ginawa niyang “lava walk”.



Pinasalamatanni Catriona ang kanyang mga magulang na nanood sa venue ng Miss Universe sa Impact Arena sa Bangkok, Thailand, kasama angmarami ring Pinoy na dumayo rin doon upangsuportahan ang kandidata ng Pilipinas. Pagkatapos ng pageant ay umuwi muna sa Pilipinas si Catriona upang makita siyang muli ng mga kapwa Pinoy at mag courtesy call kay Presidente Duterte bago siya tumulak papuntang Amerika. Nakatakda siyang manirahan doon ng isang taon habang ginagampanan ang kanyang mga tungkulin bilang Miss Universe.

Si Catriona ang pang-apat na Pinay na nanalosa Miss Universe. Ang iba pa ay sina Gloria Diaz (1969), Margie Moran (1973) at Pia Wurtzbach (2015).



Samantala, nangungulila ang boyfriend ni Catriona na si Clint Bondad, isang commercial model ng Filipino German. Dahil sa dami ng mga commitments ng dalaga bilang Miss Universe, wala na raw silang oras magkita o magkausap. Naiintindihan daw naman niya ito dahil alam niyang matagal nang pinaghandaan ito ni Ctariona. Hihintayin nalang niyang lumuwag-luwag ang schedule nito para makadalaw siya.



CAMILLE, BUNTIS ULIT
Noong Pasko ay masayang ibinalita ni Camille Prats, asawangsi VJ Yambao at mga anak nila na madadagdagan na sila dahil buntis ulit ang aktres. si Camille. Nine weeks na raw ang kanyang ipinagbubuntis.

Ito ang pangatlong anak ni Camille. Ang kanyang panganay nasi Nathan ay anak niya sa unang asawa niyang si Anthony Linsangan, na namatay sa sakit na cancer noong 2011. Ang pangalawa ay ang anak nila ni VJ, na si Nala, na mahigit isang taon pa lang. Mayroon din siyang stepson, si Isaiah, na anak ni VJ sa dating karelasyon.



IZA, LOTLOT, IKINASAL NA
Magkasunod na ikinasal sina Iza Calzado at Lotlot de Leon.

Si Lotlot ay ikinasal sa kanyang long-time partner na isang Lebanese businessman, si Fadi El Soury noong December 17. Dumalo ang apat na anak niya sa dating asawa na si Ramon Christopher Gutierrez na sina Janine, Diego, Maxine at Jessica Gutierrez.

Naroon din ang adoptive father niyang si Christopher de Leon, asawa nitongsi Sandy Andolong at kanilang mga anak. Pero hindi dumating ang adoptive mother niyang si Nora Aunor, na balitang hindi in good terms sa mga anak niya.

Samantala, si Iza ay ikinasal noong December 19 sa Palawan sa kanyang matagal nang boyfriend na si Ben Wintle.

Dahil pareho nang namatay ang mga magulang ni Iza, itinali niya sa kanyang bouquet ang locket na may mga larawan ng kanyang mga magulang na sina LitoCalzado at Mary Ann Ussher.

Kabilang sa kanyang mga bisita ay ang kanyang mga matalik na kaibigan at naging kasamahan niya sa orihinal na Encantadia na sina Sunshine Dizon at Karylle.

Aljur at Kylie, ikinasal na

Ikinasal na ang Kapamilya actor na si Aljur Abrenica, 28, at Kapuso actress na si Kylie Padilla, 25, sa isang intimate Christian wedding noong December 11. Ginanap ito sa Villa Milagros Ancestral House sa Rodriguez, Rizal.

Pinangunahan ni Robin Padilla, ama ni Kylie, ang 70 guests na kinabibilangan ng malalapit na kamag-anak at kaibigan nina Aljur at Kylie. Naroon din ang ina ni Kylie na si Liezl Sicangco at iba pang anak nila ni Robin na sina Queenie, na tumayong matron of honor, Zhen Zhen, na naging maid of honor at ang bunso nilang si Ali. Kasama ni Robin ang asawa niya ngayong si Mariel Rodriguez at anak nilang si Isabella na naging flower girl sa kasal.

Ang mga kapatid ni Aljur na sina Vin at Allen Abrenica ay parehong groomsmen. Ka-date ni Vin ang matagal na niyang girlfriend, ang Kapuso actress na si Sophie Albert, na kasabay niyang nagsimula sa showbiz sa TV5. Dumalo rin ang kaibigan ni Kylie na si Gabbi Garcia, na kasama ang natsi-tsismis na boyfriend niya ngayong si Kahlil Ramos.

Simple pero elegante ang wedding gown ni Kylie, na gawa ni Mak Tumang, habang naka-checkered suit na terno si Aljur. 

Maganda ang naging love story nina Aljur at Kylie, na unang umamin na sila na,  noong 2011. Naging off and on ang kanilang relasyon hanggang mag-break sila noong 2014, at parehong nakapag-move on na, hanggang magkita silang muli, at nang lumaon ay ibinalitang sila na ulit noong September 2016. Noong January 2017, ibinalita nila na buntis si Kylie, at ipinahayag na engaged na sila. Noong August 5, 2017, isinilang ni Kylie ang anak nila ni Aljur na si Alas Joaquin Abrenica.



CHERRIE GIL, NAGLABAS NG ACTOR’S ETIQUETTE POST
Halata ang pagka-inis ni Cherrie Gil sa ilang kasamahan sa industriya dahil sa hindi tamang pagtrato sa mga kapwa artista, kaya naglabas siya ng sarili niyang pamantayan na tinawag niyang Actor’s Etiquette.

Ang kanyang post:
“Certain actors’ etiquette are not taught in some acting workshops. And I think they should be. I personally think the ff: and NOT in the order of importance: “NEVER ever kiss me in greeting, out of so called politeness and courtesy, if I don’t know who the hell you are! Introduce yourself first.
“And pllleeeaaasssee don’t call me TITA unless we are blood related”.
“NEVER ever echo the directors’ instructions to your co-actor in the scene”.
“Never TEACH your co actor or tell her/him how he should do the scene or his part unless YOU need something from the actor which would help you in your own process. BUT ask kindly and humbly.
“NEVER look to your cellphone or retouch while blocking/reading a scene (I promise I’ll either slap you or walk out on you). 
 ”NEVER LET any actor wait for you when called to the set. ESPECIALLY senior actors
“Art is a collaboration. And there is always room to learn from and grow with one another. So... please throw your effing ugly EGO out the window .
There are various kinds of EGO btw. Learn the difference”. KEEP the good kind which is necessary for creativity and your own preservation of self worth !
“THANK YOU!”


Pahulaan ngayon kung sino sa mga kasamahan niya sa kanyang show sa GMA Network, ang kanyang pinatatamaan. Base sa kanyang post, baguhan pa lang ito kaya hindi niya ito kilala, o hindi rin siya kilala nito. 

PINAGHAHANDAAN ANG MMFF 2018
Ngayon pa lang ay naghahanda na ang mga fans ng mga artistang may pelikulang kasali sa Metro Manila Film Festival 2018. Hinuhulaan na rin kung aling pelikula ang mangunguna sa takilya at kung patuloy pa ring mamamayagpag si Vice Ganda at muling tanghaling “reyna” ng MMFF dahil sa pagiging top grosser ng kanyang mga pelikula.



Ang mga kalahok sa taong ito:
1) Rainbow’s Sunset – Eddie Garcia, Gloria Romero, Tony Mabesa, Tirso Cruz III, Aiko Melendez, Sunshine Dizon, Max Collins. Directted by Joel Lamangan
2) Fantastica – Vice Ganda, Richard Gutierrez, Dingdong Dantes, Bela Padilla, Jaclyn Jose, Maymay Entrata, Edward Barber, Loisa Andalio, Ronnie Alonte, Kisses Delavi, Donny Pangilinan. Director si Barry Gonzales.
3) Jack Em Popoy, The PulisCredibles – Vic Sotto, Coco Martin at Maine Mendoza. Director si Mike Tuviera.
4) Aurora – Isang horror movie na pinagbibidahan ni Anne Curtis, sa direksyon ni Yam Laranas.
5) One Great Love – Kim Chiu, Dennis Trillo, JC de Vera, Eric Quizon, Miles Ocampo. Directed by Eric Quizon.
6) Mary, Marry Me – Toni Gonzaga, Sam Milby, Alex Gonzaga, Bayani Agbayani, Melai Cantiveros, Moi Bien. Directed by RC Delos Reyes. 
7) The Girl in the Orange Dress – Jericho Rosales, Jessy Mendiola, with special participation of Derek Ramsay, Tuesday Vargas, Maxene Magalona, Luis Manzanao, Jennylyn Mercado at Boy Abunda. Sa direksyon ni Jay Abello.
8) OTLUM – Jerome Ponce, Ricci Rivero, Buboy Villar, Kiray Celis, Michelle Vito, Vito Marquez. Special guests sina Irma Adlawan at John Estrada. Si Joven Tan ang director.

DARNA, LILIPAD NA SA 2019
Ipinahayag ni Olivia Lamasan, managing director ng Star Cinema at Kris Gazmen, head ng Black Sheep ang mga naka-lineup na na pelikula ng ABS CBN para sa susunod na taon nang mag-attend sila sa 2018 Singapore Media Fest kamakailan.

Unang ipapalabas sa January ang pelikulang “Eerie” na pinagbibidahan nina Charo Santos-Concio at Bea Alonzo. Pang- Valentine naman ang bagong Liz-Quen movie, kung saan ay isang UP student ang gagampanan ni Liza Soberano. Ang director nito ay si Antonette Jadaone.



Inaayos na rin daw ng director na si Jerrold Tarog, ang script ng “Darna” upang matapos at maipalabas na ito sa susunod na taon. Si Tarog, na mas nakilala bilang director ng “Heneral Luna” at “Goyo”, ang pumalit kay Erik Matti, na nag-resign sa proyekto dahil sa “creative differences” sa management.

May nakalinya ring follow-up movie para kina Daniel Padilla at Kathryn Bernardo, na sa ngayon ay itinuturing na no. 1 love team dahil gumawa ng record sa takilya ang pelikula nilang “The Hows Of Us” na kumita ng mahigit Php600 milyon.

Bukod sa local movies, may gagawin ding international movie ang Black Sheep, ito ang “Motel Acacia” na pagbibidahan nina JC Santos, Jan Bijvoet ng Begium, Bront Palarae ng Malaysia, Vithaya Pansringarm ng Thailand, Talia Zucker ng Australia, at Will Jaymes ng U.S./Australia. Ito ay sa direksyon ng Malaysian director na si Brad Liew.

Ang Black Sheep ay bagong production company ng ABS CBN, na itinatag lang nitong 2018, na ang target audience ay mga millenials. Ang isa pang production unit, ang CineBro Originals ay itinatag naman para sa male audience, kaya asahan nang muling magbabalik ang action films.